Salutations!!! Good to be back on the air~
مرحبا جميعا!! أعرف إننا بقينا سنين بعيدين عن هيدا الحساب، بس صاحبتين الحساب الأولى غالبا اتصابت بكورونا بال2020 وعلى إثرها جسمها تدمر وزاد الاكتئاب الي عندها لمراحل غير مسبوقة وصار من المستحيل إنها تقعد بالساعات وتشتغل على الفصول متل قبل، والثانية سافرت برا البلد وانشغلت بالتعلم والتأقلم والمشاكل إلي عندها غير معاناتها مع الاكتئاب هي كمان.
احنا آسفين بجد..
بسبب الانشغال والتعب من أبسط النشاطات قررنا إننا ما نترجم المانهوا والمانوا لحد ما نلاقي طريقة مساعدة أو أدوات متطورة اكتر فيما يخص التبييض واعادة الرسم، لأنو ببساطة احنا بتهمنا الجودة والصورة الحلوة ذات الدقة العالية قبل ما تهمّ أي حد من المتابعين. و كبديل لكل الأطراف قررنا نترجم الروايات إلي تستحق بجد بس مظلومة أو المانوا تبعها انظلمت بالرسم والاقتباس.
بعد ما قررنا هيك فتحنا للحساب لننصدم بالتبليغ الحرفي لكل فصل تمت ترجمته وتنزيله، و واتباد مشكورا مسحهم كلهم..
هادا غير إننا اكتشفنا انو كل الكتاب وأشهر المترجمين تركوا هادا المكان بسبب كمية الناس التوكسيك وسياسات الواتباد المزعجة والغريبة، لهيك قررنا إننا حننتقل كمان منه لمكان أكثر أمانا إلنا وللمتابعين وبيدعم اللغة العربية، أو نتبع الطرق السرية التانية إلي المترجمين العرب بيتبعوها، بس رح ننشر ترجماتنا هون أكيد ونتمنى ما يصير تبليغ وتتمسح.
بالقريب العاجل حننشر بوست يحكي الخطة وفيه اللينكس وكلشي حابين تعرفوه، وتاني، قد ما اعتذرنا فهو لا يعتبر مبرر على الاختفاء هاد وعلى جعل القراء ينتظرون بالسنين..
شكرا لوجودكم وسؤالكم الدائم ودعمكم رغم كل إهمالنا وتجاهلنا.
احنا جاهزين لنرد على استفسار كمان؛>
Have a good day, dear readers♡
