@sevix_
اااحححمممممم..... يا مراحب
المهم... منو جان عنده امتحانات و اخيرا خلص؟ اني
جذب ما خلصت بس باقي عدنا امتحان بس ماكو وقت فكليتنا المصونة شنو سوت؟
راح نداوم هذا الأسبوع طبيعي و السبت نمتحن ( قلوب مطحونة مو بس مكسورة)
اوكيه اخر ميد بكره، بلوك الpps، اخلاقيات و سيكولوجي
هندخل في الفةرماتيفات و الاسايمنتات، زائد انه فيه اسايمنتين لازم يتحلوا دلوقتي و يتسلموا بكره بعد الامتحان، زائد انه اصلا فيه محاضرات بعد الامتحان على طول، اللي هو بس ثواني اخد نفسي حتى ايه ده
@user882004719366 لا بجد والله هتندمي و البصمجة نتيجتها مش هترضيكي، بلاش والله و قومي ذاكري حتى لو محاضرة كل يوم اهو المهم اسمك بتذاكري و اخدتي معلومة احسن من انك تسيبي كل حاجه متراكمة و متعرفيش عنها حاجه
@user882004719366 لحظة انتي بتوصفي موقفك؟، معلش مش مستوعبة اوي، لو مكانك ف حرفيا التلت شهور و عدد المواد و المحاضرات ده يعتبر مناسب جدا انك تذاكري و تحفظي و تراجعي كمان والله من غير مبالغة، بس الاهم انك تبدأي من لحظتها مش تأجلي كل يوم لليوم اللي بعده لانه الوقت هيزنق و النفسية مش هتستحمل تخليك تفتح حاجه او تذاكر
احمممم... نزلت درجات كوز العملي
اخذت 10 من 10 ( شكرا شكرا عالتصفيق)
نزلت معدلات المرحلة الثانية و احس اريد ابجي
يا اخي ظلم ظلم ظلم
7.5 من 10
هاي لييششش
توقعت اعلى T_T
@Ca_ssan_dra_717 معرفش هل ده هيخفف عنك ولا لا، بس انا في امتحان التجريبي pms جبت 1 من 10،ف انتي في السليم متقلقيش
السياسة و الحرب العالمية و الاتحاد السوفييتي و الشيوعية و ناريخ العراق و مصر و الصفائح التكتونية و عنر الارض و الفيزياء النووية و مفاعل تشيرنوبل كلها ممتعة اكثر من pathophysiology
( المد اسبوع الجاي)
عايزة اتعلم الdigital art بس الفكرة اني معنديش اصلا ايباد ولا قلم، و الفكرة الاكبر اني مبعرفش اتعامل او ارسم الا بالطريقة التقليدية، مجرد ورقة و قلم رصاص
لكن فعلا حاسه عايزة اعمل occ خاص بيا، ارسم و اجرب حاجه جديدة، اه فعلا المهم اهرب من المسئولية التعجيزية اللي ورايا
اكتر حاجه بخاف منها هي موسم شرى الهدوم، داخلين على شتا و كل يوم بأجل طلعة الهدوم الشتوي، مش عارفة انا عايزة ايه و معرفش محلات حتى، و لو عرفت اصلا انا عايزة ايه مش هلاقين متوفر في المكان اللي انا فيه
لو حصل كده في الشتوي هزعل، عايزة اطلب اونلاين، بس عمري معملتها، بخاف اتورط، دي هدوم مش مجرد حاجه هستعملها و اشوحها، بس اه بعد الميد نبقى نشوف الحوار ده لو طلعنا عايشين
الهدوم الصيفي اللي جبتها كانت اسوأ حاجه عملتها، لحد دلوقتي مش مقتنعة ب ولا طقم منهم، بس كنت مشترياهم تسليك عشان افض و اخلص، بس جه على دماغي لاني مبعرفش اختار او البس
المفروض يعني اذاكر
@UnderTheAegeanSky اه فعلا بس انا اتراكم عليا كتير و موضوع المذاكرة مش هينفع دلوقتي في فترة الميد، ممكن البصمجة تنجحك او حاجه زي كده لكن مستحيل تخليك تجيب تقديرات
@ sevix_
بقلك
انا ال اعرفه عن الطب انه بيحتاج حفظ كتير
والحفظ مينفعش معاه البصمجه صح
طب بتعملوها ازاي او اي النظام ؟
تجربة الجاثوم المرة دي مكانتش الطف حاجه، اول مرة احس بالخوف الشديد ده و اجرب الشعور الصعب ده، كنت حاسه بالتشنج مكنتش قادرة اتحرك مهما حاولت اتحرك و ده شيء بديهي انه يحصل، فيه طنيم في وداني بيعلى مش عارفة حتى افكر في اي كلام في دماغي، صوت صريخ جامد بيعلى و كأنه حد بيتعذب، كل ما بحاول اتحرك و انجح في كده الاقيني صحيت في مكان غريب و كلن ضلمة و اكتشفت اني لسه متشجنة و يطلع ده لسه حلم، الموضوع اتكرر اكتر من مرة، اصحى من حلم الاقيني لسه في حلم تاني، كله عتمة و صويت، حتى ةما بحاول اقرا اي قرآن الموضوع مش بينجح ابدا مكنتش قادرة احرك شفايفي حتى
لحد اخر لحظة قدرت اخيرا افك جسمي، و اصحى مكنتش قادرة اتنفس و حاسه بكهربا في كل حتة، كنت حاسه الموضوع ارعى من انه يكون مجرد جاثوم جالي تهيأت انهم حاجه اصعب من كده، بس في الاخر اتمنى الموضوع ميتكررش و خصوصا في وقت اكون قاعده فيه لوحدي، لانه وقتها هودع فعلا
بسبب كل اللي حصل ده و انه استمر لمدة ساعة كاملة، مكنتش فاكرة انا فين ولا عارفة ايه الحقيقة او الكدب، في اخر حلم منهم كنت حاسن اني مش شايفة حاجه ابدا، بل شايفة نفسي من منظور حد تالت ورايا، سألت سو غريب. قاعدة قدامي بس بدا كأني اعرفها فعلا، قولتلها هو ايه اللي حصل في عيني مش شايفة لقيتها بتعيط، ظهر انه فعلا على حسب ما استنتجت في الحلظ انه فين حد اخد عنيا و مبقاش موجود الا الفراغ، كنت حاسه من جوايا انه ده حلم بس كان واقعي جدا لدرجة حسيت انه معقول كده فعلا خلاص، و الموضوع مضحك اني اول حاجه فكرت فيهة هو اني ازاي هكمل كلية الطب و انا كده، اكيد هيمشوني
تحس انه عندك مواضيع كتير، ملهاش اول من اخر، بس انا مكسلة اكتب، و ده العيب، و انا بنسى بعد كده، الافكار كلها بتتراكم في دماغي بعد كده و بتتحذف، كان نفسي اسجل كل حاجه، بس الحوار عايز واحد صحته شديدة و تساعده يعني، ف ده مش متوفر الصراحة
-كان نفسي حقيقي اتعلم الشطرنج، لما كنت في الابتدائي اتعلمت مع خالي ازاي العبها، بس مظنش اني كنت بكسب اكيد، كنت بحطها في مكانة الكوتشينة و دي حاجه مهينة بالنسبالي دلوقتي الصراحة لما بفكر فيها، فكرة انك تلعب لعبة احتمالات تحريكها او اللعب بيها ممكن يعادل ملايين الملايين، حاجه تخليك و تحسسك انك في فضاء شاسع مكتشفتش حاجه منه الا الاساسيات زي كوكب الارض
-و على سيرة الفضاء، برضو في الاعدادي كنت احب جدا اني اسمع اي حاجه تخص الفضاء، بس كان عندي جانب غريب شوية، مش الفضاء نفسه بيجذبني ككواكب او نجوم، كنت بنجذب اكتر لمواضيع الكائنات اللي ممكن تكون موجودة بعيد عننا و احنا مش على دراية بيها، او الثقب الاسود اللي ممكن ينقلك لعالم تاني معاكس لعالمك اللي انت تعرفه، او مثلا مثلا اللي كان مرعب بالنسبالي، فكرة انه رائد فضاء ميعرفش يرجع الارض و مركبته اتحركت بعيد في مكان هما مقدروش يوصلوله، عارفة انه نهايته الموت بمجرد ما يخلص مخزونه من الاكسجين و الاكل و الكلام ده، بس هل هو ممكن لما بعد عن المحيط المعروف، شاف حاجات، البشر مشوفوهاش ولا هيشوفوها لانه الوحيد اللي شافها اختفت روحه للابد معاه؟
-حوار برضو المحيطات و لو انه شيء مخيف بالنسبالي، اتولدت بوفيا مش منطقية للمحيطات و البحار، و لو انه في حياتي كلها ما رحت اي مكان منهم، فكرة و شكل الكائنات البحرية بيحسسني بشعور مش مريح، اول حاجه بتيجي على بالي هو الخوف و اسنان و لزوجة و عيون غائرة، و دي حاجه مرعبة فعلا، تخيل انه كله ده و انت متعرفش غير خمسة في المية منهم، يعني ممكن يبقى فيه اسماك شبه البشر؟ مش كمقصد حوريات البحر، انما فعلا شبه البشر بس اقبح؟ ممكن ليه لا
كانت من ابرز امنياتي
-اتعلم لغة الاشارة، دي حاجه كنت بحلم بيها من زمان، يكون عندي القدرة اتواصل مع ناس عاجزين يتواصلوا معاك، في ايدك الفرصة انك تبني جسر يوصل بين افكاركم و مشاعركم
-من غير سبب حسيتني عايزة اعرف اعلام دول العالم كلها، و لو انه عندي دراية بمعظم الاعلام و بحس بشعور حلو لما يجي قدامي علم دولة معينة و اعرف اسمها على طول، مش بحسها ثقافة عالية، لكن فكرة اني اعرف حاجه انا مش ملزمة اعرفها، ف ده كافي يديني شعور كويس
-بحب المواضيع العشوائية اللي لدرجة انها تنطرح في مكان قدامك نسبتها قليلة، زي مثلا الامراض النادرة اللي محدش على دراية بيها، قبل سنتين كان عندي هوس اعرف عن كل الامراض النفسية، كنت بقضي وقت الحصص في المدرسة و انا بدور على اغربهم، تحس انه من قلة سماعك للكلام ده يبدو انه موضوع خيالي، بس هو حقيقي لكن انت مش معتاد ولا عندك معلومة او خبر بيهم، حاجه احب ارجع اعملها تاني
كان عندي دايما هدف و شغف اني اتعلم مواضيع كتيرة اوسع من دايرة معرفتي و ثقافتي بحاجه تعجبني و تشدني، لا و كمان جهزت قايمة بالحاجات اللي نفسي اتعلمها، بس للاسف الطب دمرني و اكل وقتي، متوقعتش الموضوع هيبقى صعب جدا كده