---x
Ilang paalala:

*Sulating maraming tagay: maikling kwentong pinahaba 
*Kwentong isang tagay: maikling kwento o one shot

Hindi ako lasinggera dati, pero mahilig ako sa 'tagay.'

---x
 My stories are NOT perfect, and are undergoing MAJOR revision and editing, please bear with me (Nuxx, English.) 🌻❣️

---x
Nagsimula akong magsulat no'ng 2012. 🌻❣️

Makikita mo kung anong 'era' ako ng Wattpad nagsimula, dahil merong emojis ang ilan sa mga isinulat ko. Sana, wala namang ga'nong typos, pero kung meron man, sisikapin kong rebisahin ang mga ito. Sa mga katulad kong namulat at nagkamalay sa "ebook" era, alam kong naiintindihan niyo 'ko. Sayang, 'di niyo na rin naabutan 'yung panahon na pwede pang maglagay ng maraming multimedia at character portrayal sa Wattpad. Dati, 'fan' pa nga ang tawag sa 'follow' button, at meron pang chatbox powered by meebo. Nakakaaliw lang, kasi mas may buhay ang Wattpad noon kaysa ngayon, sa opinyon ko. Kung naabutan mo 'to, malamang, isa ka na ring tita/o gaya ko. 

Katulad ng panahon, sinisikap kong magbago. May mga panahon na nasa mood akong magsulat, meron namang wala. Meron namang halos talikuran ko na ito. Kaso, dahil alam kong meron pang ibubuga ang ballpen kong nagtatae, sinisikap kong tapusin ang mga nasimulan kong kwento, may kwenta man o wala, pangit man o maganda, dahil naniniwala ako na kaya ko pa. 

Kung nasubaybayan mo ako at naririto ka pa rin, nananatili, sumusuporta, maraming maraming salamat. 

At sa mga bagong naliligaw para pindutin ang 'follow' button, maraming maraming salamat din. Hindi ako sikat na manunulat, wala pa akong kwentong naisasa-libro, pero pangarap ko talaga 'to.

At hinding-hindi ako susuko hanggat 'di ko naaabot ang pangarap ko.  🌻❣️
---x

Interact with me on:

Twitter: @letlabrador Instagram: @letlabrador 
Facebook: https://tinyurl.com/missAlab