هُـدَىٰ ألجَافِ .

.

@ _xvcxz_  

.

أجيتَك من بَعد غُربة، أجيتْ بـ لَيلةٍ كَمَرِيّة،هَذَّاك أني نَبْعٍ صافي، يِخايِب دَغِش ما بيّة، أجيتْ أَنْثُر عَتَب بالعين، عَتَب  عاشِك بِحَنّيّة، وأكُلَّك هِجرَك شِسَوّى؟ لَون أدري فِلا أهوى، خَذانَه الوَاهِس مِن بَعيد، نِزَف شُموعْنَه لشوكَك، مَشِينَه وايِدْ تِشبِك إيد، نُناغي الروح بطْيُوفَك، العُمر مِن غَير حُب شِيفيد دَلِّمْني بِعَصْرَة جْفوفَك، لَك يا ريحَة مِسگ، يا هَيل، عَذَّبْني وَنين الليل.

حَسّيتْ بِوِداعَك كِلْمَة بيها فِراكْ، كِتْلِك لا تْطَوِّل، واضِحَة الفِكرة، عَرَفتَك مِن كِمْتْ تِتْرَدّ ومِحْتار، بالرّايد تِكولَه، وضِحْكَتِك صَفْرَة، مِن كِلْمَة "شِلُونَك" صارِت "اللّه وَيّاك"، والصَّفْنَة الطّويلة تِبَدَّلِت حَسْرَة، سَألتَك عَالصُّوَر، عَالنّاس، والبوسات، خَلِّيهِن كِلتْ وَيّاك للذِّكرى، مَعناها انتَهَت، والراح خَلّي يروح، مَعناها انتَهِينَا، وفَضَّت العِشْرَة، أعرِفَك ما تْرِدّ، بس ما طَبَّكتْ الباب، مِثِل مَيِّت عَزِيزَة يِعود يِنْتَظْرَه، سَهِل مِن تِبْتِعِد، بَس صَعِب تِلْكَة إنسان شايِل طيبْتِي وَيَّهواك عَالفِطرة، باچِر مِن تِرِد ما تِلْكَة شي موجود تِلْكَة الوَرد ذابِل، والأرض صَحْرَة، تِلْگاني مدينَة مْسَدَّدَه البيبان، بيها الكَمَر مَيِّت، والشَّمس حَمْرَة، وتِمْسَح ذِكْرَيَاتِك شَجَرَة الصَّفْصاف خافٍ مِن تِرِد تِشْتاقْلَه الشَّجَرَة، فَضَّت بَس بَقِت سُولَة بِحَلْكَ سِكْران
            خَلِصِت واعتَبِرها مِن العُمُر سَفْرَة " قِصَّتْنا انتَهَت كَفْرَة بِضَريح آمّامْ"، 

شَبادر بعد سويتَلك كلشي واني أتضرر مَشيت وياك أعَمى مامَهتم عَايفني تَريد أعثر راح أعوفك وأبتعد بل قَبلها خسران تَريد وياك ما أخَسر .

مَا أجيك وزحَمه أسميك الحبيب، انتَ البَجيت عيني كِبال الغَريب وانتَ الفاركِتني بحَجه نَصيب وهسَه تريَد  أجيك أمَداني شكد غَشيم أذا امدلَك أيدي وأسميك الحَبيب .

أدَري بيك تحَبني بّس شالفايَدة! روحي أحَسنها بحَياتك زَايدة انتَ تَهتم بيه وكِت الفراغ وكِلبي كل وَكته على دَربك كايدهَ.

شلون هَيج تغَيرت كلِي شجاك؟ وانه جنت المُحترك واركض وراك، ومِن طَفيت وشفتك مَشربني ماي مكيف شمدريني بالمَوت دواي، مامعوَدني على هاذا التزامك، ماردت تشبكني بسَ بارد سَلامك، شلون تنسَى اسَمي بعد ذاك الدّلال ! واني گايل لامي شنسمي الجَهال شلون راح اقتنع حِتى انسَى عِشرتك ؟ هاي جيتي مِن الصَور بس ماعِرفتك

-

" الشَمس مَتغير تَفاصيل السُمر "

-