𝗹𝗮𝗲𝗵𝘆𝗲𝗼𝗻

13 February 2026
          متبقي ساعات على المرحلة التانية،
          مشتتة اوي، معرفش أعمل إيه...
          أمشي عشان أخد راحتي ولا اخليني هنا وخلاص؟
          لسه منمتش، بيراودني أفكار زي إني انسحب،
          وأفكار خوف عامة، معرفش ليه بس بخاف من المواجهة...
          أنا مش عارفة أعمل إيه ومش عارفة أنهي نسخة متحكمة فيا... الله يستر

النهاردة ٧ فبراير ٢٠٢٦
          أنا مقبولة في المرحلة الأولى من uwc
          مازالت الرحلة طويلة،
          لسة مش دا الوقت إلي المفروض أفرح فيه،
          بس التحدي الحقيقي بدأ، 
          تحدي بيني وبين نفسي...
          لعلها البداية إلي أنا منتظراها،
          أنا لازم اكسر حواجز الخوف والقلق
          وأركن التشتت إلي متحكم فيا...
          
          المرحلة الجاية يوم ١٣ فبراير
          الله ييسرلي أموري ويحققلي حلمي
          بعفو وعافية
          
          { وَمَا تَوْفِيقِي إِلَّا بِاللهِ عَلَيْهِ تَوَكَّلْتُ وَإِلَيْهِ أُنِيبُ }