Nasa punto ako ng buhay ko na tinatamad na 'kong magkuwento tungkol sa sarili.  Para ba'ng bigla na lang, ayaw ko nang magpakilala.  Lalo na't sa palagay ko e hindi naman dapat talaga ako ang tinutuklas mo kundi ang mga naisulat kong kuwento.

Pero kung sakaling ipa-follow mo ako sa account na ito, may 50-50 chance nang magkakilala tayo nang lubusan, dahil mapapadalas na 'ko sa platform na 'to ngayon.  At 70-30 na kung idadagdag mo pa ang pagbabasa ng mga akda ko.  80-20 naman kung magbibigay ka ng ilang mga komento at 90-10 kung susundan mo ako sa iba ko pang mga social media accounts.

Hindi ko alam kung pa'no magiging 100-0, pero masaya na 'ko sa 70-30.  Hindi naman ako gano'n kauhaw sa atensyon.  Simpleng kuwentista lang naman ako na balot ng taba ang utak dahil sa mga ideyang gumagambala sa'kin bago matulog.  Kung umabot ka man sa punto na buong-tiyaga mo 'tong binabasa hanggang dito...baka may spark na sa pagitan nating dalawa.  Hindi ako tamad mag-update ng mga kuwento, kaya hindi ka madidismaya.

-- Jan Ariel Ungab