SINO SI AKO...¬¬¬





Ako? Ah, oo. Ako nga... Ako ang sumulat nito.



Ang may katha ng mga titik na nababasa mo. Ako na katulad mo... 



Ako na may paa, tuhod, balikat, ulo, (Huwag mong kantahin) mata, ilong, tenga, bibig... kumpleto. Bakit, sa tingin mo ba iba ako sa'yo? Oo. Marahil. Baka. Siguro. May posibilidad, na tama ka nga sa isang parte ng pagkakakilala mo sa sarili ko at sa'yo. Ako at ang aking mapanuring mata... Ako, at ang nakaririnig kong tenga... Ako, na nakakaamoy nang mabahong katotohanan sa likod ng umaalingasaw na bango ng mga salitang bumibingi sa'yo. At sa mapanlinlang na anyong pumiring sa paningin mo.



Ngayon, na hindi ang aking bibig ang instrumentong kapanalig ko, kundi ang aking kamay na kusang kumilos upang gisingin ang diwang nahimbing sa isipan mo.





- Maria Edrina "Eds" Rebagay