Jessmii_K_30
مش عايزة ابان قليلة ذوق في كلامي بس هما كلمتين بجد ف الزور مقدرش اسكت عليهم
رواياتي بشكل تام اخدت من طاقتي سنين
ترويجات وعملت تيك توك جروبات انستا فيس و تعاقدات مع مروجين وعملت
ونرجع لنفس الأزمة
متابع داخل عايز جاهز
انا كورديليا اكتملت في بداية 2025 واللي قرأوها واثبتوا وجودهم 5 او ستة بالكتير ...
هتقولو ازاي ماهي يا جيسي دخلت التلاتين ألف
عايز اقول ان انا نفسي هقولك رقم فاضي بردك
جدعان مش لطيفة ولا عمرها هتبقا لطيفة انك تسأل كاتب عملك مكتمل او لا عشان بس تقعد تقرأ ع الجاهز كدا
معلش يعني نظل اه منصة الكترونية مناش مشاهير زي الناس اياهم هنا ف التطبيق
انا وقت تحديث كورديليا السنة اللي فاتت مكنتش اتاخر ولما اعتزلت اعتزلت لاسباب شخصية ومنها بردك سبب رئيسي هنا
عامل الاحباط اللي بيتبعوه القراء
مش عاجبهم دماغ الكاتب يلا unfollow مش عاجبه ان الكاتب ماشي ع وتيرة معينة يلا نكنسل ونستنى لحد ما تكتمل..
العمل اكتمل ولما حسيت انه عايز اهتمام اكبر قولت يلا هنعمل تعديل شوية وننشر ع مهل ...
مش هكدب حبيت احس انه في حد متحمس للرواية ويكون متواجد ويثبت انه يا جيسي احنا هنا جنبك كملي وورينا احسن
بس القى بعد غياب سنة كاملة ان الفولورز اللي كانوا 1.45K نزلوا ل 1.41K لااا ومازال بيقلوا
كل الروايات عندي حرفيا اتجمدت قراءاتها
معادش حد مهتم بقا الكاتبة بجد كويسة طيب وليه التأخر او الاختفاء..
ويجي بالاخر السؤال الرواية مكتملة؟
السؤال جاي عشان تحددوا هتتقرأ او لا .. عشان محدش عايز يستنى...
Jessmii_K_30
محدش يضايق مني بجد
ومحدش يقول بجحة
وحتى لو قولت
انا كان ولازال كنت جنب ناس ف بداياتها وسطوعها
مع ناس بجد عرفوا مين جيسي
وانا مش من صنف الكتاب المتكبرين
بس من حقي اعبر عن ضيقتي
واعبر عنها
وعبرت عنها
وانا ع أتم يقين ان حتى لو عبرت مفيش حاجة هتتغير
انا شقيت وعملت كتير لرواياتي...بس يظل لازلت كما انا جيسي اللي جات هنا ف 2021 ولا تزال قاعدة ف نفس النقطة مع رواياتها
Jessmii_K_30
اجابة السؤال اه مكتملة بس ارشفت وبعدل وبنزل لما اخلص تظبيط
وبنزل بهدوء..صح مفيش حد بيظهر من ساعة ما نزلت ال18 فصل ودا قفلني من الواتباد اكتر وكرهني فيه اكتر
بس بضغط ع نفسي شوية لحد ما اخد قرار جدي وحقيقي اني احدد مصير الروايات دي ومصير شقى شقيته في المنصة دي ل 5 سنين
اخر حاجة ومهمة متجرحش كاتب حتى ولو من غير قصد
انت بتقرأ اه ... بتقرأ بصمت مش بتقرأ وتكنسل عشان مش عاجبك اسلوب الكاتب او نمطه
خليك ف صمت
محدش غير اقلية جدا جدا فضلو جنبي
والارقام عندي فاضية...لما شلت الروايات محدش سأل الا اتنين تلاتة ومعلقتش ولما رجعت بردك الدنيا فاضية وصامتة عندي ومعلقتش
مقدر اتغاضى عن ان شقايا بيتلقى الاسلوب دا
فعشان كدا نادرة اوي افتح المنصة هنا وأنزل...
بجد لو عايز استمراريتي اثبت انك جنبي وانا عنيا ليك
لكن مفيش كدا حقيقي سيب الواحد ف حاله اللي فيه بجد مكفيه مشاغل الدنيا تقيلة والحمدلله...بس في جزء مجروح ان افكارك في نطاق ومنطقة غلط بجد
