zfhugvn-

السلام عليكم ورحمة الله وبركاته 
          
          أعتذر عن عدم ردي على كومنتات البارت الـ23،غالبًا مش هرد دلوقت والبارت هيتأخر شوية، لحد ما النت يتشحن ♥

متى البارت ؟

السلام عليكم ورحمة الله وبركاته. 
          
          لقد ترددتُ كثيرًا في كِتابة هذا المنشور، وفي النهاية أنا أكتبه لـكُم الآن، وأعتذر على أي قرار قد أتخذه، يضايقكم. 
          
          أولًا..لكل من يعرفني ومن لا يعرفني، أنا فتاة أحبُ الروايات كثيرًا، والكتابة، أدعى "مِنَّـةُ ﷲ إبراهـيـم".
          
           أكتب منذ بداية عام ٢٠٢٤،وتحديدًا أواخر فبراير أو بداية مارس، لا أتذكر، وكانت أولىٰ روايتي هي"وجدتك ولكن" التي حذفتها مؤخرًا لتعديلها، ولا أعلم متى يتم تنزيلها مرة أخرى، حقًا لا أعلم، أنه عمل قريبًا إلى قلبي برغم الأخطاء السردية والأملائية المتواجدة فيها. 
          
          توالت الأيام، ورآي بعضكم أشعار مقدمة رواية "الميراث"، وذلك كان منذ عامين تقريبًا، والآن أنا لازالت أكتب في الجزء الثاني لها، بالنسبة لـ"الجزء الاول" فـأنا غير راضية عن الأخطاء الغير منطقية والأملائية، أود تعديلها بشدة،لكنني أشعر بـالبؤس حين يتم نقدها بطريقة غير لائقة،وأيضًا تظهر وكأنها ليس نقدًا أصلًا، أنا أعتبر الكتابة "مضاف إليـه" في حياتي تِلك، لديَّ مسؤوليات أخرى غيرها، ولكلِ كاتب له حياته البعيدة كل البعد عن شخصيته الروائية، لذلك أنا قررت أنه لن يتم تعديل أيةُ رواية لدي مهما كانت الأخطاء "عدا الثلاثة التي تم حذفهم"، فـلقد أستمعتُ إلى نصيحة أحد الكاتبات والتي تُعتبر صديقتي: 
          _"القراء لهم الحق في الحكم على طريقتك من آخر عمل لك وليس العمل الأول" 
          
          لذلك أنا سأترك الروايات التي يوجد بها أخطاء جانبًا، وسيتم التركيز على الأعمال القادمة وروايتي الحالية أيضًا، وفي نهاية المطاف، سأترك هذا المنشور على صفحتي الشخصية، حتى تتيح الفرصة لكل جديد تابَعنِي وسيتابعني، في قرائتها، وشكرًا لحسن قرائتكم.

بارت امتى؟؟

اللهم صلِّ وسلم وبارك على نبينا محمد ﷺ 
          

سبحاטּ ﷲ
          ٱلحمد للّٰه 
          لا إلٰه إلا ﷲ 
          ﷲ أكبر

اللهم اغفر للمؤمنين والمؤمنات ، والمسلمين والمسلمات ، الأحياء منهم والأموات

أحنا في رمضان، يعني أكيد كل واحد مننا ختم أو لسه هيختم إن شاء ﷲ. 
          
          في حركة بقى بتحصل بعد رمضان بتستفزني جدًا، ألا وهي "أختم عشرتلاف مرة في رمضان وأهجر القرآن باقي السنة".
          
          وفي ناس هاجرة القرآن طول السنة أصلًا! لا يهمها شهر رمضان ولا غيره، طب ده اسمه إيه؟!. 
          
          أنتوا عايشين في الدنيا دي بفضل ﷲ،مش إن صحتك بومب زي ما بيقولوا،"إنك ميت وإنهم لميتون"، وليكن أن واحد فينا عاش ألف سنة مثلًا، هيموت برضو! كلنا لها. 
          
          المهم...كنا بنتكلم في إيه؟، آه القرآن..القرآن ده أنت لو ظبطت مع نفسك ورد يومي ثابت تقرأهه في معاد معين بتكون متفرغ فيه، هيفرق معاك كتير جدًا في حياتك، وهتشوف الفرق بـنفسك
          " أنا بتكلم عن الآيام اللي عادية مش رمضان "
          
          فـبجد، لو صفحتين كل يوم حتى مش هيخلوكِ تندمي، أصل دول مش أي صفحتين والسلام، ده أنتِ كل يوم بتقرأي عن:-
          _رحمة ربنا
          _الجنة والنار
          _قصص الأنبياء 
          _عذاب الكافرين
          _بتتعلم أدعية جديدة
          _بتتعلم أحكام جديدة
          
          وغيرهم والله، القرآن ده حاجة عظيمة جدًا، ماينفعش نستهتر بيه. 
          
          عن أنس بن مالك رضي الله عنه وأرضاه، قال رسول الله صلى الله عليه وسلم: "إِنَّ لِلَّهِ أَهْلِينَ مِنَ النَّاسِ" قالوا: من هم؟ قال: "أَهْلُ الْقُرْآنِ هُمْ أَهْلُ اللَّهِ وَخَاصَّتُهُ" (صححه الألباني) 
          
          أنتوا متخيلين؟؟؟؟ "أهل القرآن هم أهل الله وخاصته"!! والله الجنة تستاهل، وجـزاڪم ﷲ خيرًا♡ 
          
          "ﺧـيرڪم مَنّ تَعلـــﻤ القـرآن وعلمـه♡"

"عمرك سألت نفسك أشمعنا صلاة الفجر اللي المؤذن بيقول فيها «الصلاة خير من النوم».."
          
          عن بلالٍ رضِيَ اللَّهِ عنهُ ، أنه أتى النَّبيَّ صلَّى اللَّهُ عليهِ وسلَّمَ يؤذنُهُ بالصَّلاةِ ، فقيلَ لهُ : إنَّهُ نائمٌ ، فنادى الصَّلاةُ خيرٌ منَ النَّومِ ، فأُقِرَّت في صلاةِ الفجرِ
          
          خلاصة حكم المحدث : حسن. 
           
          بصوا يا أخواتي، سيدنا بلال كان رايح لـ النبي ﷺ عشان ينبهه لـصلاة الفجر، فقالوله إن هو نايم، فـ سيدنا بلال بدل ما يقول "حي على الصلاة" قال "الصلاة خير من النوم". 
          
          قبل ما أكمل تعالوا أقولكم على حاجة. 
          _حيَّ على الصَّلاةِ...يعني بيدعونا إلى الصلاة،يلا عشان نصلي يعني.
          _الصلاة خير من النوم...المبادرة إليها،يعني بيقولنا الصلاة أهم من نومك من تحت البطانية،وطبعًا ده بيين إن الصلاة أهم من النوم،فيها أجر وثواب وسيدنا بلال قالها لـ النبي عشان ينبهه أصلًا. 
          
          فـالمهم إن الجملة دي بقت بتتقال في آذان الفجر بـــــــــس،" فأقرت" مكانها الفجر، مش آذان تاني. 
          
          ده كله كوم واللي هقوله تحت كوم تاني♡
          
          صلاة الفجر: 
          ١-(من صلى الفجر فهو في ذمة الله) 
          
          عارفين يعني إيه "ذمة الله"، هنا معناها رحمة وحفظ وحماية من الله ﷻ، فـمين عاقل بقى هيضيع عليه حاجة زي كده؟ 
          
          ٢-"وقرآن الفجر إن قرآن الفجر كان مشهودا". 
          
          تفسير الآية مش معناها الـ"قرآن اللي بيشغلوه قبل الفجر" لأ! ده معناه «صلاة الفجر» نفسها... "مشهودا"، دي شهادة.... يجتمع فيها ملائكة الليل والنهار ويشهدون لمصليها.
          
          ٣-" من صلى البردين دخل الجنة"
          
          ومين فينا مش عايز يدخلهاااا هاااا؟ 
          البردين دول هما الفجر والعصر! 
          
          ٤-"من صلى الفجر في جماعة فـكأنما قام الليل كله"
          
          طبعًا اللي هيقرأ رقم ٤ هيقول "طب والبنات"، واللهِ النية لو موجودة في قلبك، إن يارب لو كنت قدرت أصلي الفجر في المسجد زي الراجل، ده لوحده هيخليكِ تاخدي ثواب زيهم. 
          
          ٥-"ركعتا الفجر خير من الدنيا وما فيها" 
          
          ودي السنة قبل صلاة الفجر+على فكرة اللي جنب الأرقام دي آيات وأحاديث مؤكدة عن النبي ﷺ مش جايباها من دماغي والله ♥
          
          وﺟـزاڪﻤ ﷲ خيــرًا ♡

          من وأحنا صغيرين، كانوا دايمًا بيحكولنا قصة سيدنا إبراهيم مع ابنه سيدنا إسماعيل، وأتقالك انه لُقب بـ "ذبيح ﷲ" وكلنا عارفين قصته...طيب أحنا كده حلوين لحد هنا. 
          
          سيدنا إسماعيل هو "ذبيح الله"..تمام
          لكن مين هو "ابن الذبيحين"؟ 
          
          لو أنتَ أول مرة تسمع بـاللقب ده فـتعالى أقولك مين هو النبي اللي قالوا عليه اللقب ده، ولو كنت تعرف اللقب ده وأطلق على مين، فـبرضو تعالى أقولك إيه حكاية الذبح دي. 
          
          الرسول ﷺ قال:" انا ابن الذبيحين "....عارفين مين هما الذبيحين دول؟. 
          
          الذبيح الأول وهو "ذبيح ﷲ" سيدنا إسماعيل عليه السلام "وَفَدَيْنَاهُ بِذِبْحٍ عَظِيمٍ" [الصافات:107]
          
          والتاني هو والد الرسول صلى الله عليه وسلم "عبد الله بن عبد المطلب" اللي نجا من الذبح بعد أن نذر أبوه عبد المطلب نحره عند الكعبة.
          
          _من هو ابن الذبيحين! السؤال ده انا نزلته على أكونت الفيسبوك وفي كتير مقتنعين ان ابن الذبيحين ده هو سيدنا يحيى! يا جماعة سيدنا يحيى إزاي بس، هو اكيد حصل لغبطة، ومع ذلك أنتوا كده كده عرفتم وجزاكم ﷲ خيرًا. 
          
                  بقلم/ منة ﷲ إبراهيم ♡