sannasgalaupdate

තංගමලේ ඩයරියේ ක​තා.
          	සැප්තැම්බර් සම්භාව්‍ය සාහිත්‍ය සංකථන බුද්ධි සංසද් සම්පර්කය සම්බෝගය ඇරඹී තිබේ.
          	මම වට්පෑඩයේ ලියමි.
          	
          	
          	වසර හතළිහකට පමණ පෙර මගේ ලේඛන ජීවිතය ආරම්භ වූයේ ‘කුමරි’ පුවත් පතෙනි. කුමරි පුවත්පත මල් පත්තරයකි. මල් පත්තරයේ ‘සරසවි දියණියෝ’ නවකතාව ලියූ නිසා එතැන් පටන් මම ‘මල් කතා' ලේඛකයෙක් වීමි. බන්දුල පද්ම මල්කුමාර ඇතුළු අපි මල් කතාකාරයෝ වීමු. ඔවූහු සාහිත්‍යට අරුමැසිවාදයත් නවකතාවට වස්සානයත් කවියට වසන්තයත් රැගෙන ආවෝ ය. මම හිරිගඩු පිපෙන විසි වයස් යෞවනයේ දී මල් කතාකරයෙක් වීමි. මම හැට වයස් මේ මොහොතේ ඒ අතීතය ගැන අතිශය සතුටට ප​ත් වී සිටිමි. 
          	
          	වර්තමානයේ  'මල් පත්තර' වෙළඳ පොළේ නැත. ඩිජිටල් අවකාශයේ ‘වැල කතා’ ප්ලැට් ​ෆෝම් ඇ​ත.පසු ගිය කාලයේ මම එවැනි ප්ලැට් ෆෝම්වල සිය ගනනක් 'වැල කතා' කියවීමි. ඉසෙඩ් පරම්පරා​වේ සිතීම් ද බලාපොරොත්තු ද ඔවුන්ගේ ලිංගික කුතුහලය ද සෙක්ස් ගැන ඇති මැජික් එක ද සොයා ගියෙමි. එහෙයින් මේ පරම්පරාව අසලටම  ගොස් සමීපව ඇසුරු කරන්නට අවස්ථාව ලැබිණි. 'වැල කතා' ප්ලැට් ෆෝම් එකේ ලියන සෙට් එක ආතල් ය. නාකි නොහැකි උන්ට කිති ය. අපේ හැටවයස් පරම්පරාවේ උනුත් එහි ලියන්නේ නම් උන්ටත් ඩිප්ප්‍රෙස් කළුවරේ මැරෙන්නේ නැතුව ආතල් ඩේලි රූටිං එකක් හදා ගන්නට පුළුවන්. නමින් ලියන්න බය නම් නාකින්ට බොරු නමකින් ලියන්නට පුළුවන් ය. සන්නා කොයි පරම්පරාවෙත් ඔළු කෑ නිසා නමින් ම ලියන්නට තීරණය කළේ ය. ඉසෙඩ් පරම්පරාවෙත් ඔළු පා තාලයට හුරු කරනු පිණිස හැකි තරම් සිංහල ව්‍යාකරණ නිවැරදි ව ලියමි. මල් පත්තරවල 'මල් කතා' ලියා සාහිත්‍යට අරුමැසිවාදය ගෙන ආ හැකි නම් ඩිජිටල් ප්ලැට් ෆෝම්වල 'වැල කතා' අතරට ගොස් ශෘංගාරයත් රමණීය ප්‍රේමයත් එහි ව​ගා කළ හැකි යැයි සිතමි.
          	
          	මේ සාහිත්‍ය මාසයේ මගෙන් අලුත් පොතක් නැත. සැප්තැම්බර් සම්භාව්‍ය සාහිත්‍ය සංකථන බුද්ධි සංසද් සම්පර්කය සම්බෝගයෙන් බැහැර වෙමි. මගේ පරණ පොත් වෙළඳපොළේ ඇත. අලුත් නමක් නැතක් මිලක් ඇති බිලක් ග්‍රන්ථ.lk වෙතින් ඔක්තෝම්බර් මස ලැබෙනු ඇත. නමක් යනු මිලකි. සැප්තැම්බර් වෙළඳ මාසයේ දන්න සියලු ටික්ටොක් කැටයම් පවුඩර් කඳුළු හෙළා නමක් වගා කරගන්න පට්ට කට්ටක් කන සියල්ලන්ට සුබ පතමි. 
          	මම 2025 සැප්තැම්බර් හත් වැනිදා පටන් 'වැල කතා' ප්ලැට් ෆෝම් එකක ලියමි.
          	
          	ප්‍රේමයේ අරුමැසි ශෘංගාර සයනයක සුරතාන්තය විඳින්න එන්න.