Sumusulat sa hangin,
sinisikap abotin,
mga bituing nangagkalat sa alapaap,
sa pag-abot ng pangarap,
kalayaan sa pag-lathala ang nilalasap.

Ngunit tunay nga bang malaya?
kung patuloy ang pagkahon
sa tulad kong manunulat 
na pilit binabalutan mga konsepto,
orihinal na ideya't kaisipan?

Ang ngalan ko'y itatago,
subalit ilalakip
ang panulat na lantad,
mula noon, ngayon at bukas,
sila, ako, kami'y sumusulat.