Bit Mosebaa

هَونو على بعض الطريق ، أقيفوا جنب أصحابكم وساندوهم ، الناس مُحتاجة لبعض ، محتاجة تكون روح واحدة ، كونو قريبين من ناسكم البتحبوهم ، أسمعوا ليهم ، أدوهم الأمان ، طبطبوا على قلوبهم ، دثرّوهم بالكلام الطيّب ،خففوا عليهم ، هُمَ إختاروكم من دون الناس عشان عارفين علاجهم " إنتو " وفرحتهم  قربكم  ، وسعادتهم بتجي بمساندتكم ليهم " ، عارفين كل الاحاسيس الكعبة دي ما بتتشال إلا بيكم  ، سوا بتغلبوا الظروف وبتتحدوا الحُزن ..
          	سوا بتقدروا تتخطوا كل وجع ،وتقيفوا في وش كل المخاوِف ،  بس إتعلمو إنكم تقدّرو حوجة الزول لما يجي يشكي ويحكي ليكم ..
          	وقالوا 
          	" ‏إنَّ الذي يشكو إليكَ مُصابهُ،
          	وأتاكَ يبكي لاذَ تحتَ حماكَ
          	خُذهُ إليكَ وضُمَهُ، فهو الذي،
          	ما اختارَ من هذي الجُموعُ سواكَ "
          	قُشوا الدمعات  ، وآسووهم ، وأحضنو ألآمهم بكل حُب وصدر رحب والدنيا بتمشي على أظبط مايكون