Emora_Novels132
الروايه دي موجوده علي صفحتى دي الي حابب يقراها هتعجبكم جدا واحداثها جديده ومميزه ***
نفخ ضحكة وهو مكمل طريقه ولسه هيرفع عينه اتجمد على أول الشارع كانت واقفة بنت غريبة عن المكان بكل معنى الكلمة كأن حد جاب حتة من أوروبا وحطها وسط الحارة .
كانت طويلة نسبيا جسمها رشيق وانوثي بطريقة ملفتة من غير مبالغة وكل حركة بتعملها فيها هدوء وثقة .
بشرتها بيضا جدا ، لكن مش البياض الباهت لأ بياض صحي عليه حمرة خفيفة من حرارة الجو .
شعرها كان بني فاتح ناعم ، سايباه ينزل على ضهرها في تموجات خفيفة ، وكل ما الهوا يحركه كان يلمع تحت الشمس .
عينيها لونهم بين الأزرق والرمادي ، اللون اللي كل ما تبصله تحس إنه بيتغير مع الإضاءة .
رموشها طويلة طبيعي ، وأنفها صغير مستقيم ، وشفايفها وردية من غير أي مكياج تقريبا .
كانت لابسة بنطلون وايت ليج جينز أزرق فاتح ، وتيشيرت أبيض بسيط ، فوقه جاكيت كتان بيج خفيف ، وفي رجلها كوتش رياضي أبيض .
وشايلة كاميرا احترافية كبيرة معلقة في رقبتها ، وشنطة جلد صغيرة على كتفها .
كل حاجة فيها كانت مختلفة عن المكان لدرجة إن أهل الحارة نفسهم بقوا يبصولها باستغراب .
زياد رمش أكتر من مرة وهو بيقول لنفسه :
اي ده دي تايهة ولا إيه
البنت كانت بتلف حواليها وهي باصة في ورقة مطبوعة واضح إنها بتحاول تطابقها بالبيوت .
وفجأة رفعت عينيها عليه ، ولما شافته ابتسمت براحة كأنها أخيرًا لقت حد تسأله قربت منه بخطوات هادية وقالت بابتسامة لطيفة جدًا :
Excuse me !
ــ ( لو سمحت ) .
زياد وقف يبصلها كأنه نسي اسمه هي كملت وهي بتقول برقة :
Can... can you help me please ?
ــ ( هل تستطيع مساعدتي ) .
