@zfhugvn-
صباح الخير
أدعولي يا شباب، عندي أمتحانات انهاردة
إتنين شفوي و إتنين تحريري، و حقيقي متوترة بشكل غير طبيعي o(╥﹏╥)o
@ zfhugvn- صباح الورد يا حبيبتي
بالتوفيق إن شاءالله ربنا معاكى ويجعل الامتحان سهل عليكى يارب
_السلام عليكم ورحمة الله و بركاته _
أذكر إني في رمضان اللي فات، لما كنت بصلي التراويح في المسجد، كنت بسمع ناس اللي واقفة جانبي بيقولوا الأذكار اللي في الصلاة بصوت عالي، أنا كنت بتلغبط أصلا، مكنتش عارفة أقول إيه، ده بيلغبط الواحد اساسا في الصلاة، اللس بتعمل كده بتشوش على اللي جنبها، طب بالنسبة للناس اللي بتقرأ القرأن بصوت مسموع و في صلاة جهرية كمان
اذا كان الإمام يقرأ القرآن، فالمأموم مطلوب منه الإنصات والخشوع، و ربنا قال في القرآن الكريم بسم الله الرحمن الرحيم:-
﴿وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا﴾
المقصود هنا في الآية إن الإنصات و التركيز يكون في الصلاة
_طيب إيه اللي هيحصل لو قرأت مع الأمام؟!.
تعالوا نتكلم مع بعض براحة،أولًا لو إنتِ قرأتي بصوت فـ ده خطأ و شائع جدًا عن المسلمين،لو عايزة تقرأي يبقى في سرك مش بصوت عالي.
_طيب إيه الافضل أنصت و لا أقرأ مع الأمام:-
هنعمل زي ما ربنا أمرنا في الآية، تسْكتي وتُنصتي للإمام، و متقوليش معاه بصوت.
ليه الإنصات هو الأفضل؟
١- لأن الإمام بيقرأ نيابة عن المأمومين في الصلاة الجهرية.
٢- و لأن الله أمر بالإنصات عند قراءة القرآن الكريم.
٣- و لأن الجهر مع الإمام يشوّش وبيخالف هدي النبي ﷺ.
_طب أعمل إيه بالظبط في الصلاة الجهرية؟!
_1_ الإمام يقرأ الفاتحة ➜ أنتِ تنصتي
_2_ بعد ما يخلص الفاتحة ➜ تقولي آمين بس
_3_ الإمام يقرأ سورة ➜ تنصتي تمامًا
_ هل أقرأ الفاتحة سرًا؟!
لو حابة تطمّني قلبك:
✅ ممكن تقريها سرًا جدًا (من غير صوت ولا تحريك شفايف واضح)
لكن الإنصات فقط كافي وصحيح عند جمهور العلماء.
الخلاصة المختصرة جدًا:
❌ القراءة بصوت مع الإمام: غير صحيح
✅ الإنصات: الأفضل والأصح
➕ قراءة سرية (اختياري): جائزة
و اطمنوا
لو كنتِ قبل كده بتقرأي مع الإمام، صلاتك صحيحة إن شاء الله، لكن من دلوقتي خليكِ على الإنصات وهو الأفضل، و حاجة كمان.
لو الإمام أخطأ، التسبيح للرجال والتصفيق للنساء فقط، بدون كلام.
ملحوظة مهمة:-
حتى قراءة القرآن الكريم بصوتك والإمام يقرأ مختلف فيها، والأحوط هو الإنصات.
لو حابين أنزل بوست يشرح إيه الفرق بين الصلاة الجهرية و السرية والحكم في كل واحدة، منتظرة ردكم يا سكاكر❤
"رد السـلامـ بثلاثون حسـنة ❤"
طبعًا أنا نسيت الرسالة دي تقريبًا نسيت إننا دخلنا خلاص سنة جديدة أصلا، و لحد دلوقت مش مستوعبة إن سنة 2025 فاتت بالسرعة دي كانت سنة مرينا بيها بـ كل المشاعر، فرحنا و زعلنا و أفتقدنا ناس كنا بنحبهم بل يكادوا إنهم يكونوا جزء مننا، و كل اللي عايزة أقوله إني بتمنى إن السنة دي تكون سنة سعيدة علينا كلنا بالخير و اليُمن و البركات و السعادة وراحة البال يارب العالمين ❤❤❤❤❤❤❤
گل عآمـ و آنتمـ بخيـﮯر ❤
"أمسيتُ لله ضيفـــاً و الله للضيــف يُغنــي
أحسنتُ بالله ظنّي أن يكشف السوء عنـــي
يا عالـــم السرّ منـي لا تكشف الستر عنـــي"
بسم الله الرحمن الرحيم، الفيس بقى عبارة عن جرايم قتل.. هو في إيه يا جدعان؟ هو يأما الست تقتل جوزها يأما العكس؟ هما لغوا الطلاق ولا إيه!
سؤال بجد
هو الناس اللي بتمثل و تقف قدام الكاميرا و بتمثل أنها بتعيط و متأثرة و تخلي اللي يتفرج عليها يعيط هو كمان
بيمثلوا إزاي بجد؟؟ ده انا لازم أستعد عشان أعيط و أعمل نفسي مسكينة قدامهم و في الاخر اساسًا مش بيهتموا _الاهل يعني_
فـ بجد إيه الموهبة أو العظمة إن واحد يقف قدام الكاميرا و يشوه صورة الصعيد مثلا، يعني هو عندك الصعيد عندهم عاداتهم و تقاليدهم و عندهم طار و كده لكن بحس إن المسلسلات بيأڤوروا أوي ماشي هما كده بس دول بني أدمين بيعيشوا زينا عادي مابدهاش الأڤورة.
لأ و اللي يشوه صورة المرأة و الممثلين اللي بيعملوا دور بلطجي و بيشتم و يهزق قال إيه هو كده مفيش منه، و في الاخر بعد ما ينتهي يطلع على صفحته و الجمهور يهنئوه و يقولهم اتمنى إني أكون عند حسن ظنكم، و لو المسلسل نجح يكرموه و يدوله جائزة، طب بجد هو إيه الحلو في المسلسل او إيه اللي نجحه، يعني أنا بشوف ناس عندهم مواهب حلوة اوي بل فوق الرووعة و يستاهلوا مية جايزة، بينما الممثلين و الفنانين هما اللي بقوا في القمة دلوقت، أنما لو دكتور أو مهندس أو أي مهنة طبيعية تانية بيطنشوا، أنا أتخنقت بجد، إيه الروعة في إنه يعلم الاطفال البلطجية و ازاي يهينوا البنت، انا مش شايفة المسلسل في نظري غير انه حاجة ملهاش لازمة.
"ناس كتير تقولك سورة الكوثر لو قرأتها سبع مرات هتتجوز و في اللي يقولك تلاتين و في اللي يقول 324"
يا جماعة كلام ربنا كله خير و بركة، يعني حضرتك عشان تتجوز أو تنجح أو عشان تعمل أي حاجة، تقوم تدور على الأية أو السورة السحرية و تقرأها و يبقى كده خلاص....يعني إنتَ لما تبقى نفسك في إنك تتجوز تقرأ سورة الكوثر مثلا و تسيب الباقي...
جماعة أحنا لو تأملنا في معاني القرآن و آياته و أحكامه و النواهي و الأوامر وقصص الأنبياء، و قصر السور، هنلاقي إن أحنا مهجرين حاجة كبيرة أوي، و لما يبقى نفسنا في حاجة نقرأ سورة معينة عشان تتحق.....
ده قرآن، كتاب نازل من عند وجه كريم، كل حاجة فيه خير، فـ إنت لو نفسك في أمنية عايز تحققها أفتح مصحفك و أستعرض النية، و أقرأ بتدبر، و هو يفهمك من غير كلام.
و أخر حاجة، بلاش نجيب كلام من دماغنا و نرميه كده من غير ما نتأكد منه، يعني أنا مثلا، قاعدة على الفيسبوك فجأة ألاقي ناس بتنزل أحاديث كاذبة، طب بلاش كلمة كاذبة عشان بتزعل أحاديت ضعيفة، حلو كده؟
المهم يعني بلاش نصدق أي حاجة و السلام، ده دين ما هواش وكالة من غير بواب.
محتاجة اقعد مع عقلي الباطن و أعرف ايه الاحلام اللي بيبعتها دي!!
@ zfhugvn- عارفة ايه هى المشكلة لما أكون بحلم بحاجة وأكون عارفة ان انا بحلم ومش عارفة أصحى فأكون ولا نمت ولا كنت صاحية
@ zfhugvn-
حلمت بخالتي وجوزها بيتخانقوا وشبه هيطلقوا وهي بتلم هدومها وبتحكي لماما هو بيعمل ايه
لما قومت من النوم وشي كان عليه ريأكت الـ : Whattttt !!
لو متابع اي صفحة شيخ او داعية إسلامي على الفيسبوك او الأنستا و تلاقيهم بيقصفوا و بيشتموا وصوتهم يخليك تتوتر، إلغي المتابعة فورًا.
الدين يُسر مش قصف جبهات، و مش أي حد حافظ قرأن و دارس الاحكام...الخ يتقال عليه شيخ، و مش أي حد يقول نصيحة يتقال عليه شيخ.
مهما حصل متصدقش اللي يتقال على الفيسبوك أو اي موقع من مواقع التواصل، السوشيال ميديا شغلانتها الإشاعات و فيه ناس كتير بيستخدموها غلط، فـ ياريت متقعش في فخهم و تصدق.
الجزء الثاني من الميراث مش راضية تفتح عندي انتي مسحتيها