ShaimaaGonna
المداومة هي السر!
التغير للأفضل والتأثر بالقرآن سواء كان زيادةً في الإيمان أو تحسينًا في السلوك بشكل عملي مش بيجي أبدًا بالانقطاع >> ️لازم استمرارية.
وعشان تحافظ على المداومة؛ لازم تحدد لنفسك وِرد معين متسيبهوش أبدًا مهما حصل..
ولو وقعته في يوم؛ تعوّضه وتكمل.
عثمان بن عفان رضي الله عنه قال: "لو أن قلوبنا طَهُرت ما شبعنا من كلام ربنا، وإني لأكره أن يأتي علي يوم لا أنظر في المصحف"، ولما قُتل رضي الله عنه كان المصحف في حِجره يقرأ فيه.
فالقرآن كان له مساحة معتبرة في اليوم عند الصحابة، فبعضهم كان بيختم في 3 أيام وبعضهم في 7 وبعضهم في 10 مع التدبر والترتيل والتجاوب مع الآيات زي ما ذكرنا قبل كدا.
واللي ساعدهم على المداومة استشعارهم للقيمة الحقيقية للقرآن، والخوف من تحذيرات الرسول ﷺ ليهم بعدم الانشغال بغير القرآن؛ فكانوا يقرأونه في كل وقت حتى في المعارك.
وكان اللي يمشي في طرقات المدينة بليل يسمع آيات القرآن من كل بيت!
الكل رجال ونساء بيقرأ ويبكي ويستشعر حلاوة الإيمان اللي بتشجعه يقرأ ويتدبر أكتر وأكتر.
كان القرآن هو محور حياتهم؛ فلما تشوف بعدها كيف كانوا متستغربش!
النماذج الفريدة دي لم تنتج من مرة ولا اتنين ولا عشرة، دي نتجت من صبر واستمرارية.
فمتستعجلش الثمرة، وتمسك بكتاب الله، وبوِردك اليومي، واستعن بالله، وأبشر خيرًا.
#المداومة #القلب_والقرآن
