Ronelo Coma Hayahay

“Panibagong Yugto”
          -Black Diamond
          
          Sa punto ng aking buhay
          May panahon din na ako’y nalulumbay
          Pilit lumalaban kahit walang kaaway
          Napapangiti nalang at napapakunot-kilay.
          
          Ngunit ‘di ako huminto kahit minsan
          Isang araw, aayon din sa’kin ang kapalaran
          Hindi man kasing bilis tulad ng aking inaasahan
          Alam kong may magandang nakalaan.
          
          Taimtim akong nananalangin
          Habang nakangiting nakatitig sa mga bituin
          Mga pangarap ko sana’y dinggin
          At tadhana’y ipaubaya niya sa akin.
          
          ‘Di man lahat natupad
          Gayunpaman masaya ako at mapalad
          Sapagkat hindi lahat ay nabibiyayaan
          Ng buhay na hiram lamang. 
          
          Hindi ko nga lubos akalain
          Malayo-layo na rin pala ang aking narating
          Kahit marami mang balakid ang dumating
          Sa awa ng Diyos, ang mga pagsubok ay nalagpasan din.
          
          Salamat Ama sa panibagong buhay
          Sa bagong yugto na tiyak ay puno ng kulay
          H’wag mo sana akong pabayaan ‘pagkat ikaw ang aking gabay
          At ang ilaw na magsisilbing liwanag sa aking paglalakbay.
          
          Maraming salamat sa mga nakaalala
          Lalo sa aking mga kaibigan at pamilya
          Higit na sa aking mapagmahal na asawa
          Puso ko ngayo’y nag-uumapaw ang saya.
          
          -November 14, 2024  |  7:00AM
          https://www.wattpad.com/1497880064?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

Wikang Pilipino
          https://www.wattpad.com/1447688045?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

https://www.wattpad.com/1447688045?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

https://www.wattpad.com/1453093003?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

“Wikang Pilipino”
          -Black Diamond
          
          Mahirap ka bang mahalin?
          Tila ang hirap mong yakapin
          Lalo na ng mga bagong supling
          Mas pinapantasya ang banyagang wika kaysa sa sariling atin.
          
          Hindi ko mawari kung bakit
          Sa ibang bansa’y sarili nilang lengguwahe ang gamit
          Patunay lamang na ‘di nila ito pinagpalit
          Bagkos minamahal ng lubos na parang paslit.
          
          Walang masamang gumamit ng ibang salita
          Ngunit ‘wag din sana nating kalimutan ang sariling wika
          Patuloy nawa natin itong ipunla sa ating puso’t diwa
          Lalo na sa mga bagong sibol ‘pagkat sila ang bagong pag-asa.
          
          Dapat pahalagahan ang sariling atin
          Kulturang Pilipino’y ipagyabang at payabungin
          Wika’y bigyang oras upang ito’y aralin
          ‘Pagkat ito ay yaman mula sa mga ninuno natin.
          
          Iilan nalang ba kaming may malasakit sa’yo
          ‘Di nahihiyang ipakilala ka sa buong mundo
          Nawa’y iisa ang aming adhikain at prinsipyo
          At taas noong ipagmamalaki ang pagiging Pilipino.
          
          Gayunpaman ‘di ako magsasawang ika’y ibigin
          Ibabandera saang lupalop man ako dalhin
          Sapagkat ang tulad mo’y dapat na mahalin
          Bilang Pilipino, karapatdapat kang ipaglaban at tangkilikin.
          
          Hangga’t ‘di nauubos ang tinta sa ‘king isipan
          At ang kuwaderno na aking susulatan
          Patuloy akong maglikha ng panitikan
          Gamit ang wikang Pilipino na halos pinandidirihan ng karamihan.
          
          -May 21, 2024 | 8:05AM
          https://www.wattpad.com/1447688045?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

https://www.wattpad.com/1436987206?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

“Ikaw Ang Pipiliin”
          -Black Diamond
          
          Hindi ko lubos akalain
          Dininig ng Diyos ang aking mga panalangin
          Ang ika'y makasama at makapiling
          Sa kabila ng mga pinagdaanan natin.
          
          Sinong makakalimot sa una nating tagpo?
          Ako'y 'di mapakali sa kakahintay sayo
          Kaba sa aking puso'y 'di ko maitago
          Takbo ng isipan ko'y balisa at tuliro.
          
          Ngunit ni minsa'y 'di ako pinanghinaan
          Dasal at tiwala'y aking pinanghahawakan
          Na sana'y 'di mo ako pinaglaruan
          'Pagkat naniniwala ako sa 'ting sumpaan.
          
          'Di nagtagal ay nagtagpo rin ang ating landas
          Nayakap at nahagkan din kita sa wakas
          Kaya walang humpay ang pasasalamat ko sa itaas
          'Pagkat dumating ka ng maayos at ligtas.
          
          Biglang napawi ang lungkot sa 'king mukha
          'Di maikubli ang ngiti sa aking mga mata
          Kahit saglit lang tayong nagkasama
          'Tila matagal na tayong pinagtagpo ng tadhana.
          
          Nais ko lamang na malaman mo
          Mula ng binihag mo ang aking puso 
          Pananaw ko sa buhay ay biglang nagbago
          ‘Di man ako perpekto, sisikapin kong suklian lahat ng kabutihan mo.
          
          Salamat sa walang humpay mong pagmamahal
          Sa pagtanggap ng buo at walang angal
          Sana’y 'di ka mapagod ituring akong espesyal
          At pagtibayin nawa ang pagsasama natin ng Poong Maykapal.
          
          Kung sakali mang muli akong papipiliin
          Paniguradong ikaw pa rin ang aking mamahalin
          Aalagaan, iingatan at paliligayahin
          Hanggang sa dulo ng wagas na pagmamahalan natin.
          
          April 7, 2024 | 07:37AM
          
          Happy 1st wedding monthsary, Habibi! ❤️
          https://www.wattpad.com/1436987206?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

“Ikaw Ang Mamahalin”
          -Black Diamond
          
          ‘Tila ba’y kahapon lang ng ika’y aking makilala
          Hanggang ngayon ‘di parin ako makapaniwala
          Sa kabila ng layo ng distansya natin sa isa’t-isa
          Pinagtagpo tayo ng tadhana ng ‘di sinasadya.
          
          Galak sa aking puso’y nag-uumapaw
          Sa gitna ng buwan nais kitang isayaw
          Hiling ko sana’y dinggin ng mga bulalakaw
          ‘Pagkat ‘di ko na mahintay ang pagsikat ng araw.
          
          Magkaiba man tayo ng mundong ginagalawan
          ‘Di ito hadlang upang tayo’y panghinaan
          Walang balakid na ‘di nalalampasan
          Sa kagaya nating wagas ang pagmamahalan.
          
          Sana hanggang sa ating pagtanda
          Tayong dalawa parin ang magkakasama
          Sabay nating gunitain ang mga ala-ala
          Na s’yang nagbibigay-buhay at pag-asa.
          
          Tanging ikaw lamang ang mamahalin
          Sa araw-araw, ikaw ang pipiliin
          Anumang pagsubok ay kakayanin
          H’wag ka lamang mawala sa aking paningin.
          
          Lubos ang aking pasasalamat sa Maykapal
          ‘Pagkat ikaw ang sagot sa aking mga dasal
          Ang taong hinintay ko ng kaytagal
          Ang karapatdapat sa aking pagmamahal.
          
          Salamat dahil nakilala ko ang isang katulad mo
          Minahal at tinanggap ang buo kong pagkatao
          Nawa’y ‘di ka magsasawang ibigin ako
          Makakaasa kang iingatan ko ang ‘yong puso.
          
          -March 7, 2024 | 2PM
          
          Special thanks to Kristín Sigurðardóttir, Gunnar V. Jónsson, Inga Dóra A. Gunnarsdóttir, Marinó Máni Mabazza, and Anton Smári Gunnarsson for being with us on this unforgetable day of ours. Appreciated a lot. ❤️
          https://www.wattpad.com/1436987046?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

“Aking Irog”
          -Black Dimaond
           
          Mula ng ika’y aking makilala
          Galak sa aking muka’y ‘di ko maipinta
          Hindi maipaliwanag ang sayang nadarama
          Hiling ko sana’y ‘di ka maglaho na parang bula.
           
          ‘Di ako umaasang titibok muli ang aking puso
          Buhat ng ika’y aking makilala bigla itong nagbago
          Halos ‘di na makatulog sa gabi sa kakaisip sa iyo
          Ikaw ang nagpapaligaya sa nalulumbay kong mundo.
           
          At ikaw ang puwang na matagal ko ng minimithi
          Ang nagbibigay ngiti sa ‘king mga labi
          Kaligayahang nadarama’y ‘di ko maikubli
          Sa aking puso’t-isipan palagi kang mananatili.
           
          Alam kong ‘di madali ang pag-iibigan natin
          Tiyak maraming pagsubok ang ating tatahakin
          Nawa’y pagmamahalan natin ay pagtibayin
          Anumang unos, hawak kamay nating haharapin.
           
          Maraming salamat sa walang sawang pagmamahal
          Wala mang kasiguruhan ngunit ‘di ka takot sumugal
          Sigaw ng ‘yong damdamin ang tanging umiiral
          Ako’y lubos na mapalad sa ‘ting Poong Maykapal.
           
          Ika’y mamahalin sa abot ng aking makakaya
          Aalagaan hanggang sa ating pagtanda
          Katabi mo sa pagtulog at paggising sa umaga
          Katuwang, kaagapay sa lungkot at ligaya.
           
          Palagi mo sanang iisipin at tatandaan
          Nag-iisa kang tala sa langit na ibig kong pagmasdan
          Ikaw ang natatangi kong Irog na pinakaiingatan
          Simula ngayon, bukas at magpakailanman.
           
          -February 14, 2024 I 9:20AM
          
          Happy Valentine’s Day, Habibi! ❤️
          https://www.wattpad.com/1422793005?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86

https://www.wattpad.com/1421401387?utm_source=ios&utm_medium=postToProfile&utm_content=share_writing&wp_page=create_writer&wp_uname=19BlackDiamond86