ليدي 💜

مساء الخير ♥️
          	
          	للي ما يعرف أنا اترجم الروايات مو اكتبها ومن بدأت انشر الروايات ما كنت ادور تفاعل وانما كنت اشارككم روايات انا نفسي كنت احبها ولذلك كنت انشر بشكل يومي او شبه يومي
          	بدون لا شروط ولا شي وهالشي كنت اسوي للمتعة 
          	
          	بس مع مرور الوقت زادوا المتابعين او بالتحديد الأصنام وزادت معهم الطلبات وهالشي بده يزعجني الصراحة يعني يطلبون انشر او استعجل وهم ما يتعبون نفسهم بضغطة نجمة او تعليق وما اشوفهم بس من اتأخر او الغي نشر الروايات
          	
          	بدأت اكره الحساب وصار يسببلي ضغط وازعاج كلش هوايه
          	لدرجة فقدت الشغف وتوقفت عن الترجمة يعني خلال هالاسبوعين حاولت اكتب اي شي بس بدون فايدة
          	
          	ولهذا السبب حذفت حسابي القديم وكل الروايات وياه طبعًا هالشي كان نفسي اسويه من زمان بس ارتباطي بالروايات وتعليقاتكم ومشاعركم فيهم هو الي كان يمنعني
          	
          	بس بعد حب مجعد فقدت كل حبي لـلحساب وللروايات وياه
          	
          	أتمنى تحترموا قراري ولا تطالبوني ارجعه لأن حتى لو رجع
          	الروايات الي بيه انحذفن خلص
          	
          	هل راح اعيد نشرهن؟ ما قررت لـهسه بس حتى لو قررت اعيد نشرهن فراح انشرهم هنا وما اعرف شوكت راح ترجعلي الرغبة بالكتابة
          	
          	طبعًا ما قررت اعتزل او شي بس احس احتاج فترة راحة نشوف شنو راح يصير بعد العيد
          	
          	حابه اطلب منكم شي بعد، يا ريت ما تشاركون حسابي وتخلوا النا بس لان ما اريد عدد بدون فايدة 
          	
          	كل الحب لـكل بنوته دعمتني وشجعتني خلال فترة تواجدي هنا، ليدي ♥️