MssDark19
�
بدوّر على رواية كنت قريتها على واتباد من سنين ومش قادرة أفتكر اسمها نهائي، لكن فاكرة تفاصيل كتير منها:
البطل كان اسمه تقريبًا “بارك أركيول” (أو أركيول فقط)، وأظن الشخصية كانت في الأصل مستوحاة من تشانيول وبعد كده الاسم اتغير. كان أصم بسبب حادثة حصلت له وهو صغير، لكنه كان بيعرف يتكلم واعتمد على قراءة الشفاه، مش لغة الإشارة.
البطلة كان اسمها تقريبًا “هيونا”، وكانت شخصية مشاكسة جدًا. كانوا في الجامعة مع بعض.
فاكرة إن البطل كان بيسجل المحاضرات ويرجع البيت، وكان فيه دكتورة/مدرسة خاصة بتشرح له المواد لأن حالته كانت خاصة.
أمه كانت مستشارة وشخصية مؤثرة جدًا في الرواية، وفي النهاية حصل خلاف كبير بينهم لأنها كانت عايزاه يعمل عملية لاستعادة السمع وهو كان رافض، ووصل الأمر إنها ضغطت عليه نفسيًا وسحبوا منه جهاز التسجيل لفترة.
كان فيه صديق مقرب للبطل اسمه تقريبًا “كيان”.
الرواية كانت مكتوبة بالعربية الفصحى وسردها كان قوي جدًا ومؤثر. وأظن (مش متأكدة) إن عنوانها كان فيه كلمة “الصامت” أو له علاقة بالصمت.
آخر مرة فاكرة إني شفتها كانت تقريبًا سنة 2023.
لو أي حد عرف اسم الرواية أو اسم الكاتبة من الوصف ده يبقى أنقذني حرفيًا، بقالي فترة بدور عليها ومش لاقياها.
