سَلَامِيمُو

الرواية عجبتني جدا و بجد اسلوب سردك تحفة جدا و متوقعتش انك كاتباها و انتي في تالتة اعدادي لان سردك و كتابتك بجد جميلة جدا، حبيت اعلق على حاجة و بجد مش القصد اني انظر ولا حاجة بس كان الاحسن انك توضحي كل حاجة في الاخر او توضيحها واحدة واحدة عندك مثلا الحوار الي حصل في اول الرواية بتاع الخريطة الي لقوها ولما راحوا لقوا صندوق فيه ورقة مكتوب فيها في بينكم خاين و لازم تعرفوه و كدة و لما تعرفوا الخاين تعالوا هنا تاني انتي موضحتيش الحوار ده تاني ولا جيبتي سيرته ولا قولتي مين ورا الموضوع ده و انا كان كُلي فضول اعرف مين ورا الموضوع ده و ليه اصلا عمل كدة ، و كان الاحسن توضحي حصل ايه ل الاخوات التلاتة و مامتهم و يحيى لما طلب منهم نظمي يتكلم معاهم في الاخر و موضحتيش هما راحوا فين (الاخوات التلاتة و امنية امهم) بعد ما حصل الخطف و  كدة و ليه امنية مرجعتش تعيش في العمارة تاني مع جيرانها الي حبتهم و كدة  و اظن ان في حاجات تانية كانت محتاجة تتوضح و بجد صدقيني مكانتش هتبوخ لان اسلوب سردك ممتع و يخلي الواحد يدخل في الفصل ورا التاني ورا التالت و ميملش ابدا و انا بالنسبالي انك تعملي جزء تاني و مش لازم يكون طويل و توضحي كل حاجة و كدة و ممكن تكملي قصة باقي الابطال الصغيرين الي هما يعني تميم و تيام و الباقي و كان بردو توضحي ايه الي حصل بين مروان و فريدة بما ان كان بينهم اعجاب و بس كدة اتمنى مكونش ضايقتك من كلامي بس بجد الرواية عجبتني جدا و اتعلقت ب شخصياتها و طريقتهم حبيت اقول رأي عشان كنت متوقعة نهاية غير كدة اه مش لازم النهاية تبقى وردية و كدة بس اقصد كان كل حاجة تتوضح و اسفة بجد لو ضايقتك.

انا مش عارفه هتشوفي الكومنت ولا لا 
          فقولت اكتبلك هنا  
          احييكي بجد علي الروايه لطيفه وخفيفه ♥️ ربنا يوفقك دايما يا حبيبتي ♥️ بس ممكن طلب صغنون قد كدا محتاجين بارت ختامي نفهم فيه حياه الابطال دول راحت لفين 
          عندي فضول رهيب افهم لميس اتعاملت ازاي مع عيلتها وازاي ادم قدر يتخطي موضوع السجاير وازاي تقبلوا بيجاد وايه سبب خلافها مع باباها ؟ 
          الفضول الأكبر بقي لحياه كنزي ونوح ويحيي ويونس ويوسف حياتهم راحت لفين بالاخص يحيي وكنزي قدر يسامحها ويتعامل ازاي ؟ وهي نسيت نوح ولا ؟ مش عارفه فاهماني ولا 
          بس اتمني تكملي فيها بجد 

ممكن لوسمحتى بلاش تتريقى على المنوفية واهلها وبطلى تدى احكام مسبقه انتى اساسا نزلتى المنوفية قبل كده اتحدكى انزلى اى بلد او قريه فى المنوفية واطلبى من اى بيت اى حاجه وشوفي هيعملوا معاكى ايه ولو مش مصدقانى اسالي على التحدى اللى كان على الفيس والشاب اللى نزل المنوفية وعمل نفسه عيان وشوفى الناس عملوا معاه ايه وغيرها كتير وبليز بلاش تريقه لاننا المفروض كلنا شعب واحد

الأستاذة بتذلنا يعني فين البارت ال40؟

أنا كمان اسبوع وهمتكن ف ادعولي، بالنسبة للبارت والله بكتب فيه بس شكلي هنزله على السبت اللي بعد الجاي بعد ما اخلص امتحانات أو ممكن أنزله قبل السبت الجاي ده ف دعواتكم كده علشان البارت ده لو نزل هيتبقى بارت كمان وخاتمة ونودع

مساء الخير 
          أنا جدول امتحاناتي نزل ف ان شاء الله في بارت ف الفترة الجاية دي والبارت الاخير بعد ما اخلص بإذن الله
          هو فاضل بارتين وخاتمة علشان لو حد محتار

البارت الجاي امتى ؟؟؟؟؟؟

كل سنة وانتم طيبين عيد سعيد عليكم
          البارت هينزل بكرة بإذن الله وهيبقى طويل وهيوضح كذا حاجة علشان من بعده هنبقى قربنا كتير اوي من النهاية

سلمى أنا بنسى الاحداث كل مابتتاخري

هو أنا بقالي قرن مش بنزل والواتبا عندي فيه مشاكل
          الرواية فاضلها حبة وتخلص يجي خمس بارتات كده
          ف سؤال؟
          شايفيني هكروت فعلًا ولا لأ؟؟
          ومواعيد التنزيل مش منتظمة خالص علشان الدراسة