VLY_core
- ارتجالى -
" غلطان وحقك عليا ،اسفلك بس متتجهلنيش علشان خطرى "
ساب موبايله وانتبهله وهو بيتماسك بكل قوته، مش عاوز يبين اى زعل ، اى حزن
" مبتجهلكش "
مصدههوش وقرب منه وهو بيمسك أيديه ومتثبش بيهم " طب عاتبنى على غلطى "
فك ايديه منه براحه وهو بيتحرك من على السرير
" معنديش حاجه اقولها "
خد نفس بضيق ، مدايق أنه مش عاوز يخرجله اللى جواه ، اتحرك معاه من على السرير وهو بيوقفه بأيديه يثبته عن الحركه
" يحبيبى كان غظب عنى ، صدقنى ما كنت عارف انى هطول كده ولا لاقى شبكه اكلمك واطمنك، منا كمان كنت هموت من القلق عليك "
هرب بعيونه عنه وهو بيفك أيديه اللى محطوطه على كتفهُ
" حصل خير مش زعلان، المهم انك بخير "
شافهُ خارج من الاوضه فأتكلم بسرعه " رايح فين ؟ "
رد وهو خارج منغير ما يقف " اكيد جعان، هعملك تأكل "
سابهُ وراح للمطبخ وهو حابس الدمعه فى عيونه وبيشتت نفسهُ بأى حاجه ، طلع البيض والزبده والبيسطرمه من التلاجه ، قطع البسطرمه وشوحها فى الزبده ، رفع عينه للحظه من ع البوتجاز وهو سرحان.
محستش بدخوله للمطبخ ، لكن اتفجئ بأيد اتحطت على وسطه وهيئه وراه غطت عليه ، غمض عيونه بضيق وخد نفس عميق خلى اللي وراه يتأكد من غضبهُ ، حط رأسه على كتفه من ورا وهو مثبت أيده مكانها على وسطهُ.
اتكلم بصوت هادئ جمب ودنه " متخليش الزعل ياخد مساحه اكبر جواك ، زعق واتخانق معايا بس متسكتش"
فتح عيونه براحه وقلب البسطرمه لكنه مكنش مركز فى التقليب
" اللي حصل حصل ، انا عديته خلاص"
- التكمله فى الكومنتس -
