Michelleshunn

                  Let's Unlock New Chapters!
          	
          	အားလုံးပဲ ခေါင်းစဉ်လေးမြင်တာနဲ့ ဘာအကြောင်းဖြစ်မလဲဆိုတာ ရိပ်စားမိကြမှာပါနော်။ အလုပ်တွေအရမ်းများလာလို့ စာရေးတာကိုနားလိုက်တော့မယ်လို့ ဆုံးဖြတ်ထားခဲ့ပေမဲ့ ပေါ်လာတဲ့အခြေအနေတွေကြောင့် ကိုယ်လည်း တစ်စိတ်တစ်ဒေသ ပါဝင်ချင်တာမို့ ဒီအစီအစဉ်လေးကို လုပ်လိုက်တာပါ။ အစီအစဉ်လေးအတွက် Fiction ကိုတော့ ကိုယ့်ဆီလာပြီး Request လုပ်ကြတဲ့အထဲက အများဆုံးတစ်ခုဖြစ်တဲ့ 'ကိုကို့ကို' ရဲ့ Chapters တွေကို တော်လှန်ရေးအတွက် တစ်စိတ်တစ်ပိုင်းအနေနဲ့ ပါဝင်ဖို့စဉ်းစားထားပါတယ်။
          	
          	အစီအစဉ်လေးက ဒီလိုပါ။ တစ်ပတ်အတွင်း သုံးစွဲခဲ့တဲ့ ကိုယ့်ရဲ့Screentime ထဲက တော်လှန်ရေးအတွက် အနည်းဆုံး အချိန်သုံးနာရီ သုံးစွဲထားတဲ့မည်သူမဆို အဲ့ဒီ Record လေးကို Screenshot လေးလာပြပြီး 'ကိုကို့ကို' ရဲ့အပိုင်းသစ်တစ်ပိုင်းကို တောင်းဆိုလို့ရပါမယ်။ Screenshot လာပြတဲ့သူ ငါးယောက်ပြည့်တိုင်း ကိုယ့်ဘက်က အပိုင်းသစ်တစ်ပိုင်းကို တင်ပေးသွားမှာပါ။ ဒီနေရာမှာပြောထားတဲ့ တော်လှန်ရေးအတွက် သုံးစွဲတဲ့ Screentime ဆိုတာက တော်လှန်ရေးအတွက်လုပ်ထားတဲ့ မည်သည့် App/ Game/ YouTube Channels မဆို အကျုံးဝင်ပါတယ်နော်။ စာရဲ့အောက်ဆုံးမှာ Screenshot လာပြပေးရမယ့် ကိုယ့်ရဲ့ Facebook Account Link လေးကိုထည့်ထားပါတယ်နော်။
          	
          	အားလုံးပဲပါဝင်ပေးကြဖို့ မျှော်လင့်ပါတယ်။ 'ကိုကို့ကို' ကို မဖတ်ဖူးသေးတဲ့သူတွေလည်း အမြည်းဖတ်ကြည့်လို့ရအောင် ပထမဆုံးတစ်ပိုင်းကို တင်ပေးထားပါမယ်။ အားလုံးပဲ ကျေးဇူးပါနော်။
          	
          	P.S: ကိုယ့်ရဲ့ Circle of Friends က သိပ်မရှိတာမို့ ဒီ Announcement ကိုတွေ့တဲ့သူတွေက တကယ်လို့များ ဒီအစီအစဉ်လေးကို သဘောကျတယ်ဆိုရင် နီးစပ်ရာ ပြန်ဝေမျှပေးကြဖို့လည်း အကူအညီတောင်းပါတယ်နော်။ 
          	
          	https://www.facebook.com/zackhann.zackhann