نبض قلب 💙

الفصل الخامس

_ اهدى يا بنتى محصلش حاجه لكل ده
نور برعشه شديده وهى تهز رئسها بسرعه : لا.. لا.. كلب.. لا
مروان بصوت واطى لماماته : مين دى!.. البت دى كانت فى المستشفى هى تعرفنا!
مامته بصوت واطى لمروان : يا حبيبى خليك فى حالك
مروان بصدمه وهو ينظر لمامته : بقى كده يا سوسو.. انا مروان حبيبك تقوليلى خليك فى حالك... طب انا زعلان
الام : ازعل جت الى هتقعد معايا
مروان بصدمه : نعم!
~~~~~~~~~~~~
_عملت اى..
= رقبته يا معلم.. وهو روح البيت والبت نور معاه
_ ايو انا بتكلم عن الزفت مروان.. خرج!
=لا يا يا باشا مخرجش من سعه ما روح.. بس سمعت صوت صريخ جوه مش عارف حصل اى.!
_ وانت مالك انت فى صريخ ولا فى اى.. اتنيل روح شوف شغلك.. يلااا
= ح.. حاضر يا باشا
_ بقى كده... خدت نور.. كان متوقع بردو يا عمى يا جاامد.. بس بردو مش هسيبكو فى حالكو مستحيل اسيب حقى وانسي الى عملته فيا وفى ابويا من زمااان..... انت يا سليم الكلب
سليم برعب : نعم يا باشا
كريم : انا زرعك وسطيهم على الفاضى.. ما تشوف شغلك يا استاذ.. انت فاكر نفسك دكتور ولا اى...
( لسترجاع الذكريات سليم دكتور معاهم فى المستشفى الى قرء الى فات هيفتكر الدكتور الى كان هيكون مدرب مازن بس رفض)

سليم بخوف : ي يا باشا منستش ولا حاجه.. منا برقبهم اهو
كريم : لا يحلو انا عاوز عينك فى وسط راسك تكون عارف النمله فين بظبط وبتعمل اى
سليم بخوف : من عنيا يا كريم بااشاا
كريم بعصبيه : غوور يلااااا.. منا مش جيبك عميل قوات خاصه مستبعد.. عشان تشتغلى عظام يا روح امك
( لتوضيح : سليم كان فرد فى القوات الخاصه بس عمل غلطه كبيره هتتعرف بعدين.. واستبعد..
لتوضيح ٢ : كريم قواات خاصه ومش اى حد.. ده متخصص فى الصعوبات قلبه ميت..)
سليم : اسف يا بااشا..
~~~~~~~~~~~~~~
مروان بفهم : قلتولى.. يعنى القطه الحلوه دى من هنا ورايح عضو فى البيت... لا وكمان اى ليها حقوق اكتر منى
الام بتاكيد : ايو
مروان وهو يلطم : اااه.. والقطه عندها فوبيا من الكلااااب..
الام بتاكيد : اه
مروان : احييه
الام : عيب يا ولد
مروان : انتو مش قلتولها ان عزيز وام عزيز وابو عزيز وجد عزيز ومرات عزيز وولاد عزيز.. فى الجنينه بره ولا اى..
الام : لا..
مروان وهو يقف : حيث كدا اروح اققلها
الام وهى تجلسه مره اخرى : متتنيل تسكت وبعدين انت تقعد فى اوضتك ومش تخرج منها لحد ما البت تاخد على الوضع
مروان : اهه.. قلتيلى
الام : يلا بقى يا حبيبى اطلع اوضتك وانا هجهزلك الاكل وطلعهولك فوق
مروان بصدمه : هو انا مش هاكل معاكو
الام وهى تبتسم : لاا يا حبيبى نور هى الى هتاكل معانا.. ما هو مش معقول تاكل لوحدها وبردو عشان تعرف تاخد رحتها
مروان : ماما انا لسه جاي من السفر النهارده هو انا موحشتكوش
الام بابتسامه حنونه : ازاى يا حبيبى وحشتنا طبعا بس نور مرت بظروف صعبه جداا وانا عوزاها تعتبرنى زى امها.. وانت هتكون عائق
مروان : انا.. انا.. عائق..
الام : يا حبيبى اطلع يلا.. عشان عماله احيل فيك وانت بردو معاند
مروان وهو يطلع على السلم بعصبيه : بقى من اول يوم تخطف اهلى منى.. حسبى الله
الام من تحت : بتتحسبن على مين يا مارو
مروان بصوت عالى : على حظى.. حظى الاسود.. متحطيش فى بالك انتى
الام : طيب يا حبيبى
ودخلت الام تجهز الاكل وسامح بيحاول يهدى نور فى الجنينه

~~~~~~~~~~
*يلا يا سامح الاكل جهز يا حبيبى
سامح : حاضر جين اهوو... يلا يا نور
نور وهى تنظر اليه بحزن : انا حسه انى بتقل عليكو
سامح : علفكره يا نور لو قلتى كده تانى هزعل منك بجد
نور بابتسامه : يعنى مش هتندم ابدا
سامح: هندم ازاى وانا بقى عاندى بنت زى القمر شبهك كده.. واسمها نوور كمان
نور بحزن : بابا الى اختاره..
سامح وهو يحاول يخرجها من الحزن : يلا طيب بسرعه عشان الست الى جوه دى لو اتاخرنا على الاكل بتخلينا نغسل الموعين اسبوع قدام "و اكمل بصوت واطى" اصلها استغلاليه..
نور بضحك : يلا..

وخلصو اكل وسامح ورا الاوضه لى نور ووعدها ان هو هيجددهلها وهى الى هتختارها بنفسها..
وهى فرحت جدا بالاهتمام ده بس اول ما دخلت الاوضه حست بالوحده تانى.. سامح ومراته معملوش حاجه غير ان هما بيشغلوها عن وجعها.. بس وجع الفراق صعب وخصوصا لو حد غالى عليك
يكون معاك وفجاءه كده يختفى من الوجود حاجه صعبه جدا.. وبدائت تعيط وتفتكر اخر فتره قبل ما تسيبها وتروح الجامعه وبتدعى ان يرجع بيها الزمن ومترحش على الاققل تموت معاها.. وتقتكر ايام ماكانت بتدرس حليتها عشان تعلجها ويعيشو مع بعض. ومش عرفت تنام
الساعه جت ٢ بليل.. حسيت ان هى عطشانه نزلت عشان تشرب من المطبخ.. وفجاءه
~~~~~~~~~~~~
مازن بتعب : يا دكتور.. بلله عليك عاوز انام شويه.. بقالى يومين مطبق
مصطفى : يا بختك انا بقيلى تلت ايام
مازن بقله حيله : يا عينى عليك ياا واد يا مازن ده انت كنت ورده مفتحه
مصطفى : امتى ياض تبطل الكلام ده
مازن : ابطل اى بس انا بقلى سبع سنين ما صدقت خلصو بتشلوح فيهم عشان اجى هنا يتمسح بيها البلاط
مصطفى بتكمله : والحيطان وحياتك
_ دكتور مصطفى.. دكتور مصطفى
مصطفى بفزع : فى اى
_ فى حاله غريبه جت دلوقتى
مصطفى : خلاص انا جى
~~~~~~~~~~
وفجاءه...
*رئت نور شخص يرتدى تشيرت ابيض بدون ارجل يطير فى المطبخ ويشرب مايه من التلاجه.. هى مفكرتش تشغل مخها وتسأل نفسها هل العفريت بيشرب مايه اصلا.. ولكن اطلقت العنان لى صوتها وصرخت بصوت عالى وهى تركض خارج المطبخ وتقول عفريت عفريت..
المهم البيت كله صحى وعينك ما تشوف الا النور ده مروان نفسه اتفزع ورمى الكوبايه نزلت ميت حته
مروان بفزع : حصل اى
سامح وفاطمه "مرات سامح" خرجو من الاوضه مفزوعين : حصل اى
نور وهى تضع يدها على عينها وتحاول الطقات انفسها وتبكى : ش.. شو.. شوف.. ت عفرريت
سامح : استغفر الله.. عفريت اى يا بنتى تلقى كابوس..
نور بخوف : لا لا عف.. عفريت.. انا متاكده وكان بيطير وبيشرب من التلاجه
وهنا انطلق صوت ضحك مروان وسط استغرابهم جميعا وهنا المره الاولى التى يلتفت انتباه نور ان هناك كائن فى البيت غير سامح وفاطمه
نور بصدمه : اانت.. مين
سامح : ده مروان ابنى
مروان وهو يحاول ان يمسك نفسه من الضحك : ا.. انا العفريت هه
نور وهى تنظر اليه فكان مروان يرتدى سوشيرت ابيض وبنطلون اسود ومع الظلام رئت نور انه شبح ويطير
وكمل مروان : بس انتى عارفه دى تالت مره واول ماشوفك تصرخى.. وبصراحه انا مش مطمن.. وحاسس ان دى اشاره 🙂