masara_45

كانت رقية بنت طيبة وهادئة، تحب القراية وتحب تقعد وحدها بأوقات الغروب تتأمل السماء وتحلم بمستقبلها.
          بيوم من الأيام، وهي راجعة للبيت، وقعت منها ورقة كانت كاتبة بيها أمنياتها. شافها شاب اسمه علي وركض وراها حتى يرجعها إلها.
          كالها مبتسم: "هاي الورقة إلج؟"
          أخذتها بخجل وكالت: "إي، شكراً."
          ومن ذاك اليوم صارت الصدفة تجمعهم بين فترة وفترة. بالبداية مجرد سلام، وبعدها سوالف بسيطة، ومع الأيام صار كل واحد يرتاح للثاني أكثر.
          علي كان يحب طيبة رقية وابتسامتها، ورقية كانت تحب احترامه واهتمامه. وكل يوم كان حبهم يكبر أكثر.
          بيوم من الأيام، كال علي: "رقية، من عرفتك حسيت إنو الله جابلي إنسانة كنت أدعي أشوف مثلها."
          نزلت رقية عيونها من الخجل وكالت: "وأني هم حسيت إنو وجودك غير أشياء هواي بحياتي."
          ومع مرور الوقت، تقدم علي لخطبتها، وفرح الأهل بيهم. وبعد فترة صار عرسهم، وكانت رقية لابسة فستان أبيض يجنن وعلي ما رفع عينه عنها من الفرح.
          وبين الزفة والفرح، همس إلها: "لو رجع الزمن ألف مرة، بكل مرة راح أختارج إنتِ."
          ابتسمت رقية وكالت: "وأني بكل مرة راح أحبك من جديد."
          
          بنت طلبتها ونشرتها. 

اكمل بالقصه او لا؟