ُ

ي اسطاااظة!.؛-؛

الدُنيا مزنّقة عندنا في البيت جامد ماديًا ، ولأوّل مرة بفكر في موضوع الشُغل بشكل جاد ..

يأسرني في الجنّة إن مفيهاش حُزن ، شعور لطالما عيشت بيه حياتي كُلّها .

حزينة ياربّ!
          حزينة وزهِقت من الحُزن والشكوى والكلام ، زهقت من كل مرة بعيد نفس الكلام وكل مرة بتأكد أكتر إني لوحدي مفيش حد بينصِفني ولا بيهتم بزعلي ولا حتى فيه حد اشكيله! 
          زهقت من فكرة إني مليش حد ..

عارفين شعور إنّك تعشّم نفسك إن فيه حد هييجي يواسيك بس في الآخر تلاقيهم كلهم ناموا ومحدش عبّرك؟ محدّش مهتم انت زعلان ولا نايم ولا بتعيط ولا اي زفت انت فيه؟ بينما على النقيض تمّ الانحياز ناحية الحد التاني وهي راحة تواسي فيه -ده بعيدًا عن أنها قاعدة تشتم فيا وتقل مني قبل ما تدخل تنام - بقالها فترة وفي اوضته؟ عارفين شعور الخُذلان! أنا بعيشُه ، أنا بطفحُه .

يتم الاختناق بالمشاعر والبُكاء الغير مُبرَّر ،
           هل لإنعدام الأسباب؟ لاء! ولكن لكثرتها وتفاقمها فمش قادرة أحدّد سبب مُعيّن.
          الإنسان وحيد ، مُستوحش لأبعد ابعد مدى، مش عارفة الوجع ده من أسناني ولا قلبي.

السلامُ عليكم ، يوم بعنوان 'خلعت درس العقل' .
          فيه حاجات كتير موت محتاجة اقولها كتير! بس ؟ نص وشي وارم دلوقتي وفيه وجه ومستنية اخد العلاج واشرب العصير وهاحي افضّي كل اللي دماغي ده - ياربّ آجي فعلا -.
          

قاعدة في نص اوضتي بعد ما كويت هدومي والاوضة كلها فوضى ،
          ليه؟ عشان راحة معرض الكتاب بكرا .
          وكالعادة عيلتي مسابتش فرصة أنها تحرق دمي حتى بعد لأول مرة من فترة احس اني فرحانة اني هعمل حاجة! واللهِ بعد ما جهزت كل حاجة لحد التوزيعات والسندوتشات خلوني مش عاوزة اروح أصلًا واتقفلت بجد ، وعاوزة أعيط .
          أنا حاليًا مش بكره حاجة غير المكان اللي أنا عايشة فيه ده !
          أنا متعصبة منّي ومتضايقة اوي بجد حسبي الله ونعم الوكيل.
          وماما كتّر خيرها جابتلي كيسين عصير وقالتلي خديهم معاكِ-ضحكة سُخرية-.

- محدّش متخيل أنا عاوزة 'جوزي ييجي يقف تحت البيت ويقولي يلا عشان نروّح بيتنا ' وينتشلني من اللي أنا عايشة فيه ده قد إيه بجد!

السلامُ عليكُم ، 
          جاية المرة دي بدري شوية صح؟ 
          هو أيوة الإمتحان بكرا ولكن إحنا لسّه العصر بس عمومًا فيه حاجات كتير عاوزة أقولها ومش من أهمها إمتحان بكرا اللي مذاكرتلوش بردوا ، ولكن ؟ هصلّي العصر وجاية.