qwwwwwwwwikn
بالبدايات... كنت أشوفك وطن، وأحسب العمر من يبتدي بيك، وكانت ضحكتك تكفي حتى تنسيني تعب الأيام. كل حلم رسمته، رسمته وإنت أول تفاصيله، وكل دعوة رفعتها للسماء، كان اسمك بيها قبل اسمي.
وبالعتاب... كثر الحچي وما ظل يسمع أحد، كل مرة أكول يمكن يفهم وجعي، يمكن يحس بيّه لو مرة، بس العتاب من يطول، يصير وجع، والوجع من يكبر، يقتل حتى أجمل الذكريات.
وبالشوگ... آه من شوگٍ يسرق النوم من العيون، كل مكان أمر بيه يذكرني بيك، وكل أغنية، وكل ريحة، وكل شارع، يرجعني لبداية ما رجعت مثل قبل. أشتاق، وأكابر، وأضحك قدام الناس، وبالليل أكسرني ألف مرة من الحنين.
وبالنهايات... ما جان الوداع كلمة، كان عمر كامل يطيح بدقيقة. لا صوت بقى، ولا وعد، بس أثر بقلبي يذكرني إن بعض البشر يجون حتى يعلمونا شلون نصير أقوى.
واليوم... ما أعاتب، لأن التعب علّمني السكوت، وما أرجع لورى، لأن الكرامة أغلى من الشوق. أدري الأيام تمضي، والجروح تطيب، ويبقى الإنسان يتذكر البدايات بحنين، والعتاب بحسرة، والشوق بدعوة، والنهايات... بعبرة ما يشوفها غير الله.
