تم حقیقت نہیں ہو، حسرت ہو۔
جو ملے خواب میں، وہ دولت ہو۔

میں تمہارے ہی دم سے زندہ ہوں،
مر ہی جاؤں جو تم سے فرصت ہو۔

تم ہو خوشبو کہ خواب سی خوشبو،
اور اتنی ہی بے مرّوت ہو۔

تم ہو پہلو میں پر قرار نہیں،
یانی ایسی ہو جیسے فرقت ہو۔

تم ہو انگڑائی رنگ و نگھت کی،
کیسے انگڑائی سے شکایت ہو؟

کس لیے دیکھتی ہو آئینہ؟
تم تو خود سے بھی خوبصورت ہو!

کس طرح چھوڑ دوں تمہیں جاناں؟
تم میری زندگی کی عادت ہو!

داستان ختم ہونے والی ہے۔
تم میری آخری محبت ہو!


                                 -جون ایلیا-