ji3ka_
أكره ما عليا لما البطل ميبقاش اللي أنا عايزاه
ji3ka_
ji3ka_
وحشني جدي أوي خالص، يارب أشفيه، نفسي نرجع نتكلم زي زمان
ji3ka_
لا! عرفت إيه العقاب، لو طلعت زعلانة هقول لبابا الحقيقية وإني بنت مراكمة ومهملة علشان ياكلني بقشوري ونخلص مني بقى
ji3ka_
امتى يا ترى
ji3ka_
تعريف الرجل النطع هو البطل اللطخ ابن ستين لطخة بتاع الرواية اللي بقرأها حاليًا
ji3ka_
لقيت رواية أبو البطلة ادالها 100 جنيه وهي كانت عايزة خمسين فقالتله لا يا بابا أنا عايزة خمسين بس ودا خلا أبو البطل يعجب بيها جدًا، ضحكت بجد علشان سببين، أولًا هي ليه مأخدتش المية ولما ترجع البيت هتكون فكت فتديله الخمسين بدال الدراما دي؟ وثانيًا لإن لو كنت مكانها كنت هسقط فالاختبار دا بامتياز وأقول لبابا طب ما تجيب كمان مية ة
ji3ka_
وعامةً الروايات اللي بالعربية الفصحى وأبطالها مش عرب أفضل بالنسبة ليا حتى في جودة الأحداث والقصة والسرد
ji3ka_
فأول سكشن فاللاب سيفتي الدكتور قعدت تصيح ساعتين متشموش المواد الكيميائية متشموش المواد الكيميائية وأنا طول السيكشن أقول ياربي إيه الهبل دا مين الغبي اللي يعمل كدا أصلًا!! من كام أسبوع بقى طلعت أنا الغبي دا لما جالي فضول أشم مركب مش فكراه حتى، بس الحمدلله ربنا ستر ومحصليش حاجة
ji3ka_
قرأت رواية البطلة فموقف ما فكرتني بنفسي وهي بتقول إنها مش هتبكي وبكت، بحد أنا مش عارفة امتى بقيت عيوطة كدا من فين بدأ الموضوع يعني؟ بقيت إذا زعلت ولا تعصبت، فرحت بزيادة أو توترت دايمًا ببكي بشكل لا إرادي
ji3ka_
@savi7t عمتك لطيفة أوي اللهم بارك ربنا يحفظها يارب، ومش عارفة الصراحة ممكن تكوني أخدتي مناعة من الحل دا ومحتاجة مثلًا حل جديد أقوى، وأنا مش أحسن حد يديكي طريقة الصراحة لإني ذات نفسي مش لاقية بس ممكن تحاولي تجربي تنظمي نفسك، لما بكون خلاص بعيط لا إراديًا بتنفس بسرعة أوي ومش باخد بالي أساسًا بس لما بنتبه ببدأ أحاول أتنفس بشكل طبيعي واه مش دايمًا بتنفع الصراحة بس أحيانًا بتدي نتيجة. مش عارفة هتصدقيني ولا لا بس أنا جالي فترة قبل الفترة دي كنت بقى مش بعرف أعيط خالص، مهما حاولت أبكي لما أبقى مخنوقة مش بعرف، والصراحة سواء زمان أو دلوقتي الحالتين وحشين ف الله يعين بجد :) والله يا حبيبتي أنا اتبسطت إننا اتكلمت معاكي بجد متعتذريش بالعكس بشكرك بجد علشان حاولتي تواسيني خدي بوسة والله وبجد أقسم بالله من أول ما بدأتي كلام مفكرتش فيكي ولو للحظة كدور ضحية متخافيش، احنا فنفس الموقف أكيد أنا فهماكي
savi7t
@ji3ka_ كان معروف عني من وانا صغيرة في العيلة إني عيوطة وبعيط لأتفة الأسباب ومحدش ييجي جنبها لحسن تعيط مع اني مش بعيط على حاجات تافة يعني بتبقا حاجة فعلاً مش تافة على الأقل بالنسبالي فا كانت عمتو أو لما تلاقيني هعيط تاخدني على جنب وتقولي عِدّي من واحد لعشرة بالراحة وخدي نفسك واحدة واحدة وفعلاً كنت بهدى ساعتها وببطل عياط بس بعد ما كبرت الموضوع مبقاش ينفع معايا خالص معرفش ليه مع إن دي كانت زي التعويذة السحرية بتاعتي وانا صغيرة وكانت فعالة جداً يعني كنت بعتبرها منقذتي بس حالياً الوضع اتغير معرفش هل ممكن اكون انا كنت بحاول اخدع نفسي وعقلي وانا صغيرة إنها فعالة فا لما كبرت الموضوع اختلف بس حقيقي أنا متأكد إني هعمل اي حاجة حالياً عشان ابطل ابقا عيوطة وفي ناس بتحسدني إني عيوطة عشان جملة " العياط بيريح " وأنهم نفسهم يعطوا زي ببقا نفسي اقولهم ياريت كنت اعرف ابدل أوضاعنا عشان تعرفوا إن الجملة دي اكتر جملة كذابة وساذجة من وجهة نظري، أنا عمري ما عيطت وحسيت إني مستريحة بعد أو في وسط العياط أنا بحس إني عايزة اعيط اكتر عشان عيطت وفين وفين لما ببطل عياط بقا لحد مبقاش قادرة افتح عيوني من كتر ما هي وارمة، عموماً انا مستغرباني جداً دلوقتى إني بتكلم عن الموضوع دة مع حد بس مش عارفة لقيتني مرة واحدة كدا قولت لازم اعرفها إنها مش لوحدها اللي بتعاني وبعتذر لو اتكلمت عن نفسي كتير مش عايزاكي تشوفيني كدور الضحية أنا حقيقي مش كدا
ji3ka_
بقرأ رواية حلوة كقصة عامة وكدا بس كمشاهد بين الأبطال قاحلة أوي وخالية من العواطف تمامًا لدرجة إني استغربت لما الكاتبة بدأت تلمح عن مشاعر البطل تجاه البطلة، اللي هو امتى؟ وإزاي؟ واللي غريب أكتر إنه هو قبل ما يتعرف عليها علطول كان منفصل عن بنت شايفها محور كونه وميت فيها، فاللي هو أنت امتى لحقت تموڤ اون من الأولى علشان تحب التانية؟
ji3ka_
قرأت مرة رواية كانت كاتبتها بنت عادي ومخلية على أساس البطل ملتزم، بس ضرب البطلة قلم مرتين كمان مش مرة لدرجة طنت أذنها، إذا كانت وهي بنت دا تفكيرها أومال الأولاد إيه؟
ji3ka_
مبحبش لما الكاتبات بيخلوا شخص ما شرير بزيادة بدون سبب، يعني لو في سبب تمام ممكن بس مبحبش مثلًا لما يخلوا ست سيئة جدًا وممكن تقتل البطلة حتى بس علشانها بتحب البطل، بحس مفيش حد شرير كدا