මේක පොඩිත්තං කාලෙං කෑලි අහුලපු කතන්දරයයක්...
ඒ කාලෙ උදේ පාන්දරට අම්මා මාව නංගිව ඉස්කෝලේ යන්ට ලක ලෑස්ති කරද්දී වගෙම හවසටත් හිටිගමනකට පසුබිමේ තියෙන හිමිදිරිය, රාස්සිගෙ අව්ව පිරුණේ රේඩියෝවෙං
දෙදහා පහු වෙලා අවුරුදු පහක් වත් නැති ඒ කාල වකවානුව අද වගේ ඕසෙට රේඩියෝ නාලිකා නැහැ
තියෙන ඒවත් මේ කාලෙ වගේ ජනප්රිය නෑ
ඒ කාලෙ ජනප්රිය තලයේ තිබුණු ඒ වෙනුවෙන් ප්රචාරණ කටයුතු කෙරුණු රේඩියෝ නාලිකාව විදිහට මට මතක තිබුණේ එකයි
ශ්රී FM....
උක්කුං මහත්තයා අඬලන වෙලාව අනුමාන කරන්න
තනි පොල් ගහ ගාව තාර බිත්තර හොයන බඩ මහත මුදලාලි ලා එක්ක ජතික හැඳුනුම්පතේ අංකය ගැලපුනාම වගෙම ගමින් ගමට යන ප්රචාරණ රථයට ඇහැ ගැටෙන "අපි අහන්නෙ ශ්රී FM" කියල ලියාන එල්ලපු බෝඩ් ලෑල්ලක් වෙනුවෙනුත් තෑගි මුදලක් දිනන්න
දවල්ට සාගරේ සේ ආදරේ, රෑට කණාමැදිරි රාත්රිය වගෙ ඒවත් ඒ අහන්ට ඒ කාලෙ අපට ඒ හරහා අවස්ථාව තිබුණා
ඔය වැඩසටහන් අතරෙ අතරින් පතර වැඩි වාර ගණනක් වාදනය වූ ගීත පෙළකුත් තිබුණා
ඒවාට ඒ අය කීවේ ශ්රී හැදූ ගී කියලා...
මේ ගම්මානෙන්, යන්න ඔබ යන්න, නිවාඩුවටත්, මාලි සඳමාලි, ඈතින් පා සළඹේ, සඳ ගිනිගත් රැයකදි වගෙ ගීත රැසක් මේ ගීත ගොන්නට අයිති වෙලා තිබුණා
ඒ ගීත වල තිබුණු ඒ නාද රටා, වචන, හැඟීම් ඒ කාලේ අපට දුන්නේ වෙනමම රස වින්දනයක්
පසු කාලීනව වයසින් වැඩෙද්දි දැන ගත්ත පරිදි earth angel,when i die, i am big big girl වගෙ ජනප්රිය ඉංග්රීසි ගීත වගෙම මේනේ පායල් හේ චන්කායි වගෙ හින්දි ගීත වලත් තනු අපේ හැඩයට අපේ රසට රස ගන්වලා තමා මේ කියන ශ්රී හැදූ ගී හැදිලා තියෙන්නේ
ඒ කාලෙ මේවා අහගෙන උදේට ඉස්කෝලේ යන්න ලෑස්ති වීම, හවසටත් අම්මා හදල දෙන කිරි එකක් බීම හරි සාමකාමි නැවුම් හැඟීමක් දුන්නේ
ඒ නොස්ටැල්ජික සාමකාමී බව ආයෙම විඳින්න ඕන වුණාම අදටත් මම ගීත ලැයිස්තු පීරගෙන සොයාගෙන මේ ගීත ගොන්න අහනවා
කොටින් ම බස් එකෙ ගෙදර යන අතරෙ මේ ලියමන ලියන මොහොතෙත් ඒ ගීත ගොන්න මගේ සවන් යොමුවෙන් මට ඇහෙන්නට වාදනය වෙනවා
ඒ එක්කම ඒ කාලෙ ඒවා අහගෙන ඉස්කෝලේ යන්නට අම්මා ලක ලෑස්ති කළ කුඩා ගැහැණු ළමයා මේ වෙද්දී කොයිතරම් දුරක් ඇවිත් කියලත් හිතලා යාන්තමට ඇස් කොන් පොඟව ගන්නවා!
ඉතින්
ඔයාලත් තවම එහෙම අහන ගීත ලැයිස්තු තියෙනවාද?
Ink On My Steth
Indiwari de Zoysa
2026/05/30
