Okay guys this is another one of Devika's perspective
My god, I don't have words to describe how emotional I felt after reading this.
This time the lovely thing is that the writer allowed me to mention her name (yes she wrote the last one too)
So it's her wattapad id @aarux_writes
Is duniya ne pucha, kyu hua unse pyaar,
Jab ek tarfa hai kahani, na koi iqraar.
Aur pucha, kya tha khaas, kya bas chehre ka noor?
Kya bahari sundarta ne dil ko kiya majboor?
Humne kaha, pyaar toh bas ho jaata hai khud-ba-khud,
Dil ki dhadkan likh deti hai apni hi koi sudh.
Khaas shayad duniya ko na lage unka andaaz,
Par mere dil mein bas gaye woh banke gehra ehsaas.
Bahari roop toh waqt ke saath dhal jaati hai,
Par andar ki roshni kabhi nahi murjhaati hai.
Unki baaton se pyaar, unki khamoshi se pyaar,
Unki har ek aadat se dil ko hua iqraar.
Kabhi meri nazar se unhe dekh kar toh dekho,
Pyaar khud chal kar aa jaaye… bas itna samajh lo.
Ek tarfa pyaar dard bhi hai, aur meethi si khushi bhi,
Adhoori si kahani hai, par dil ko lagi sachi bhi.
Dard iss baat ka, woh mere ho nahi saake,
Khushi iss baat ki, woh khush hain — yeh ehsaas hi kaafi lage.
Sukoon bas itna hai, bhagwan ne yeh jazbaat diya,
Pyaar jaisa Pavitra ehsaas mehsoos karne ka mauka diya.
Isiliye khud ko humne khushnaseeb maan liya hain,
Ek tarfa sahi… par pyaar ko dil se jaan liya hain.
