Isinilang si ABEL CRIBE sa Daet, Camarines Norte ngunit lumaki't nagkaisip sa bayan ng Mulanay sa Lalawigan ng Quezon kaya matindi ang kanyang puntong Mulanayin (na nadala niya hanggang sa kanyang mga akda). Kasalukuyan siyang kumukuha ng kursong AB English sa Enverga University. Miyembro siya ng Kataga-Lucena Panitik (KaLuPa) , isang sangay ng KATAGA, Samahan ng mga Manunulat sa Pilipinas. Naging fellow siya sa ika-10 Palihang Rogelio Sicat (DFPP, Unibersidad ng Pilipinas - Diliman) at sa ika-2 Amelia Lapeña-Bonifacio Writers Workshop (UP-LIKHAAN Institute of Creative Writing). Siya ang may akda ng KAPAG NAIBIG (AT IBA PANG MGA TULA).