بنت الجنوب

موهبة جبارة وبكرة تبقى من ضمن الصفوف الأولى للكتاب ان شاءالله ادخلو بنفسكم جو اقتباس الرواية واللينك اهو
          	
          	_من هنا ورايح ماتقوليش أي حاجة تخص علاقتي بعاصي، مش فاهمة بجد يعني إيه! نامي في أوضته علشان تتعودوا على بعض، ما هو كده كده ابن عمي مش غريب عني. 
          	
          	انبعثت من عينيها شرارة من حديثها المعتوه هذا، فقالت بعدوانية: والله هموت منك، والله هموت. 
          	
          	لتتابع بحنق ويأس من رأسها اليابسة: يا بنتي، افهمي، كنت أقصد بكلامي أنكم تتعودوا على بعض علشان بقيتوا متجوزين، مش علشان ابن عمك وابن خالك. ركزي، أبوس إيدك.
          	
          	أومأت لها بلا مبالاة فأجابت ببرود: عادي، مش فارقة، كده كده عايشين زي الأخوات.
          	
          	شهقت "فيروز" ثم ضربت فوق صدرها، مما استمعت إليه، شعرت بفقدان النطق كأنها أُصيبت بالشلل النصفي جراء ما استمعت له.
          	
          	فاستكملت "فرح" باحتدام وغضب عارم: وبعدين إيه حكاية إن لبسي كله يبقى ألوان ابنك اللي بيحبها ده؟ بذمتك في حد عاقل يحب لون أصفر كناري؟
          	
          	قهقهت بصخب على حديثها، فهي محقة. لا تعلم هل هو مختل عقليًا أم ماذا كي يختار هذه الألوان العقيمة
          	
          	توقفت كلاهما عن الحديث حينما أتى "عاصي" بجمود، ولم يلقي التحية ولم يتحدث من الأساس.
          	
          	جلس يتناول طعامه في صمت، ثم ارتشف العصير ولم ينطق بحرف أيضًا. 
          	
          	حمحمت والدته موزعةً نظراتها بينه وبين زوجته قبل أن تعقب بنبرةٍ خافتة مليئة بالحماس: عاصي أهل عثمان كلموني وحابين نطلع الغردقة سوا، إيه رأيك؟ 
          	
          	صوب نظره نحوها بضيق جلي فوق قسماته ثم رد بقوة: ارفضي، أنا مش بحب الحال المايل ده. يعني إيه نطلع مع بعض؟ دي مجرد خطوبة يعني يا حصل نصيب يا لأ. اعقلي يا ماما.
          	
          	_" وإيه لازمتها ماما بقى؟ "
          	
          	تجاهل سخريتها ثم وجه حديثه نحو شقيقته التي طأطات رأسها أرضًا من جديد بحزن كأن حديثه لها أمس تبخر ولم يعد له أثر!
          	
          	زفر بحنق من دلالها وحزنها الدائم من أقل الأشياء فقال بحدة: عنان، فكي وشك ده شوية، مش هانقضيها زعل وقمص على طول
          	
          	فتنهد بيأس مستكملًا بنبرةٍ خالية من أي شيء: اتفقتي مع عثمان إن النهاردة هانحدد كتب الكتاب؟ 
          	
          	اللينك: 
          	https://www.wattpad.com/story/368483200?utm_source=android&utm_medium=link&utm_content=story_info&wp_page=story_details_button&wp_uname=MahyAtef234