Jannat_jkv7

الموضوع باختصار 
          	انا تعبت تعب مفاجئ، دا طبيعي علشان انا علي وشك الولادة 
          	ودا اصلا مسبب ليهم توتر في البيت عندي.
          	فمن التوتر وقت ما تعبت فاجاة جوزي اخدني لأقرب مستشفى وكان بيرن علي دكتورتي بس مكنتش بترد ، لأن الوقت كان متأخر جداً 
          	المهم وصلنا للمستشفى، وربنا ما يكتبها علي حد أنا من التعب مش حاسة بنفسي ولا بال حواليا 
          	وليكم أن تتخيلوا هما خدوني من جوزي ورفضوا يدخلوا جوزي معايا ، إلا لما تروح الحسابات الاول ويسيب مبلغ تحت الحساب.
          	وقتها خدوني للطوارئ بسبب الوقت المتاخر وان مفيش دكاترة متخصصة ، هما حتي مسألوش انا بعاني من أي.
          	وأنا من النوع ال بطني عمرها ما بيبان فيها الحمل أو شكلها بيتغير.
          	الطوارئ كلها كانوا طلاب طب تحت التدريب ، واخدين حاجة زي سمر كورس كدا قبل الدراسة ومعاهم ممرضين...
          	وكأن روتين عادي عندهم والمعتاد بتاعهم ، علقوا ليا محاليل وخلاص 
          	ومن دون مبالغة أنا كنت في عالم غير العالم ، ومن الإهمال هما حتي محسوش بأي تغير ولا عرفوا إني حتي حامل.
          	وكانوا هيدوني مسكن ، ربنا خلاني انتبه في اللحظة دي للمسكن..
          	وعلشان انا بدرس تمريض كنت عارفة المسكن دا ، المسكن دا اصلا تحت جدول أنه مينفعش الحوامل تاخده لأنه بيسبب بنسبة كبيرة تشوهات للجنين وممكن يؤدي للإجهاض.
          	وعلي آخر لحظة قولتلهم إني حامل.
          	انا من وقتها مش عارفة اتخطي، انا كان ممكن اخسر بناتي فلحظة !!
          	اخسرهم في غمضة عين ، حاسة إني رأسي هتموت من الرعب ومن كتر التفكير..
          	حاليا انا بخير شوية ، وجوزي قلب الدنيا ورفع قضية..
          	بس مش قادرة اتخطي ، وحسب الله ونعم الوكيل.
          	وأنا مش بعمم علي الدكاترة أو الطقم الطبي كله ، لأن انا اصلا ممرضة..
          	بس برافو حقيقي كرهت المهنة.