Tulad niyo'y isa rin akong mambabasa't manunulat. Noong baguhan pa lang ako sa Wattpad ay nahirapan akong makahanap ng mga istoryang pasok sa panlasa ko't mga kaibigan na maaari kong makausap dito. Napakarami na kasing mga istorya't mga kasapi rito (Wattpad), at lahat ng kasali rito'y may iba't iba rin namang hangarin. May iba na gustong magsulat lang, may iba na gusto lang magbasa, at may iba naman na ang gusto'y magkaroon lang ng makakausap o kaibigan.

Naniniwala ako sa kakayahan ng bawat manunulat dito sa Wattpad, kaya naisipan kong gumawa ng isang komunidad na naglalayong maipakita ang galing ng Pilipinong manunulat. Sa komunidad na ito, marami kang makikilala, marami kang matututunan, at magkakaroon ito ng epekto sa iyong istorya. Ngayong pormal na nagsisimula pa lang ang komunidad na ito'y tanging "Member's Corner" pa lang ang narito, kung saan makikilala mo ang mga miyembro ng komunidad, pero kapag dumami na'y saka ko ilalabas ang book club, mga pa-kontes, opinion corner, promotion page, book cover shop, at marami pang iba.

Mabuhay ang Pilipinong manunulat!