zfhugvn-
"لحد دلوقت مش مستوعب، أزاي ده كله حصل؟!...أنا كنت في كابوس ولازال أثره موجود لحد دلوقت"
طبعًا مستغربين أنا مين، أنا "ماهر"، عندي ٢٤ سنة، عندي أخ أصغر مني، ويعتبر هو الوحيد اللي أخويا، والدي ووالدي أتوفوا، مفاضلش غيري أنا و أخويا و عمتي.
كنت قاعد جنب سرير أخويا الصغير "مالك" وبراقب نبضه وتنفسه، كنت خايف لايتخنق وهو نايم، بعد اللي حصل معايا أنا وهو أنا مش هسمح بأي حاجة تلمسه تاني، أو يبعد عني.
الحكاية بدأت بعد وفاة جدي....
أهلي كانوا ناس بُساط جدًا ، بعد وفاة والدي، الشقة اللي كنا ساكنين فيها كانت متأجرة فـ طبعًا أحنا سبناها بدل ما صاحب العمارة يطردنا، كان جدي ليه بيت موجود في منطقة في الريف، بس مشكلتها إنها حتة مقطوعة، و جدي ده كان معروف أنه كان راجل طيب، بس مش عارف ليه ولاده كلهم كانوا مقطعينوا
قررت بعد ما هو مات، قولت أنا إقامتي في البيت هتكون مؤقتة لحد ما أقبض و آجر شقة جديدة في مكان كويس..
جدو كان أسمه "فَهِيم" كان حنين و عمره ما كان واخد دور الجد، كان واخد دور الصاحب و الأخ، كان فعلًا بيفهمني، هتقولولي أزاي كان بيكلمك و أهلي كانوا مقطعينوا.... هقولكم أنا أعمامي كلهم قبل ما يتوفاهم ﷲ كانوا عايشين و كأنهم ملهمش أب، و مبسوطين، إلا أبويا، بابا كان أكبر واحد في أخواتي، و كان مخفف عن جدو أنه يجي البيت عندنا على عكس إعمامي....
لما سافرت الريف، و روحت بيت المزرعة، حسيت بحاجة غريبة، و روايح مقرفة بشكل يخلي الواحد يجيب اللي في بطنه..
- هو ده بيت جدو و لا مقابر يا "ماهر"؟؟
قالها "مالك" أخويا وهو بيشد على طرف قميصي، كان مرعوب من شكل البيت جامد، فـ سمعت صوت حركة الأشجار و لاحظت خيال كبير عدى من ورا بس مشفتهوش.
حسيت بالأرض تحتي بتتحرك فـ أتجمدت مكاني وأخويا شيلته على كتفي وقولت بصوت واطي:
- متخافش يا "مالك".
المفروض المكان يكون هادي مش بالرعب ده، أقنعت نفسي إن ده بسبب إن ممكن يكون فيه عاصفة أو بسبب الحيوانات اللي هنا، قربت من الباب و فتحته، دوست على الزرار اللي جانب الباب و النور أشتغل.
حقيقي كانت فترة مرعبة و لحد مش مستوعب اللي حصل لأخويا.
ـــــــــــــــــــــــــــــ
لو عايز تعرف أيه اللي حصل لـ مالك و ماهر في مزرعة جدو فهيم، متنسوش متابعة البيدچ _موجود في بايو _عشان يوصلكم الجزء الاول من الحكاية
