xing7901

လျှောက်လှမ်းလာခဲ့တဲ့ လမ်းခရီးလေးက အခုဆို လေးနှစ်တောင်ပြည့်ခဲ့ပြီ…။ 
          
          ကျန်ရစ်ခဲ့တဲ့ ခြေရာတစ်ချို့ကို ပြန်အောက်မေ့မိတဲ့အခါ လွမ်းမောစရာ အမှတ်တရ‌တွေချည်းပါပဲလေ။
          
          ပထမဆုံးခြေလှမ်းကို တွေးမိတဲ့အခါ အလိုလိုပြုံးမိတယ်။
          
          စတင်ခဲ့တုန်းက အပျင်းပြေအပျော်သဘောနဲ့ဖြစ်ပေမယ့် ယခုတော့ မြတ်နိုးတွယ်တာမိလို့ဆိုတဲ့ စိတ်နဲ့ဆက်လက်ပြီး လျှောက်လှမ်းနေမိခဲ့တာ။ ရှေ့ဆက်ပြီးလည်း ပိုလို့သာမြတ်နိုးတွယ်တာလာမိမှာပဲထင်ပါ့။ 
          
          ဒီတစ်လျှောက်လုံး ပိုပိုသိလာရတာက ကိုယ့်ဖန်တီးမှုလေးတွေဟာ ကိုယ့်ဘဝထဲမှာ နေရာယူလာတဲ့ အဖော်မွန်ကောင်လေးတွေဖြစ်လာခဲ့တာပဲ။ ဘယ်လောက်ပဲ စိတ်ညစ်ညူးနေပါစေ သူတို့လေးတွေကို တွေးမိတဲ့အခါ ရင်ထဲကနေကို လှိုက်လှိုက်လှဲလှဲကိုပင် ပြုံးမိနေတော့တာမျိုး။
          
          နောက်ပြီး ဒီတစ်လျှောက်လုံး အတူရှိပေးခဲ့ကြတဲ့ ကိုယ့်ရဲ့စာဖတ်သူအချစ်လေးတွေကိုလည်း ကျေးဇူးတင်မိတယ်။ အချစ်လေးတို့ကြောင့် ကိုယ်ပိုပြီး အားအင်တွေဖြစ်ခဲ့ရတာ။ ရှေ့ဆက်နိုင်ဖို့ တွန်းအားပေးပြီး ကိုယ့်အတွက်ခွန်အားဖြစ်စေခဲ့တာ။ လက်လျှော့ချင်ရင်တောင် ကိုယ့်အချစ်လေးတို့ရှိနေသေးတယ် ဆိုတဲ့ စိတ်နဲ့ အားခဲနိုင်ခဲ့တာ။ ဒီအထိ လျှောက်လှမ်းလာနိုင်ခဲ့တာက ကိုယ့်အချစ်လေးတို့ကြောင့်ပါ။ တကယ်ကို ရင်ထဲကနေ လှိုက်လှဲစွာပင် ကျေးဇူးတင်မိတယ်။
          
          ရှေ့ဆက်ပြီးလည်း အတူတူရှိပေးကြပါဦးလို့ တောင်းဆိုချင်မိတယ်။ 
          
          အားလုံးကိုချစ်တယ်နော်…။
          ရှေ့လျှောက် အတူတူရှိသွားကြမယ်နော်…။
          
          
          
           #ချစ်လှစွာသောရှင်း #၃၀.၇.၂၀၂၆... ကြာသပတေးနေ့
          
          

မင်္ဂလာနံနက်ခင်းလေးပါဗျ…။
          
          ကျွန်တော် ရေးသမျှမည်သည့်ဝတ္ထုကိုမဆို အသံဇာတ်လမ်းလုပ်ချင်တာ၊ အစအဆုံး tt မှာ ပြန်တင်ချင်တာမျိုးတွေရှိရင် ကျွန်တော့ဆီမှာ ဦးဆုံးခွင့်လာတောင်းပေးပါဗျ။ 
          
          ခွင့်လာတောင်းရင် ကျွန်တော့ဘက်က ဘယ်လိုပဲဖြစ်နေပါစေ ခွင့်ပြုပေးမှာပါ။ ဒါပေမယ့် ကျွန်တော့ရဲ့တောင်းဆိုချက်ကိုတော့ လက်ခံပေးရပါမယ်။
          
          စာရေးသူမူပိုင်ခွင့်နဲ့ ကလောင်မှာ ကျွန်တော့ရဲ့ ကလောင်ကို ထည့်သွင်းပေးရပါမယ်။
          
          ဒါလေးပါပဲ။ ကျန်တာ ဘာမှမလိုချင်ပါဘူး။ စာမူခလည်းမလိုပါဘူး။ အပေါ်က အချက်လေးပဲ လိုချင်တာပါ။
          
          Telegram Acc - MeiXing79 
          Tiktok Acc - xing_790
          
          ဒါက ကျွန်တော့ကို ဆက်သွယ်နိုင်မယ့် နည်းလမ်းနှစ်သွယ်ပါ။ Facebook ကတော့ သိပ်ပြီးမသုံးဖြစ်ပါဘူးဗျ။
          
          အရင်တည်းက ကျွန်တော့ရဲ့ဝတ္ထုတွေကို Tiktok မှာ ပြန်တင်ထားတာလေးတွေတွေ့ပါတယ်။ ဒါပေမယ့် ကျွန်တော်ဘာမှမပြောလိုပါဘူး။ ဘာမှမဟုတ်တဲ့ စာရေးသူလေးတစ်ယောက် အရမ်းတွေတင်းကျပ်နေတယ်လို့ ထင်မှာဆိုးလို့ပါ။ ဒါ့အပြင် သဘောကျလို့ လုပ်ကြမှန်းလည်းသိတာမို့ ခွင့်ပြုပေးထားတာပါ။
          
          ဒါပေမယ့် Audio Book ကိစ္စတွေက နှစ်စတည်းကနေ အခုထိ ဆက်တိုက်ဆိုသလို ဖြစ်နေတော့ တင်းကျပ်လိုက်သင့်ပြီထင်လို့ပါ။ လုံးဝကြီး တားမြစ်နေတာမဟုတ်ပါဘူးဗျ။ ခွင့်ပြုချက်လေးပဲ လာတောင်းစေချင်တာပါ။ ခွင့်လာတောင်းရင် ခွင့်ပြုပေးမှာပါ။
          
          ဒါလေးပါပဲ။ ကျန်တာမလိုပါဘူးဗျ။
          
          ကျေးဇူးတင်ပါတယ်ဗျ…။
          
           #ရှင်း
          
          
          

သူကြီးလေးတို့တုန်းထဲက ထပ်ခါ ထပ်ခါ သတိပေးထားတဲ့ကြားက အခု ထပ်ဖြစ်တယ်။ သူကြီးလေးတို့ ပြီးတော့ နောက်ထပ် အခြားဝတ္ထုတွေကို ထပ်လုပ်တယ်။ အကောင့်ခွဲမှာတောင် ပြောင်းတင်လိုက်သေးတယ်။
          
          ငါက နင်တို့ လှန်လိုလှန် မှောက်လိုမှောက် လုပ်လို့ရတဲ့ သူများမှတ်နေတာလား? ။ 
          
          တကယ်ကို ဒေါသလည်းထွက်တယ်။ စိတ်လည်းပျက်တယ်။ 
          
          ငါက YT ကို သိပ်မသုံးဖြစ်ဘူးဆိုပေမယ့် Google ကိုတော့ အမြဲသုံးတယ်။ ငါ့ဝတ္ထုတွေကို ငါ့ဟာငါ ပြန်ရှာပြီးကြည့်နေကျ။ မနေ့ညက ရှာကြည့်တာ ထွက်လာလိုက်တာများ တန်းစီလို့ပဲ…။ 
          
          အခု သတ်ပေးချက်ထပ်တင်ထားတယ်။ ပိုဆိုးလာမယ်ဆိုရင်တော့ ငါ့အဆိုးမဆိုပါနဲ့။ သဘောကျလို့ ကြိုက်လို့ လုပ်မှန်းသိတယ်။ ဒါပေမယ့် ငါ့ခွင့်ပြုချက်မပါပဲလုပ်တာကို ငါမကြိုက်လို့ ပြောတာ။ ဒါနောက်ဆုံးအကြိမ်ဖြစ်စေဖို့မျှော်လင့်မိပါတယ်…။
          
           #ရှင်း #၁၆.၇.၂၀၂၆... ကြာသပတေးနေ့

မုမုတို့ကိုလည်းupနိုင်ရင်upပေးပါအုံးနော် သာသာ

နှောင်းတစ်ခေတ်၌ အစပြုခြင်း ဆိုတာလေးကို အခန်း ၁၀ ထိ စာတွေပြန်ပြင်ပြီး လိုအပ်တာလေးတွေထပ်‌ဖြည့်ပေးထားပါပြီနော်။ ကျန်တဲ့အပိုင်းလေးတွေကိုလည်း ဖြေးဖြေးခြင်းလုပ်ပေးသွားပါ့မယ်ဗျ။
          
          ဦးစွာ နှောင်းတစ်ခေတ်လေးကို ဖတ်မယ်ဆိုရင် အပေါ်ဆုံးက " ဂဗ္ဘ{ဂဗ်(ပုရိသဂဗ္ဘ)} နာမ်(လိင်)အမျိုးအစား ဖြည့်စွက်ခြင်း… "  ဆိုတဲ့ စာလေးကို အရင်ဆုံးဖတ်ပေးကြပါနော်။ နားမလည်မှာဆိုးလို့ပါဗျ။
          
          ကျေးဇူးပါ။ 
          
          ကောင်းမွန်တဲ့ ညချမ်းလေးဖြစ်ကြပါစေဗျ…။
          
           #ရှင်း
          

အပိုင်းသစ်လေးတွေလည်း အများကြီးမျှော်နေကြမယ်ထင်တယ်။ ကိုယ်မအားလို့ပါနော်။ အရင်ကတော့ အိမ်မှာပဲ အိပ်လိုက်စားလိုက်ဆိုတော့ ပုံမှန်လေး ရေးပြီးအပ်ပေးနိုင်ပေမယ့် လွန်ခဲ့လေးငါးလလောက်ကစပြီး ကိုယ်ဆံပင်ပညာသင်နေတာမို့ အပိုင်းတွေကို ပုံမှန်ရေးပြီး အပ်မပေးနိုင်တော့တာ ကြာပြီပေါ့နော်။ အဆိုးဆုံးကတော့ ဒီနှစ်စမှာတင်ကို စာတွေက သိပ်မရေးဖြစ်တော့တာ။ အရင် နှစ်လကဆို တစ်လုံးမှကိုမရေးဖြစ်။ ရေးဖြစ်တော့လည်း တစ်ပိုင်းနှစ်ပိုင်းပေါ့။ ရေတွက်ရင်တောင် လက်တစ်ဖက်စာပဲရှိတဲ့အနေအထားမျိုးပါ။ တကယ်ကို မအားလပ်သလို စာထဲစိတ်နှစ်လို့မရတာလည်းပါသွားတယ်။
          
          တကယ်ကို တောင်းပန်ပါတယ်ဗျ။ ကိုယ်လည်း ဒီတစ်ရက်နှစ်ရက်ထဲမှ စာတွေပြန်ရေးဖြစ်နေတာ။ ကိုယ့်အချစ်လေးတို့ကို အကြာကြီးစောင့်မျှော်စေခဲ့မိတဲ့အတွက် တကယ်ကို တောင်းပန်ပါတယ်ဗျ။
          
          အကျိုးအကြောင်းလည်း မပြောဖြစ်တော့ ဒီသာသာအပျင်းတစ်နေတယ်ပဲထင်နေကြမှာပေါ့။ ဟုတ်လား အဟီးး(⁠◠⁠‿⁠◕⁠)
          
          စတာပါ…။
          
          အခုက လာတောင်းပန်တာပါဗျ။ ကိုယ့်အချစ်လေးတို့ကို အကြာကြီးစောင့်မျှော်စေပြီး အပိုင်းသစ်တွေမအပ်ပေးဖြစ်နေတာကြောင့်ပါနော်။
          
          အားတုန့်အားနာလည်းဖြစ်ရပါတယ်။ အထူးသဖြင့် paid gp ဝင်ထားသူလေးတွေကိုရောပေါ့ဗျာ။ ကိုယ်က အပိုင်းသစ်လေးတွေမတင်ပေးဖြစ်တော့ ပိုက်ဆံကိုအလကားယူထားရသလိုကြီးခံစားနေရတာ။ တကယ်ကို အားနာမိပါတယ်။ တောင်းလည်း တောင်းပန်ပါတယ်ဗျ။ စိတ်ဆိုးနေကြမလားမပြောတတ်ပေမယ့် တကယ် အနူးအညွှတ်ကိုတောင်းပန်ပါတယ်နော်…။ ကိုယ် အားရင် အားသလိုလေး အပိုင်းသစ်လေးတွေ ပြန်ရေးပေးပါမယ်နော်။ အကြွေးတွေလည်းများနေပါပြီ။ ဒီကြားထဲ ထပ်ဝင်မယ့်သူလေးတွေကိုလည်း မဝင်သေးဖို့တားထားရတယ်။ တကယ်ကို တောင်းပန်ပါတယ်ဗျ…။
           #Xing
          

မင်္ဂလာနှစ်သစ်လေးမှာ ကိုယ်စိတ်နှစ်ဖြာအေးချမ်းနိုင်ပြီး ကံကောင်းခြင်းများနှင့် ပြည့်စုံကြနိုင်ပါစေကြောင်း ဆုမွန်ကောင်းတောင်းပေးအပ်ပါတယ်ခင်ဗျ…
          
           #Xing

ပရိုဖိုင်ပုံ မချိန်းတော့ဘူးဆိုပြီး ပြောထားပေမယ့်လည်းပေါ့နော်။ ဒီနေ့က မွေးနေ့ရက်လေးဖြစ်တာမို့ တစ်ရက်တာ ပရိုဖိုင်ပုံပြောင်းလဲခြင်းသာဖြစ်ပါကြောင်း…။
          မနက်ဖြန်မှာတော့ မူလပုံလေးပြန်ပြောင်းလဲသွားပါမယ်နော်…(⁠*⁠＾⁠3⁠＾⁠)⁠/⁠～⁠♡
          
           #ရှင်း #၁၄.၄.၂၀၂၆... အင်္ဂါနေ့

မင်္ဂလာအပေါင်းနှင့် ပြည့်စုံသော နှစ်သစ်ဦးသမယဝယ်... ကိုယ်စိတ်နှစ်ဖြာ ဘေးရန်ကွာ၍၊ ကျန်းမာချမ်းသာခြင်း အလင်းဓာတ်များဖြင့် သာယာအေးငြိမ်းနိုင်ကြပါစေကြောင်း ဆုမွန်ကောင်း တောင်းပေးအပ်ပါတယ်ခင်ဗျာ…
           #Xing #၁၃.၄.၂၀၂၆...တနင်္လာ

မင်္ဂလာပါ ကိုယ့်အချစ်လေးတို့ရေ…
          
          ကိုယ်ပြောချင်တာလေးရှိလို့ပါ။ အရင်လတွေက audio book ကိစ္စလေးတွေဖြစ်သွားတာ အားလုံးအသိပါ။ အခု ကိုယ့်ဆီကို အဲ့ဒီရဲ့ ချန်နယ်က အစ်မက လာတောင်းပန်သွားပါတယ်နော်။ ဒါ့အပြင် ကိုယ့်ရဲ့အခြားသော ဇာတ်လမ်းလေးတွေကိုပါ အသံသွင်းချင်တဲ့အကြောင်း ခွင့်တောင်းပါတယ်။ အဲ့တာ ကိုယ်ကလည်း ခွင့်ပြုပေးလိုက်တယ်ပေါ့နော်။
          
          အဲ့အစ်မက ချန်နယ်နှစ်ခုရှိပါတယ်။ တစ်ခုက Zan Audiobook offical Channel ဆိုတဲ့ ချန်နယ်လေးပါ။ လာတောင်းပန်ပါ့မယ် လို့ပြောထားပေမယ့် တကယ်ကြီးလာတောင်းပန်လိမ့်မယ်လို့တော့ မတွေးထားမိဘူးရယ်။ 
          
          တကယ့် တကယ် လာတောင်းပန်တော့ အနေတော့ခက်သားရယ်…။
          
          ဘာပဲဖြစ်ဖြစ်ပါ။ ကိုယ့်ရဲ့ဇာတ်လမ်းတွေကို နောက်ပိုင်းတွေမှာ အဲ့အစ်မရဲ့ချန်နယ်ကနေ audio book အဖြစ် တင်ထားရင် အဲ့တာတွေက ခွင့်ပြုချက်ရှိကြောင်းလေး လာပြောပြတာပါဗျ။
          
          ဒါဆို ဒီလောက်ပါပဲနော်(⁠ ⁠˘⁠ ⁠³⁠˘⁠)⁠♥
          
          
          
           #Xing #29.3.2026... Sun