المسترجلة😎

🧁البارت³🧁

المسترجلة🔗🌸³.
تنزيل الحلقات بيكون يوم بعد يوم .. معا الساعة ² او ³ ف الليل الانه الوقت الوحيد الي يجيني فيه الالهام🍃🌸.
بهكي يكون البارت طويل و مليان احداث و تكونو تعرفو امتا بينزل كل بارت🧁💕.
بِقَلَـــــمْ سَجَـىٰ سَالِـمْ🍃🌸.
الاء:غدوة جامعة حرفة🤦🏻‍♀️💔
امل:معنديش ليها خلوق🥺😭
الاء:ع اساس اني الي نمشي نقرا و عندي خلوق😎🤣
امل:تستاهلي شن خششك هندسة انتي اصلا😂
الاء:منبيهاش غر مزاج و انتي علاش خاشتلها😂
امل:الانه يزن خلاني نحبها كلامه ع التخصص و ع الكلية خلاني نعشقها عشق💕
الاء:اي باهي الي طلعت وحده فينا عندها هدف تي رحاب خاشتلها ع خاطر اني وياك خشينالها و هيا ديما اتبع فينا زي زعير و عوير😂
امل:🤣🤣وووه خلاص بنشخ
(مشت امل للحمام و الاء قعمزت ع الكرسي و تفكرت موقف و ماتت بالضحك🤣).. وهيا ف عز الضحك حست ب طبطبة ع كتفها ،تلفتت و كان ايمن🕊💕.
ايمن:خيرك تضحكي و تخبطي زي المهبولة انتي😂؟
الاء:تفكرت اول يوم ف الجامعة لما خشيت للكافيتيري و طحت ف النص و قعدت نضحك ع روحي و كلهم قعدو يشوفولي و ميتين بالضحك معاي😂
ايمن:هوا انتي ديما هكي😹؟
الاء: كيف؟
ايمن: تافها لنم😹😹
الاء: نكون تافها و جوي يهبل ولا نكون منكدية زي مرام مرتك😎
ايمن: وحقربي خديتها فرفوشه غر مشعارف خيرها انقلبت توا
الاء: هرمونات😎.. وبعدين انتا شن مقعمزك بجنبي نوض برا على حالك توتجي مرام اديرك تخون فيها معاي و دراما زايده وعار معرعر🌝.
ايمن: اي صح فكيني منها 😹 هي سلام نتلاقو
الاء: سلام🤎
«ناض ايمن و مشت الاء ادور ف الجنان 🍃💕» 
جت امل و معاها رحاب دارو هدرزة و ضحك و كانو ملاحظين  ان الاء تسرح هلبا🌱🌸.
رحاب: الاء خيرك؟؟
الاء: نفكر و نتخيل ف روحي لو كنت ف رواية كيف بيكونو احداثها😎
رحاب: لا متفكريش و بعدين خيرك انتي من يوم الي قريتي روايات بنت الطاهر المسلاتي بديتي هكي زي المتوحده🌚؟
الاء: اسمها اروى الطاهر المسلاتي و ياريت تقولي بنوتة الشيخ لو سمحتي 🙂
رحاب: كله زي بعضه🌚.
ملاحظهه:نموت ف رواياتها البنت هادي💕💕.
بِقَلَـــــمْ سَجَـىٰ سَالِـمْ🍃🌸.
معا المغرب روحو العويلة كلهم و قعدت ام الاء ورحاب و الاء💕
امل:خالتي بالله عليك وراس امك خليها تبات و راس مالك🥺💕
سمية:شن بتقعد ادير اللطف خلتروح عندها ما ادير غدوة وراها جامعهه
سهيلة:غر خليها تبات تغير جوها
سمية:الصبر ياربييي
رحاب: ماه حتني غدوة جامعة و امي خلتني نبات، تي هوا يوم واحد بس خالتي بالله خليهااا😔💔
سمية:باهي باهي تقعد .. لكن الصبح بكري تكون مروحة بش تمشي لجامعتها
الاء: افففف🤦🏻‍♀️
سمية:اي اي زيدي تأفأفي زيدي ... ولا تقل لهما أُفاً
الاء:الصبر ياسيدي يارب🌝.
(روحت سمية)..
وخشو البنات للصالة و قعمزو ع تيليفوناتهم🧁.
امال:الاء خيرك مروحتيش؟
الاء:امال خليني ف حالي يكون احسنلك
امال:وخيركك مطبسة و مركزة ف تيليفونك هكي؟ولا تكلمي؟
الاء:مالا تحسابيني  تخطيت حدودي و وليت نطلع و انسرف معا الشباب زي هلبا ناس☺️😉؟
امال:شن تقصدي انتي😳؟
الاء:بسم الله الرحمن الرحيم خيرك تلونتي اللطف نبصر معاك😂
امال:اهاا😶ْ
الاء:رحاب
رحاب:ها شنتبي😑
الاء:عندك توتة زايدة؟؟
رحاب:معنديش😂
الاء:واني كيف بنبات؟علاش اقنعتو امي تخليني مدامه معندي مانلبس النم
امل:مرام شرت حوايج جدد بعد مازاد وزنها تو نجيبلك منها بيجاما
الاء:اي وارس مالك🥺💕
امل:شن جاب سيرة مالك توا😅؟
الاء:😉😉
رحاب:حيعلمك انتي وياها .. الغمزة هادي وراها قصة نعرف اني شن فيه يا شلة كلاب😑
الاء:تو بعدين نقولك توا فيه معانا رادار🌝
امال:شني؟؟؟الاء احترمي نفسك
الاء:خيرني اللطف شن قلت اني🌝🌝؟
🍃🌸.
فات الوقت و تعشو الدببة التلاتة و خشو بيرقدو🕊💕.
الاء:امال
امال:شنتبي😑
الاء:نبي نرقد ف سريرك و انتي فرشي وارقدي تحت بجنبي☺️
امال:مصح و الله خليقتك شن نرقد تحت و انتي ف فراشي حلوة حتا هادي سريري خط احمر اني مفيش رقاد ف سريري😑
الاء:غر صكري فمك اصلا بالك صدقتي؟ شنبي فيه سريرك الخامر زيك ياخامرة نقعيه و اشربي اميته و خشي شخيها ف الحمام😎
امل:تتعاركو ع سرير😂الاء خيرك من امتا و انتي ترقدي ف سرير امال؟تعالي نرقد اني وياك ف سريري تتفكري ف ايامات زمان😂
رحاب:لااااع هداكا زمان لما كانت خلال توا بدت دبة وين بترقد فسريرك ياحيوانة انتي وهيا😂
الاء:اولا اني مش دبة ياحقيرة ياجارحة المشاعر ياشريرة ياكلبة الكلاب و تانيا سريرها زوجي يعني يسدني اني وياك وبلا نقان زايد خير ماتو نقعمز فوقك و نحلف بالله ما انوض🌝.
رحاب:وووهههه😂😂حيوانة من يومك وحقربي حيوانة هي😂
الاء:وسعيلي وسعي قال دبة قال😎
(خشو رقدو ال³ فسرير امل و شدوها هدرزة و ضحك و تخبيط ليين ...)
طق طق طق
(سكتو ال³ و امال صكرت التيليفون و تفركست)
امال:مني؟؟
سهيلة طلت براسها من الباب:نسمع ف الضحك قلت نجي نضحك معاكم😂
الاء:يحليلي منها خالتي الفضولية😂😂
سهيلة خشت:شن كنتو تحكو بش ضحكتو هادا كله ضحك😂
امال:خشي ارقدي ع حالك ياماما راهو فاضيات وتافهات😶
الاء:انتي اسكتي و علاش تلزي فيها ولا تبي تاخدي راحتك ف التيليفون☺️؟؟
امال:كدابة اصلا مكنتش نكلم ف حد كنت راقدة ع حالي😶
الاء:اني مقلتش تكلمي ف حد انتي الي قلتي😉
امال:باردة و دراه كبد🙄
الاء:مش اكثر منك😙
سهيلة:تحشمي انتي وياها تتعاركو قدامي هكي لاحشم لاجعرة؟مصح وجوهكم
الاء:خالتي انتي تعرفيني طيبة و على حالي غير بنتك تستفز فيا و اني منتحملش😔
سهيلة:عارفاتك💕
امال:😑😑💔
سهيلة:الاء شن الروب الي لابستيه😂
الاء:نهبل ولاه طالعة زي العروسة😉
سهيلة:تبارك الرحمن،غر قولي منوين جبتيه يعطيك السلامه😂
الاء:عطتهولي مرام💕
رحاب:خالتي قصدك صوت ضحكنا المعرعر واصل لبرة🤣؟
سهيلة:للشارع سلامتكم وخلاص😂
الاء:جيبي فراش و باتي معانا هيا ليلة خلينا نعيشوها💕
رحاب:ياسخيفة الادب باهيي😂😂
سهيلة:ماسخيفة الادب الا انتي شن التفكير المعوج الي عندك هادا راك مزال صغيرة
رحاب:شن مزال صغيرة و الي مدادي بصغارهم
الاء:بصغارهم و انتي حتا الزيزة ما ازوزتي😂
امل:وووههه في منصف الجبهه🤣🤣.
(الاء جابت فراش لسهيلة و اصرت عليها تبات معاهم كانت تحاول قدر الامكان انه متخليش امال تكلم اسامة😂 .. المهم كملوها هدرزة و ضحك للصبح🌸💕.)
(الساعة ⁹:⁰⁰🕊🧁.)
الاء:حيعلمي حي الساعة 9 ياحقيرات انتي وياها ورانا جامعة ياخميرة انتي وياها
امل:كداببةةة😳💔
الاء:شوفي الساعة🌝
امل:حيعلياااا😱😬
الاء:تي نوضي الحمارة الي بحداك و هيا ..حييييي😱
امل:شنييي خيرك؟
الاء:ياحقيرات شن بيرفعني للحوش كيف بنلبس😶💔
امل:مشلازم تروحي للحوش خودي من حوايجي💕
الاء:اما حوايج تي شن جاب جسمي لجسمك💔 شن جاب الغزالة للبقرة💔
امل:باهي البسي من رحاب🥺
الاء:رحاب متعرفش تلبس تي حوايجها كلهم بلايز و جينز
رحاب:منهيا الي متعرفش تلبس ياكلبة؟
الاء:اسمعي بالتريس منبيش نتعارك معاك معنديش ليك خلوق😑دبرولي كيف نروح ولا اقسم بالله نغيب
امل:تو نشوفلك ايمن
الاء:فيسع💔
بِقَلَـــــمْ سَجَـىٰ سَالِـمْ🍃🌸.
(بينما امل مشت تنادي ل ايمن شرين تيليفون الاء و كانت سمية  تتصل بيها🧁)
الاء:ايوا؟
سمية:يافرخة وينك الساعة قريب ال10؟؟؟
الاء:مشت عليا نومه🤦🏻‍♀️💔
سمية:توا تكوني قدامي و تلبسي و تمشي لجامعتك فاهمة؟؟؟
الاء:فاهمة🌝 .. وصكرت الخط🍃🌸.
امل:بسرعة اغسلي وجهك و سنونك و غيري ايمن يراجي فيك لوطا💕
الاء: هيا هي🧁
(الاء غيرت بسرعة و مشت معا ايمن لحوشهم)
الاء:منور ع التوصيلة ياعشيري خش اشرب فنجان قهوة😎
ايمن:لا صحيتي عندي خدمة ضرورية هي تبي حاجة؟
الاء:لا صحيت💕
(خشت للحوش استقبلتها امها ببعض التهزيبات و النصائح .. لبست ع السريع و خدت مفاتيحها و ركبت سيارتها و مشت للجامعة💕)
(وهيا ماشية ع حالها جت قدامها سيارة تجري بسرعة جنونية و قريب خشت فيها🤦🏻‍♀️)..
فتحت الروشن و طلعت راسها و ايديها
الاء:ياحيوانة ياعطك العمي ف عيونك ياغبية تي قريب قتلتيني و اني مش مصلية الصبح كيف كنت بنقابل ربي تي من البهيم الي عاطيك السيارة يادرويشة🤨
البنت انصدمت:اوخيتي اسفة و الله مستعجلة صايرتلي حالة وفاء😧
الاء:لا وفاء لا سعدية تي وين عيونك وين ياتاعبة تي كانك مراء درسي ع اليمين تو نتفاهم معاك
(البنت شدت الطريق و مشت على حالها بعد ما خدت الي يسدها مالهزايب و الاء كملت طريقها للجامعة و خشت تجري و للأسف لقت المحاضرة بادية)
الاء:ايه عليااااا تو كيف بندير المحاضرة ليها ربع ساعة بادية و الدكتور حمار مش حيخليني نخش🤦🏻‍♀️ لكن خنخش و الي بيصير يصير هيا خاربة خاربة😎
خشت🚶🏻‍♀️🚶🏻‍♀️.
الدكتور:وين يا ابلة وين؟؟
الاء:شن وين؟ بنحضر المحاضرة😐.
الدكتور:توا عرفتي انه عندك محاضرة ليها ربع ساعة بادية؟اطلعي برة
الاء:تو ع اساس ميتة عليها محاضرتك التافها😎
(وطلعت).
اسمعو راه وحقربي عييت منها الكتابة انتزروووني ف البارت الجاي🍃🌸.
بِقَلَـــــمْ سَجَـىٰ سَالِـمْ🍃🌸.