فطيم

تريد تبِچي؟ 
          أبچي لأچن نصَي صَوتك
          تريد تِصرخ ؟
          إصَرخ ولِم الطِوايف
          ياهوَ يمك؟ 
          ياهوَ راح يشيل حِزنك ؟
          أقِتنع بِـ القاسمِة اللّٰه
           مُحَد لحِزنك حَزين

صوت المسيح
          يل عفتني بين خلگي وخاطري 
          احجاية بواچي
          الناس گامت تكره اسمي 
          كلها احسها 
          تصيح اجه 
          الماعنده ام 
          كلها احسها
          تصيح اجه 
          المايكره احد 
          چا گلتلي 
          بروحتك تذبل 
          حياتك ، وچا 
          گلتلي بذمتك 
          فرحت خواتك 
          وين رايح والمسافات انطوت 
          والشوگ ردني لواهس 
          احلام العمر 
          بريتي ضميت النفس 
          چيه بيه صورك 
          حتى لو ميت 
          تعال الميت 
          من يموت 
          خطار الگبر 
          اسحگ الضلمة بضواك . ول مسية
          العافية بخاطر سماي 
          واذن بروحي الفجر 
          ردن ل ايامي الصبا 
          لچف الطفولة ماتت حچياتنه 
          بعين الصور 
          وخذني للگاع 
          الرسمنه عليها روحي وروحك 
          بچف المطر 
          ردني ل اول مستحى
          ل آخر محنة
          ردني مو زين الكبر
          بروحي شايلك نهر وسنيني گاع 
          منين ما اميل ايتبدى 
          وما كرهت مناطرك 
          ظال انتظر ....
          باچر متانيك يم 
          باب الچفن لابس فرحتي 
          استرخص من الله وتعال 
          باچر بروحي 
          انشتل جيت 
          حلم ضموا طريچه وبيه 
          عثر تالي العمر 
          باچر تغني الشواطي 
          بطور داخل ماتبدل ثوب گلبك والمحنة
          انتَ ذاك انت الحنين 
          الكلشي بيك 
          يصوغلك دموع وحزن 
          كلشي بيك يردني سفانه وهلاهل 
          من يمر تابوت 
          چتال السفن
          وباچر مظفر
          يمر بيه 
          بتوابيت القصايد 
          لو سمع حن وانه احن
          وباچر من اعزف رجعتك
          تختنگ فيروز وتبطل 
          غناها وتستچن 
          وباچر تردتي لغناي لواهسي وبيك 
          استراح ، وليلي 
          خضر سالفة 
          وگاعين وچفوف ووطن 
          ومن تجي اتلگاك 
          بأحلام الصغار 
          بفطرة السبعين بعيوني لعلى فراگك گضن 
          باجر متانيك 
          موتنسى شگلتلك 
          حتى لو ميت 
          
          
          تعال ..

گالوا ما تجي وگالوا عليك بعيد!؟ 
           ودرب كلش طويل البينك وبيني
           شح مني الدمع گد ما بچيت أعليك
           وأعاتب بالگمر هلبت يواسيني
           ظلم كلش ظلم تحيا وتموت بشوگ
           وچا شنهو العمر من تذبل رياحيني؟ 
          تعب حتى الورق حبر ودمع مخبوط
           وحسرهةة ويَ القلم تأذيني وتبچيني
           صفهةة رسمك حلم عذب حنايا الروح
           مثل طيفك أبد ما شايف بعيني
           نهر طولك عذب صافي ويرد الروح
           وأنه الميت عطش وبگطره ترويني
           أكتبلك شعر وأسطرلك الأبيات
           وانته بلا بخت بالفرگهةة تچويني
           قيس بعام واحد وتيبّس من الشوگ
           وآنه سنين مرت ما غفت عيني .

على شوگي
          ونفس جفني اليتانيك
          أحن وللزعل مامنطي لزمة
          موعد جيتك كون اندل الميل
          اوسطة ع دقايق حتى أقدمة
          انة مناطرك نظره غصن چان
          اخضر بس قبلت تعوفه يضمه
          بررلي سبب عطر الـ بلا روح
          ليش الشمس تطلع بيها عتمه
          حرت وجهك اليتراوالي مرات
          واقع لو لان مشتاگ ارسمه

مَشهد غيَابكَ خُرابه
          وصَُوتي مبَحوح شيَصيح
          والشَوارع كلِها مسَكونه
          وصُفيَر وصُِوت ريَح
          والهيِاكل والجَماجم ملحَمه
          والنَاس كل الناس ميته
          وحدي اعثِر واطيَح
          ولو خبَر منكَ يجيِني
          الناَس تَعدل مُن جديَد
          ضَوى يبِين منَ بعيِد مَطر يِنزل
          شمَس تضَحك المشِانق تنَصب
          مرَجوحه الاطفَال الَشهيد
          الوَُرد يطَلع بل جَماجم لو تجَيني
          واقدملكَ اعتِذاري وانكسَاري وكل حنينَي
          لو كلتِ هذا خَطيه ويامة كتلكَ
          من اديه ترَوح بس مو مَن اديه
          ويامة كتلكَ شوفتَني جنازة أمي من ثكِل وجهكَ علَية.اخيَرا تريَد تعِرف شِون جَفاك جَنى مَدد بَسديةَ وهَلي من حَالتي مِلو عدل وتعَاملو عد راَسي وي دفَان وعلى الفاتحَه تَفقو كَل ذنِي ولا فركاكَ انا ماردتَ اموتَ عليكَ اموَت وياكَ.
          الـ زيَد السَومري.

متنة هواي محد ميت بگدنة
          

الناس تخليك تڪبر ڪُل شهرين سنة.

الوضعيّة تحتَ عِنوان:
          "فوگ حزنَك يا حِلو جالَك حزن"