_zhio1

امس مو يوم عادي بالنسبة الي
          امس صار بيني وبين شخص احبه فراق وحجت حجي ضوجني وكسرني اكثر مما تتصور
          وانه اصلا مريضة وتعبانة وجسمي ما بيه حيل اتحمل شي زيادة بس رغم هذا كله حاولت اسكت واحاول اتجاوز بس دموعي كانت اسرع مني وتمت دمعتني بخدي وما عرفت شلون اوقفها
          نمت واني مو مرتاحة ولا هادية
          نمت وقلبي ثقيل وعقلي ما سكت
          كل ما اغفو افز من النوم مخنوكة وكئيبة واحس نفسي مو بخير
          اكثر من اثنعش مرة افز واكعد من النوم وكأني ما نمت اصلا
          كل مرة افتح عيوني وادور على نفس الشي اللي وجعني وكأن عقلي مصر يرجعني لنفس اللحظة كل مرة
          يمكن من برا الموضوع يبين مجرد عركة او كلام وانتهى
          بس محد يعرف شكد بعض الكلام يبقى بالداخل وشكد ممكن كلمة من شخص نحبه تقلب ليل كامل علينا
          اني ما كنت محتاجة غير هدوء واطمئنان وكلمة تخفف عني
          بس صار العكس وصارت الليلة كلها ثقل فوق ثقل
          اصعب شي مو الفراق وحده
          اصعب شي انك تكون تعبان جسديا ونفسيا بنفس الوقت وتحتاج شخص يطمنك فتلقاه هو نفسه سبب الوجع
          وتبقى تحاول تقنع نفسك انك لازم تكون قوية وان الموضوع راح يعدي
          بس كل ما تسكت يزداد الكلام براسك وكل ما تحاول تنام تصحى على نفس الضيقة
          يمكن اليوم احجي وكأني بخير ويمكن اضحك ويمكن اسوي نفسي عادي
          بس البارحة اني فعلا ما كنت بخير
          كانت ليلة طويلة بشكل ما ينحجي
          ليلة عشت بيها وجع الفراق والمرض والتعب والخوف والحنين كلها بنفس الوقت
          ما اعرف شنو راح يصير بعد ولا اعرف اذا هذا الفراق مؤقت لو هاي فعلا نهاية شي كان غالي علي
          بس اعرف ان البارحة اخذت مني هواي
          واخذت من راحتي ومن نومي ومن هدوئي
          وخلتني افهم شكد الانسان ممكن يتعب من شخص يحبه حتى لو ما كان يريد يتعبه
          واني اليوم بس اريد اهدأ
          اريد انام نومه ما افز بيها كل شوي
          اريد اصحى وما يكون اول شي بقلبي هو الوجع
          اريد ارجع احس اني بخير حتى لو شويه
          لان البارحة كانت اثقل من اني اتحملها وحدي

مالي عتاب وياه ويه نصيبي
          شمتت بيه عداي ؟ لا يا حبيبي
          

احيي نفسي على هذا التطورر صراحتاً…
          👏👏👏👏👏👏

الغريب مو إني شفت موقف جان قبل يضوجني ويخليني أغار، الغريب إني شفته هالمرة وما حسّيت بشي
          لا ضوجة، لا غيرة، لا ذاك الشعور اللي جان يخليني أفكر بالموضوع ألف مرة
          بس وقفت أتأمل نفسي وأگول شنو اللي تغيّر؟
          شلون موقف جان ممكن يقلب مزاجي كله، واليوم مرّ عليّ وكأنه ما يخصني؟
          يمكن مو لأن المشاعر اختفت، يمكن لأنّي تعبت من كثر ما أحس وأفكر وأتأذى
          وصلت لمرحلة صار عندي تبلد تجاه أشياء جانت تعنيلي هواي
          وأعتقد أصعب شعور مو إنك تغار أو تضوج… أصعب شعور إنك تشوف الشي نفسه اللي جان يوجعك، وتكتشف إنك ما عاد عندك طاقة حتى تتأذى منه.

اليوم مريت من يم بيتج، والغريب إن المكان نفسه ما تغير، نفس الشارع، نفس الجامه، نفس التفاصيل اللي جانت بالنسبة إلي عادية… بس أني تغيرت، وإحنا تغيرنا.
          قبل، من أمر من يم بيتج، جانت عيوني تروح للجامه بشكل تلقائي، أفرح وأبتسم وأصور وأكول لج شفت؟ مريت من يم بيتج، وكأن مجرد مروري من هذا المكان سبب حتى أفرح. جانت أبسط الأشياء تربطني بيج، وأحس حتى الشوارع والأماكن صارت بيها شي منج.
          بس اليوم… مريت من يمه وإحنا متعاركين.
          صفنت من الجامه، وفجأة حسيت العالم كله اختفى. السيارات، الناس، الأصوات، كلشي صار بعيد، وبالي بس إنتِ. ضليت أتذكرنا، سوالفنا، ضحكاتنا، الأيام اللي جانت تجمعنا، والمواقف اللي يمكن وقتها ما كنت أعرف قيمتها، بس اليوم عرفت شكد كانت غالية.
          ما أدري شلون دمعت عيني بدون ما أحس، ولا أدري شنو الذكرى اللي ضربتني بالضبط، بس كل اللي أعرفه إني للحظة نسيت إن إحنا متعاركين، ونسيت كل الكلام والزعل، وتذكرت بس شكد أحبج.

وللللللكككككمممم ااااسستاااذ …. زعلان منيييييي
          ولكممممم اشك هدومييييييي
          ولكم يدزللللييي كلششش زعلاااان منجج اليوممممم
          ولك بابعد طولييي تزعل منييي
          ولك من اندار عليكككككك
          ولككك اروحلك فدوه ونذرررر

 مو كدها مامجبور تركبها 
          وتطيح  شجابك اعلى الخيل 
          يبن المراجيح 

شيءً من الغباء 
          محتفظه بقوطيه الببسي مالتها🤣🤣🤣🤣🤣🤣 وكساع اطلعها اشمها وابوسها وارجع اضمها

احبج سجية كلش كلش احبج و اموت عليج ، 
          انتِ احلى شي صارلي و عوضي 
          م ابين الج انه شنو احس اتجاهج بس اعرفي 
          انه احبس اهواي اهواي بس صعب عليه اعبر 
          مع ذالك احول لخاطرج 

جنها هل مره صدك متفاركين
          اليوم اودي وين كل هذا الحنين
          مره فاركتك دقايق ومن جيت
          كتلك شعطلع كل هاي السنين