retan_kook

صباحكم خير حبايب قلبي ♥️
          	صارلي زمااان ما نزلت ع الواتباد وما حدثت ولا كلمتكم، دخلت اليوم وقعدت أقلب بالروايات واشوف تعليقاتكم وبحب اقولكم اني سعيدة جداً بكل كلمة تركتوها هنا ... فرحت كثير وانبسطت بتعليقاتكم إن كانت لطيفة أو غير لطيفة يكفيني أشوف ردود فعلكم الشفافة والصريحة وهذا الي نحتاجه لحتى نتطور .
          	
          	وبالنسبة لرواية آرزون حسب ما لاحظت بأنه في بداية الرواية وبداية الفصول في كثير غموض واحداث غير مفهومة لبعض القُراء ولكن هالغموض ما اجا عن جهل إنما هو غموض يخدم الأحداث، لأنه مش حلو تقرأوا رواية أو تشوفوا مسلسل وتعرفوا اسراره وأسرار الأبطال من أول مشهد صح ؟ هيك رح يروح حماسكم ورح تحسوا انه انتهى فضولكم تجاه الرواية أو المسلسل مثلاً ...
          	
          	لما تكملوا الرواية رح تكتشفوا أنه التفاصيل المُبهمة والغير مفهومة رح تبدأ تنكشف شوي شوي ورح تبدأ الأسرار تصير أوضح مع مرور الوقت ووقتها رح تكونوا جدا سعيدين  بالنتائج .
          	
          	لما نقرأ رواية بدنا نكون عارفين انه لها عناصر وأنا أغلب رواياتي فيها عنصر الغموض والتشويق البطيء، يعني مثلا بالفصل الأول معلومات سطحية عن الابطال وعلاقتهم ، بالفصل الثاني تبدأ تظهر سر من أسرار العلاقة وبالثالث يظهر سر جديد مثلاً حول ماضيهم والرابع حول عائلاتهم وهكذا حتى تتوضح الصورة كاملة ولكي يبقى شعور الانجذاب والفضول مستمر .
          	
          	أشكر الجميع على ذكر هالنقطة بالتعليقات لأني كنت ناسية أوضح سوء التفاهم هذا، ولما أفضى رح أرجع اوضح وأعيد هالكلام داخل فصل خاص للرواية .
          	وشكراً لدعمكم المستمر وشكراً لحُسن القراءة والاستماع ♥️✨