موج

ممكن بعد اذنك تقرئي رواياتي؟

تقييمي لروايه : ظلام الليل يضحك مع شعاع النور
          للكاتبه : جلنار 
          -
          اللواء متعب واللي يخفي مرضه عن بنته الوحيده ودلوعه قلبه - دانـه - واللي ما يلاقي الا طريقه وحده لضمان مستقبلها قبل لا يتوفى بسبب المرض اللي فيه ..!
          وهذي الطريقه اللي كلفت بطلنا المُحقق - بحّر - بالموافقه غصبا عنه لانه مستحيل يرفض طلب للـ لواء متعب !
          وبيتم الزواج وبليله الزواج بتصير المصيبه اللي كان خايف منها مُحققنا !
          -
          تقييمي لها : ٧ من ١٠ .

تقييمي لروايه : انا شفت في وجهك حُسن مستحيل انساه ..
          للكاتبه : تَرف  !
          -
          نُبذه : 
          انحكم عليه بالسجن لسنوات طويله .. انسجن وعمر بطلتنا ٣ سنوات !
          مسجون بالسعوديه ومسموح لهم بزيارته مره وحده بالسنه !
          تكبر هي واختها الكبيره وهم مايعرفون اشكال اي احد من عايلتهم ! لانهم عاشوا حياتهم بغُربه ببلد ثاني " امستردام "
          وفي يوم من الايام وبين خطواتها المُتعبه من كثر التفكير بمستقبلها وبأبوها خاصةً .. تلاقي سكران القريه يلاحقها بعد ما طلبت امها كالعاده انها تجيب خبز !
          وما بتشوف نفسها الا دخلت مكان نسبه تواجد العرب فيه كثيره ! وتلاقي واحد رافع يدينه وقاعد يدعي بكل خشوع .. جاهلين حقيقه بعض !!
          -
          تقييمي لها ٨ ونص من ١٠ ..
          تجنن وعادي اعيدها لانه النقله اللي نقلتها بالروايه تجنن .. تعيشين الاجواء وكانك تقرين روايتين من زود الابداع .
          -
          حُسن - عبدالعزيز 
          هِبه - هَتان 

تقييمي لروايه : زفاف على انقاض جريمه لا تغتفر 
          للكاتبه : كاف 
          -
          نبذه بسيطه عن الروايه :
          
          بأحد الليالي تطلع من الدكان بنت وكلها مليانه دم .. وهو لما يشوفها بيحاول يساعدها لانه شافها متضرره !
          وهي اول ما تسمع صوت مناداته ترتجف وتخاف وعلى طول تهرب لبيتهم وسط انظاره المذهوله لانه يعرف من تكون !
          والادهى واللي يصدم انها طالعه من الدكان اللي يشتغل فيه هو واخوه .. ويدخل على اخوه ويلقاه ميت !
          -
          ٨ من ١٠
          لانه شوي فيها تسريع ببعض الاحداث 

تقييمي لروايه : الهوى لا داعب الغصن حن ومال ..
          -
          نبذه بسيطه:
          ولد جارها المهووس فيها راح يسبب لها مشكله كبيره بتنتهي بالهروب من بيت ابوها لانه عشان يغطي فضيحه بنته بيزوجها لخويه الشايب ..
          وبينقذها اخو البطل وبيتركها ببيتهم الكبير اللي بالديره .. وبيتحمل هو نتيجه غلط اخوه ..
          -
          سلمان وريم
          _
          اعطيها ٨ من ١٠
          فيها شوي اغلاط املائيه بس مع ذلك حلوه .

تقييمي لروايه : انك جزء مني في النور والظلام .
          للكاتبه : عائشه ..
          _
          
          ماضي ابوه السيء خلاه يدفن نفسه بعالمه المُظلم .. إلين مايدخل النور لحياته .. بس هالنور بيدخل لحياته صُدفه ولا في شخص ورا هالشي ؟
          اما النور المغرور اللي كل همها اهلها وشغلها .. بتفتح عيادتها الخاصه وماتدري عواقب فعلتها والتهديدات اللي بتتوالى عليها وعلى عناد اللي بينصدم بعدين انها ..
          
          ~
          الابطال الثانويين :
          الليث - ذياب - بدر - ثامر - مشاري
          غاده - ضي - مي - لتين - الديم 
          _
          اقيمها ٧ من ١٠

بلييز اقري الروايه ذي و قيميها 
          كنت أنا في لهيب القيض مرمي واليوم أنا تحت صبة سحابته
          هي حلوه جدا عجبتني بس احس في كم شي ناقص؟ مو واضح؟
          المهم في شي غلط.❣️

تقييمي لروايه : المنتصف المميت ..
          للكاتبه : ابـرار 
          -
          نبذه :
          - غسق - طفله عايشه مع ام واب من ذوي الاعاقة ..
          يهتم فيها عمها مطلق وولد عمها عماد ..
          توصل الين مرحله المراهقه وهنا لازم عمها يسارع بموضوع الخطبه بين ولده وبنت اخوه عشان مصالحه الشخصيه اللي بتظهر شخصيته الحقيقيه بالروايه !!
          ولـكن ..! بتتغير حياه الكل لما يقتل عماد شخص اسمه - سيف -
          وهنا مطلق بيلوي ذراع غسق وبيجبرها تنتحل شخصية بنته اللي اسمها مثل اسم بطلتنا لانه اهل القتيل يبون اخت عماد عشان الصُلح .. 
          _
          الروايه جدا حزينه وكئيبه وابدا مافيها ولا موقف رومنسي لانها معروفه الكاتبه ماتميل لهالمشاعر ابدا ..
          النـهايه سعيده ..
          _
          اقيمها ٦ من ١٠

تقييمي لروايه: جمرات دمع اشعلت نيران ..
          للكاتبه المبدعه : رهاوج ❣️ ..
          —
          نبذه :
          - أضاليه - مُجتمع راقي تحكمه امراه تُدعى فائقه !
          شُهرتها وثروتها انبنت من سرقه التصاميم اللي صممتها امراه اسمها ناديه !
          بالمقابل ناديه تمتلك ٤ بنات .. اكبرهم ثعلبتنا المكاره جيداء للي بتسوي المستحيل عشان تدخل هالمجتمع الراقي وتنتقم من كل شي سيء خلاها تعيشه هي وعايلتها!
          وتنصدم لما يكشفها بطلنا الدكتور - جسور - اللي بتعقد معاه صفقه عشان كل واحد يستر على الثاني لانه كشف سالفه الانتقام وهي كشفته وهو .. !!
          _
          الروايه كلها صدمات وجدا جدا مشوقه ورائعه !!
          وش سر يدها ؟ وش سر ماضيها ؟ وش سر التصاميم ؟
          -
          اقيمها ٩ من ١٠

تقييمي لروايه : على خصرها تنثني أغصن الرمان .
          للكاتبه : رهاوج ❣️ ..
          _
          القصه تتكلم عن بطلتنا - ليلاف - اللي فجاه تلاقي نفسها عايشه بالريف بعد ماكانت عايشه مع امها وابوها بـ اذربيجان.
          يصير الطلاق بين امها وابوها وبتسكن مع امها اللي جميع اهل القريه يعرفون انها هربت عشان تتزوج اللي كانت تحبه .
          وبتعيش ليلاف طفولتها بالقريه ومن اول يوم بتتلقى التنمر من اطفال العايله واللي كان على راس قائمه المتنمرين بطلنا - غّياث - ..
          وبيستمر بمضايقتها لشهور إلين ما يبتعد عن القريه بسبب مشاكل بين امه وابوه .. وبيرجع بعد سنوات وبيتغير الحال بينهم من اول لقاء بيجمعهم تحت شجره الرمان ..