နှိုင်းရဲ့အသက်ဝိညာဉ်နဲ့ခန္ဓာကိုယ်တည်ရှိသ၍ နှိုင်းရဲ့ဇာတ်လမ်းလေးတွေက နှိုင်းနဲ့ အတူရှင်သန်နေပါလိမ့်မယ်။

နှိုင်းရဲ့စိတ်ကူးယဉ်ခြင်းတွေကို စာသားတွေအဖြစ် စာရွက်တွေပေါ်မှာ ချရေးဖြစ်တယ်။ဒါက ကိုယ်ပိုင်ကမ္ဘာတစ်ခုပဲ။ဘယ်သူမှ တားဆီးနိုင်ခွင့်မရှိသလို ဖျက်ဆီးလို့လည်းမရဘူး။

ဒီနေရာမှာ စိတ်ကူးယဉ်ခြင်းတွေနဲ့သာပြည့်နှက်နေပြီး တစ်ချို့သော အခိုက်အတန့်တွေမှာ အမှန်တကယ် ဖြစ်လာတဲ့ ဖြစ်တည်မှုလှလှလေးတွေလည်း ရှိတတ်ပါရဲ့။

စိတ်ခံစားချက်ဆိုတာ အင်အားအကြီးဆုံးစွမ်းအင်တစ်ခုပဲတဲ့။အဲ့ဒါကို အကြွင်းမဲ့ယုံကြည်တယ်။

စိတ်ခံစားမှုတွေ နက်ရှိုင်းပြင်းပြလာတဲ့ အခါ အဲ့ဒါက ပြင်ပလက်တွေ့ဘဝမှာ အမှန်တကယ်ဖြစ်တည်လာတယ်။ပိုင်ဆိုင်ရရှိလာတယ်။သိပ်ကိုခံစားလို့ကောင်းပြီး မက်မောဖွယ်ဖြစ်စဉ်တစ်ခုပါပဲ။အဲ့ဒါက နှိုင်းအတွက် ကျေးဇူးတင်စရာမြတ်နိုးဖွယ်လေးပေါ့။

နှိုင်းရဲ့ဒါဒါလေးတွေကို တစ်ခုပြောချင်တာက ဒီနေရာမှာ လက်တွေ့ဆန်တဲ့ အရာတွေ နည်းပါးလိမ့်မယ်။လူတွေ၊မြို့တွေ၊ဖြစ်စဉ်တွေ၊ဇာတ်လမ်းဇာတ်ကွက်တွေက လက်တွေ့ဘဝမှာ မရှိနိုင်တဲ့အရာတွေဖြစ်နေလိမ့်မယ်။

နှိုင်းရဲ့ဇာတ်လမ်းထဲမှာရှိတဲ့ အရာရာက ပြင်ပကမ္ဘာမှာရှိနေတဲ့အရာတွေမဟုတ်ပဲ နှိုင်းရဲ့စိတ်ကူးယဉ်ကမ္ဘာထဲက ပုံရိပ်တွေ၊ ဖြစ်စဉ်တွေသာဖြစ်တယ်။

ဒါကြောင့်  လက်တွေ့ဆန်ဆန်လေးတွေကိုဖတ်ချင်တဲ့ သူတွေအတွက်တော့ အကြိုက်တွေ့နိုင်မယ်မထင်ဘူး။ အဲ့ဒါအတွက်လည်း နှိုင်း စိတ်မကောင်းပါဘူးရှင်။

တကယ်လို့ စာဖတ်ဖို့လာတဲ့ သင်ဟာ စိတ်ကူးယဉ်ကမ္ဘာကြီးထဲမှာ နစ်ဝင်ပျော်မွေ့ရတာကြိုက်ရင်တော့ ဒါက သင့်အတွက် ‌နှစ်သက်စရာနေရာတစ်ခု ဖြစ်ကောင်းဖြစ်နိုင်ဖို့ မျှော်လင့်မိပါရဲ့။

အင်း.....ဘာပဲဖြစ်ဖြစ် နှိုင်းရဲ့ကမ္ဘာထဲကို အလည်လာကြတဲ့ ဒါဒါလေးတွေအားလုံးကို ကျေးဇူးတင်ပါတယ်။

💛စာရေးသူ-အေဗရီရင့်ဟန်နှိုင်း
💛ဖြူစင်သောပေးဆပ်ခြင်းဖြင့်အရာရာကို ပိုင်ဆိုင်ရယူမည်    

Telegram-@HNINE_KHA_RAY
TikTok-@avery_yint_han
 https://www.facebook.com/HnineKha.Ray?mibextid=ZbWKwL