المسترجلة😎

🧁المقدمهه🧁

المسترجلة🔗🌸.
بِقَلَـــــمْ سَجَـىٰ سَالِـمْ🍃🌸.
تعالو جاي حبوبات سجى سالم انتم🤤💕..
جيتكم برواية حلوة و الشي و الضي😎💕.
بنكتبلكم مقدمتها و لو عجبتكم تفاعلو بش نكملهالكم🤤🎀.
هيا:والله الا مانزوزك هي🤤
هوا:بري العبي بعيد سلم اوخيتي مش فاضيلك
هيا:باه تو نشوفو😎
بِقَلَـــــمْ سَجَـىٰ سَالِـمْ🍃🌸.
تعالو نعرفكم بالشخصيات و نفهمكم شن فيه😹.
الابطال هما:
الاء+يزن🌸🔗..
الاء بنوتة آية ف الجمال بس زي مانقولو بالفلاقي مهبولة و جريئة لسانها طويل و كلامها ولبسها ذكوري😹.
مواصفاتها: بيضا و قصيرة هلبا و مربربة نقشها ع الاسود عمرها 22 سنه🌸🔗.
عيلة الاء تتكون من:
بوها محمد يشتغل مهندس يحب عيلته و بالذات الاء🌸🔗.
امها سمية دكتورة نساء و ولادة بس متقاعده🌸🔗.
خوها الوحيد مالك عمره 29 سنه حتا هوا مهندس يشبه ل الاء هلبا يحب اخته بس جدي هلبا و كلمته متوليش2 🌸🔗.
عيلة الاء وضعهم المادي فوق الريح🔗🌸.
بِقَلَـــــمْ سَجَـىٰ سَالِـمْ🍃🌸.
ف يوم مالايام💕🧁.
الاء طالعه هي و صاحبتها ملاك ماشيين يفطرو ف كافي و هما مقعمزات و يهدرزو خش واحد قنين قعمز ف طاولة الي بجنبهم💕.
ملاك:لولة شوفي من قعمز بجنبك😻..
الاء تلفتت و شافت واحد حلوو هلبا
الاء بعياط:حيعلمااااء طرررف مزبر🤤💕.
(هوا سمعها مشي رفع راسه و شافلها كيف تشوفله قلب عيونه🙄 و رجع يشوف لتيليفونه)
ملاك:لولة شن تبي تفطري؟؟
الاء:نبي نفطر بالطرفوش هوا
ملاك:الاء بالله فوتيه واضح عليه مش متاع الكلام هوا
الاء:تي لالا حطيته ف راسي اني خلاص😎💕.
(وناضت من طاولتهم و مشت وقفت قدامه و هوا كان حاط سماعات ف وذانه لما شافها جاته نحاهم)
هوا:نعم؟؟
الاء:هات تيليفونك
هوا:شن تبي فيه؟
الاء:هات تيليفونك قلت اني😑.
هوا:يابنت الناس قولي شن تبي مني علاش جايتني اني بالذات اهو المقهى معبي بنات امشي خودي تيلفون اي وحدة منهم😒
الاء:لا مشاء الله طلعت عينك زايغة من البداية مالا بعدين كيف بدير فيا بتخوني 10 مرات ف اليوم🙂.
هوا ناض:اوخيتي ترا فوتيني😊
الاء:باه هات تيليفونك بندير مكالمة ضرورية بالله عليك سلم اوخيي🥺🥺
عطاها تيليفونه و كتبت رقمها و رنت عليه و سجلاته (لولة)😹.
الاء:اتصل بيا ف اليل بس نخاف خوي يشدني نكلم فيك يفعصلي رقبتي😉
هوا:نعم شن تقولي؟؟
الاء:اهو رقمي عندك ياتشم بينا اتصال
فتح تيليفونه و شاف المكالامات لقاها مسجلة رقمها😹😹.
هوا:تي شن تلبزي انتي؟؟
الاء:حبي هدي روحك🤤💕.
هوا: شن حركات الهفكات هما؟؟
الاء: قول عليا فرخة قول عليا هفكة المهم والله الا ما نزوزك هي🤤
هوا:بري العبي بعيد سلم اوخيتي مش فاضيلك
هيا:باه تو نشوفو😎💕
(طلعت هيا و ملاك وخلاته يسب فيها😹😹.)
روحت الاء لحوشهم خشت و قربعت الباب
سمية:هادا شنو بسم الله ذكر مش بنت ذكررر
الاء:مساء الرمان خيره الحلو زعلان😎؟
سمية:حسني الفاظك راك بنت معقولة هكي لبسك و كلامك من بياخدك مني؟
الاء:اسمعيني اهو بالتريس الي يبيني ياخدني زي ما اني غير هكي يمشي يدرق وجها ناقص غير نغير روحي ع خاطر عيل لا بنغير روحي لانمي😎
سمية:لاحول ولا قوة الا بالله
الاء قعمزت ع الصالون و حطت رجل على رجل و فتحت التلفزيون و قعدت تتفرج
سمية:غدوة خالتك عازمتنا مدايرة غدي ع خاطر يزن ولدها روح من بريطانيا بالله البسي زي البنات و تكمي روحك
الاء: خيرهم حوايجي؟
سمية:حوايجك زي الشباب خيرك متفهميش انتي ياربي اني شن مدايرة ف حياتي بش رزقتني بالبنت هادي
الاء:مدايرة العمايل🌚
سمية:وتي روحك بعدين بنمشي اني وياك ناخدولك حوايج و ميكب
الاء:ناخد النمي مش ميكب🌚
(خش مالك🔗🌸.)
مالك:السلام عليكم
الاء:السلام و الرحمه متكترش الزحمه🌚
مالك:ترا تعالي😑
الاء:شنو؟
مالك: الي لابستيه سروالي ولا اني غالط؟
الاء:اي سروالك🌚
مالك:مصح خليقتك امشي نحي ج..
الاء:جد اصله ولاه🌚؟
مالك:تي انتي امتا تكبري
الاء:لما تكبر انتا تو نكبر😂.. اسمع يابرو راهو حتا بلوزتك الرصاصية نبيها بنلبسها غدوة😎
مالك:تلبسي عينك امشي نحي السروال و ترديه من وين ماجبتيه
🍃🌸.
بِقَلَـــــمْ سَجَـىٰ سَالِـمْ🍃🌸.
رايكم ف الرواية و هل تبوني نكملها ولا نوقفها🔗🌸.