AXE_34
لما تقوم للصلاة مكسل وتبقى واقف حاسس بملل، متتهمش نفسك بالنفاق وتعتقد إن آية "وإذا قاموا للصلاة قاموا كُسالى" تنطبق عليك .
لإن الآية اتقالت على ناس أصلا قاموا رياء ونفاقًا ولو كان مفيش حواليهم ناس مكانوش صلوا وعشان كدا ربنا قال بعدها "يُراءون الناس"
أما تصلي حتى لو حاسس بكسل وفتور فدا اسمه جهاد نفس وتدريب على الخير والنهاردة مهما كانت الصلاة تقيلة عليك بكرة هتبقى محببة لقلبك .
والعبد لما يعمل العبادة غصب عنه عشان ربنا دليل إنه بيحب ربنا أوي وإنه عايز يوصل له بأي طريقة .
بقول كدا لإن فيه شباب كتير أول ما يحس بملل شوية في الصلاة يتركها لإنه بيتهم نفسه بالنفاق .
ياعم إنت مش منافق ولا حاجة دا إنت بتخالف هواك وتتعب نفسك عشان تقرب من ربنا فإزاي بعد دا كله تبقى منافق؟