With Her

Meet Uno, ang pinakakontrobersiyal na artista ngayon dahil sa pakikipag-break sa long-time partner nito na si Nadia. Ang itinuturong dahilan? Bakla raw si Uno at maraming ebidensiya. Kailngan niya ng magsasalba sa kanya!

Sa isang bakanteng mesa sa isang convenient store pinili ng broken-hearted at wasted na si Shelly na ibuhos ang mabibigat na bagaheng dinadala niya sa dibdib niya. Ang mga bagaheng iyon ay dulot ng pag-aasawa ng daddy niya ng babaeng mas bata pa sa kanya. Ng panloloko sa kanya ng unang lalaking minahal niya at ng pagkamatay ng lalaking nangako sa kanya ng happily ever after.

Kinabukasan, isang post sa social media ang naipost sa tweeter account ni Uno. Makikita sa larawan si Uno at ang isang babaeng nakadukdok sa mesa.

May caption ang picture....With Her...