7llmdam
قل تم يانور لندن وادعس ظروفك
ولا تناسى الوعد والصدق وطروقه
يانور دنياي جاعت عيني لشوفك
والقلب ضامي وصل والكبد محروقه
حان الوعد لاتكلمني على خوفك
والقلب ينبض ولا حد ينشد عروقه
في غيبتك كل يوم آقابل طيوفك
وآطالب طيوفك بقلبي وبحقوقه
قل تم ويتم في مغليك معروفك
قل تم واسمع لذيذ الشعر واطروقه
آبغي كفوي تذوق الملح بكفوفك
وتشوف عيني شعاع الوجه وبروقه
شفني من الغيم جيت آدور شفوفك
والعهد عهدن علي آموت ومابوقه
هواي ذرب ومرامي حبك وشوفك
ولولاك سوق الهوى مادجت في سوقه
