user35689011
هلا حبيبتي مشكوره لان راح تسمعيني
صراحه عدي حلم ومستحيه احجيه الج بس لان صايرلي هواي يتكرر عليه أريد اعرف تفسيره
اذكر قبل هواي يمكن قبل 8 سنوات تحلمت جني كاعده يم امي و بيبيتي الي تصير امه بغرفه خالي و يمنه نسوان هواي و كلهن لابسات اسود بس انه ابيض بس جانن يصفكن و يباركلي بالخطبه مالتي وانه جنت ما مقتنعه كلش بيه و من طلعت من الغرفة طبيت لغرفه مال بيبيتي الكاهه ضمه و اشوف ابن خالي كاعد بيه من شافني تدنه يمي يكلي انه اريدج وعوفي التاخذيه واعوضج وووو من هذا الحجي وانه قبلت بس على مود ما اكسر بخاطره و هو فرح بس جنت ضايجه بس ما بينت اله حتى ما يزعل المهم رحت يم امي وكلتله كالت تتندمين بعدين وراحت و رجعت انه لابن خالي وجان فرحان واطاني ذهب هواي وثكيل و نضفت وياه الغرفة الجان كاعد بيه
هذا الحلم يتكرر عليه هواي مرات وللعلم انه ما عدي شي وي الولد اببدد اصلا لو اشوفه مره بالسنه لو لا بس هو هذا يتكرر عليه هواي
وتجيني احلام هواي ويااه وكله قريبه على هذا الحلم
تجيني بدون ما افكر بهيج بس ما اخفي عنج انه دوم افكر قبل لا انام بشخصيات خيالية من يمي بس تفكيري ما يشمل اتخيل نفسي
وشكرا لان سمعتيني و الله اكون ممنونه الج حبيبتي
sisi_al_ali
@user35689011 شوفي حبيبي مو شرط الحلم يقصد هذا الشخص الي ركزتي عليه يعني ابن خالج يجي بحلمج على هيئة هو يريدج ويحبج وكذا لان يمكن عقلج الباطن مجمع هواي احداث وسامعة هواي وبيوم متعب تحلمين حلم مرات انتي ما تعبانة ويمر يوج حلو بس بل اخير يجيج هيج حلم يخربط تفكيرج كله ويشغله بيه الاحلام تجيج مرات كرسالة او من عقل الباطن نادرا تجيج رؤيا تعرفينشنو رؤيا مو؟ مادام يتكرر عليج هيج حلم يعني من احلام النفسية ومرات تشوفين حلم ابد ميعجبج وغرييب كلش وبيها اشخاص مايصير يكونو موجودين بس هما مو الهم معنى لشي هما مجرد عقلج الباطن حطهم الج كأقرب اشخاص ولتخافين ماكو شي ان شاءلله مراح يصير قسمة بسبب حلم او حلمين لان بالنهاية انتي ماشايفة رؤيا الرؤيا يختلف ويبين الج شراح يصير بالمستقبل واحلام المتكررة مجرد رسائل
user35689011
@ user35689011 الله يبشرج بالخير حبيبتي وانه خايفه لا قسمتي تصير وياه لان امه مو خوش و دوم تصيرلي مشاكل وياهه
زين سؤال إذا ما تكرر عليه هم يبقه نفس التفسير؟و شنو تفسيره ؟
وانه خايفه لان اتحلم بنفس الولد هواي مرات
شكرا حبيبتي الله يفرحج بحك الزهره ام الحسن مثل ما ريحتيني
