⁨جبت كلشي وعفت كلشي 
ومدوي شلون اجيت امشي 
اجيتك ردت اكلك شوف 
ردنا نعوف كلشي وماعرفنه نعوف 
جبت كلشي اليسولف بيك 
خيالي  وصحوتي وطيوف 
جبت دكات كلبي الكطعن 
كلبي بجفاكك سيوف 
جبت صفنات روحي السودنت روحي 
مثل چن بمسيه وعليتيم يحوف
وكون تشوف روحي شخله بيها الخوف 
وكون تشوف حالي شكد الك ملهوف 
وكون تشوف بشفافي الحزن ما خله بسمه تعيش
كلمن كمت ابوسه بخده اطبع اووووف 
وكون تشوف دموع الجدم مايدري وين يروح 
ولخطوات عميه وتايها بلا شوف
كون تشوف خلصت الوجوه وشفت كل الناس
كلها وجوه غربه ولا وجه معروف 
انا بلياك مدري شبيه ما بيه زلف وبلايه ترچيه
درب ما بي كل جيه نهر فاض وتبع ميه
ورجع بس ما لكاله جروف 
كون تشوف روحي شخله بيها الخوف 
مطلوبه نذر وتخاف ما توصل حضرتك من بعيد تطوف 
وكون تشوف روحي شخله بيها الخوف 
مثل دمع العروس الجايه علجناب
ويصبر عليها اوجابها الزافوف 
وشوف شخله بيه الخوف 
مثل حله مدارس روحي احسها اطفال 
حلت وتركتني وباقي بس صفوف 
ويا وحشه صفوفي ومن يجيني اليل 
ويالون الوجه بعدك الضل مخطوف⁩