AKO ITO

hindi kataasan
hindi kagandahan
hindi mayaman.

hindi ako magaling
na maraming talento
hindi ako matalino
na maraming nalalaman.

medyo may kabaduyan
medyo may kakulitan
medyo may katarayan.

mga kapintasan
na alam kong aayawan
nang sino man.

pero ako ito
tanggapin mo man o hindi
nasa iyo na 'yun
mahalin mo man o hindi
ako pa rin 'to.

isa lang naman
ang maipagmamalaki ko.

anuman ang gawin mo sa akin
anuman ang itrato mo sa akin
hindi ako magbabago
kung ano ako sa paningin mo
ako pa rin ito.