QIASSIHR

_واكذب عليك ان گلت هالشي عادي..
          	
          	6:04م

QIASSIHR

✨وتشاء انتَ من البشائرِ قطرةً ويشاء ربُك إن يُغيثُك بالمطر✨
          ✨وتشاء انتَ من الاماني نجمتةً ويشاء ربُك إن يناولكَ القمر ✨
          
          عوض الله: عوض الله من ايام الثالث صار هسه رغم ماكتمل بس واثقه بعوض ربي، خلي أوثق قصتي من چنت بصف الثالث متوسط... وبأختصار حرفي هاي الفترة چانت من اسوأ يام عمري 
          چانت البدايه لكلشي سيء مو لأن الثالث صعب لا لانو چانت بداية مراهقتي والي هيه اتعس شي عشته بحياتي ولازلت اعاني من أثاره بس ولله الحمد كدرت اتحكم واتفهم هاي المرحله چنت اسمع هواي عن شي اسمه المراهقه وشكد بشعه بس ماچنت ماخذه الموضوع بجدیه، شلون؟ 
          دخلت الصف الثالث وکلنی حماس واصرار علی هدف واحد وهوَ انی اکون الاولی علی صفي ومثل ما اريد صار چنت الاولى عالصف ومنغلقه على نفسي وبدون ما اكون اي صداقات او يكون عندي حتى زميلات الى إن صار عدنه شله (مجموعه) وصارن يسبني الهن والى إن صرت صديقتهن وهنا بدأ الارهاق 
          يأختصار چانن _صديقات السوء_ تدريجياً انحدر مستواي الدراسي وتخربطت اوضاعي وعلاقاتي وي اقرب الناس الي 
          صرت مثلهن وصرت بدل من الطالبه المميزه الي كله درجات تامه الى الطالبه الي تحاول قدر الامكان تجيب درجة نجاح، عجييب ياخي لهسه حاقده على نفسي وعليهن 
          المهم بسبب التغيرات الي صارتلي والاشياء الي تعلمتها منهن صارت تصيرلي مشاكل هوااااي بحياتي الشخصيه وي كل ناسي 
          واستمريت على هالحال الى ان بدأت الامتحانات الوزاريه وأمتحنت وچانت ايام مرهقه لأبعد الحدود چنت خايفه خايفه ارسب 
          واذا رسبت راح اكون محط سخريه لان هذا حالي بسبب الصداقات الي كونتها وعلى الله إمتحنت وچنت متوقعه اطلع دور ثاني بالرياضيات رغم چانت اكثر ماده دارستها ومضبطتها وضمنت بيها الميه بس سويت اخطاء ب ليلة الامتحان مثل إني سهرت ورحت للأمتحان النوم بعيوني وانهاريت لان چانت الاسئلة سهله بس تركيز ماكو واديه من الضعف ترعش وحرفياً ليلة امتحان الرياضياتعمري ماراح انساها دماار بس والحمد لله طلعت النتائج  ونجحت من الدور الاول وچانت درجتي بالرياضيات اقرب الى الدور الثاني بس بفضل ربي عدت نجحت.... واخيرا خلصت چنت ماستوعبه انو عدت ياربي
          وتمر ايام وتجي اياام... وصرت طالبة رابع علمي وبداية جديده
          دخلت وانا متعلمه من اخطائي وانا حاسبه حساب لنفسي ولربي ولناسي  دخلت غير عن ذيچ البنيه المراهقة الي بصف الثالث 
          دخلت وانا هاديه نفسي لربي ودراستي لربي وأمامي....اكمل

QIASSIHR

هدية دراستي للأمام المهدي
            بلشت وانا طالبة مميزه واشتغلت على نفسي وعلى شخصيتي والتطور احمد الله عليه صرت واعيه ما اگول واعيه بس مقارنه بالسابقه صرت اوعى اهتميت بدراستي واجتهدت واستمريت على هالحال وبدون مايكون عندي صديقات رجعت ذيچ البنية الانطوائية المنغلقه على نفسها وعجبتني العزله صار عندي زميلات بالصف وماكو اروع منهن چانن يختلفن بكلشي عن السابقات وكأن هذا عوض ربي سبحانه حبيتهن بس كنت عند حدودي وماكسرت قوانين ذاتي واستمرت الايام على هالحال الى إن بلشنه امتحانات نصف السنة وخلصت واني نسبتي 91٪ الحمد لله كلش زين بس موهذا هدفي هدفي اعلى بس رضيت وكملت وعلى هالمستوى واعلى وچان اخلص وجبت اعفاء عام بنسبه95٪ وچانت الفرحه مو واسعها شي حرفياً چان _عوض ربي _عن الراح 
            والبارحه اجتي لحضة ادراك أني هدية دراستي للأمام المهدي وجبت معدل 95 ****
            وما انسى من بين هذا كله اكثر شخص چان اله تأثير علي والي هيه عزيزتي واقرب شخص الى روحي والي بتعدنا بس مانسيتها ولا راح انساها _بنين_الشخص الي رجعني عالطريق الصحيح وطريق ربي وعلمتني انو ماكوشي بهالدنيه يستهال نسعي اله اكثر من_ الله _ 
            والها فضل عليه مستحيل انكره او اخجل منه هواي علمتني اشياء منهن صلاة الليل والاستمراريه على عبادة الله واقوي علاقتي وي ربي وحرفيا بكل صلاة اصليها اتذكرها وهيه تگولي حتى لو عندچ من الذنوب جبال لاتتركين الله شكد الها فضل بهالشي ما انساه ماحييت،  ودلتني للصح هيه ورقيه الي حرفيا احسها اختي الي مو من امي وابويه وعوض ربي....
            ولهنا اكون ختمت اكثر فترة ما انساها بعمري كله 
            والغبي الي مايتعلم من اخطائة 
            
            _كاث_
• Reply

QIASSIHR

6:59ص
          شايف من تظل تنعاد الايام؟ 
          نفسها وماكو شي بيها يتجدد
          يجي شكم باجر ومايختلف شي
          نفس البارحه بس عمرك أيزيد
          ساعتها العمر مستعمل يصير
          واحلامك شويه شويه تنهد
          صح ينكتب عايش بالسجلات
          بس انته مجرد رقم ينعد
          مثل الهوا الـ بالمگبرة يدور 
          لا تخنگ ولا يشتمك احد 
          اكبر مشكلة يواجهها الانسان 
          من عالـمشكله يبدي يتعود

QIASSIHR

2:13م
          يماه؟ 
          يُمَه شلون گدرتي تاخذين لمعة عيوني مني!!؟ 
          شلون گدرتوا تاخذوها مني؟ 
          ياضيييم ياضيم 
          ولكم انا العمري گاضيه بس نوم
          وهسه اگول شوكت الآرق يهدني؟ 
          اههههخ ياروحي... ماجزعتي؟