المسترجلة😎

🧁البارت⁶🧁

المسترجلة🔗🌸⁶.
من نســج خيالــــــي الواسـع🍃☁️.
بِقَلَـــــمْ سَجَـىٰ سَالِـمْ🍃🌸.
امل:تو نمشي نشوفها💗
(ركبت امل و لما وصلت ل اخر درجة سمعت صوت بكي واضح قربت لدار الاء و شافت الفوضى خشت تجري لمحتها و هيا ف ايدها الولاعة و واقفة قدام الدولاب بالظبط بإختضار كانت تبي تولع و تحرق حوايجها🔥)
امل:الااااااء لا ردي بالككك😨 .. ومشت تجري خدت منها الولاعة(و عطتها كف🔥).. (مشت صكرت الباب و ولتلها)
امل:غبية غبيييية خيرك علاش بتولعي دولابك يامهبولةة
الاء:امل اني عييت😭.. امل اني مسترجلة؟؟
امل:شن خطر عليك تسأليني هكي سؤال
الاء:جاوبيني اني مسترجلة ولا لا جاوبي اي ولا لا
امل:اي مسترجلة نعرف انه ردي قاسي لكن لازم تفيقي ياسرك الاء انتي تمشي زي الشباب و تسبي وحتا تقعميزتك كأنك ولد مقعمز ف قهوة الاء امتا اخر مرة لبستي فيها و تكمتي روحك و مكيجتي و دلعتي نفسك امتا؟ انتي حتا ربي بعيده عليه💔امتا اخر مرة صليتي؟امتا اخر مرة قمتي الليل؟امتا اخر مرة لبستي فيها لبس محترم .. الاء انتي تغيرتي هلبا راه شن الي خلاك هكي؟معقولة؟معقولة اهملتي نفسك هكي تي علاش بس علاش .. نادر يضحك و يكلم ف مليون وحدة غيرك و عايش حياته و انتي دايرتيلي فيها راجل🔥
(الاء بكت بقهر) .. امل لما شافت منظرها خدت بيدها و قعمزتها ع السرير و جت بجنبها🍃☁️.
امل:علاش تبكي؟ع اساس دموعك بيردو الاء الي قبل الاء الطيبة الكويسة الي يامحلاها و محلا سيرتها لما يذكروها .. توا المفروض معاش فيه دموع توا فيه افعال✊🏻💕.
الاء حطت راسها ع كتف امل:باه اني منعرفش نصلي💔
(اكثر حاجة اضايق فيا لما نقابل بنوتة كبيرة و عقلها اكبر منها و مثقفة و متصليش💔 انتي كيف هكي؟كيف تتفاخري بنفسك و تشوفي ف نفسك ناجحة و بعيدة كل البعد عن الخالق الي عطاك و ميزك و وصلتي للمكان الي انتي فيه بفضله اقل شي اشكريه 5 مرات ف اليوم بس ربي مش طالب منك اكثر من هكي و فوق من هاذا كله انه الي بتدعيه ف سجودك مستجاب يعني اسهل من هكي مفيش ... صلي و اعبدي الي خلقك و اشكريه ف كل ركعه انه عاطيك عمر و مخليك تتنفسي قبل ما يجي ملك الموت و يقبض روحك💕🍃) نعرف طولت لكن مش ب ايدي و الله لكن نحب نعبر😐😂.
امل وقت الاء اعترفت انها متصليش حست بشفقة عليها و فنفس الوقت حست انه وقتها حان .. انه توا لازم تغير ولو شوية من الاء ف خدتها من يدها و رفعتها للحمام و علمتها الوضوء🌸.
(اكيد بتسألو سمية وين من هاذا كله،سمية كانت تتمنى ان الاء تكون بنت كويسة و صالحة كانت تنصح و تنبه و لكن لا حياة لمن تنادي🍃🌸.)
🍃☁️.
امل صلت و علمت الاء الصلاة🍃🌸.
كانت تحبها لدرجة كبيرة .. كانت متبيش الاء تزيد اضيع فوق ماهيا ضايعة .. كانت زي الام الي تخاف ع صغارها من نخصة الشوكة .. كانت تحبها هلبا و تعتبر فيها اختها و زي مانعرفو مفيش حب يضاهي حب الاخت ل اختها💕
امل:ف الصلاة الرباعية او الثلاتية تقري نصف التشهد بعد الركعة الثانية و تدعي ف سجودك و ربي بيستجاب لدعواتك ايا كانت💕.. و اظن ان مش لازم حد يعرف باللي صار قبل شوية و بالنسبة لحوايجك ف بيتلوححو و بنمشي معاك بنختارلك ملابس جدد طوال و مستورات💕
الاء:شكرا هلبا
امل ابتسمتلها:لا شكر على واجب
طق طق طق
الاء:تفضل
خشت رحاب:نوضي انتي وياها غدانا رجدة كسكاس سلم ايدياتي🤭.
امل:بدينا نخشو للمطبخ و نطيبو😉
رحاب:ايهم يحب البازين هلبا🤭💕قلت نتعلم المطبخ ع خاطره مش خسارة فيه😂
(نزلو كلهم و تغدو كانو يضحكو و يبصرو و الاء مش معاهم ف عالم ثاني .. كلت و ركبت لدارها و قررت انها خلاص بتتغير💕بتلوح الاء و ماضي الاء القديمة و بتشوف لقدام و بس قررت انها من اليوم بتكون كويسة و نظيفة🍃🌸.. جتها فكرة فتحت دولابها و دورت ع الاكياس الي شرتهم امها الاسبوعين الي فاتو لقتهم و طلعت بلوزة سمائية طويلة و سروال ابيض .. وخشت للدوش🍃🌸)
طلعت من الدوش لقيت امل ورحاب يهدرزو و لما شافوها ركزو فيها و فتحو عيونهم زي توا(😳😳)..
الاء:خيركم اللطف شن فيه😂؟؟
رحاب:محلاك ياحليب حكاك🤭💕💕.
امل:تبارك الرحمن😳💗💗
الاء:حقا🤭🥺
رحاب:اي حق اللطف شن الي غيرك😂
الاء:شي لكن من حقي اني نلبس زي البنات ولا مش حقي😂
رحاب:حي و تضحكي ب انوثة😳
امل:قداش ليا عليها ضحكتك العفوية هادي يا الاء☺️💕
(الاء مشت قعمزت ع سرير بجنبهم و قعدت تشوف للحيط و سارحة مدة و بعدين تكلمت💕)
الاء:فيه هلبا ناس انكسرو بسببي و لازم نجبر بخاطرهم و نعتذر منهم و اولهم محمد💔😔
رحاب:لاااا هكي هلباا ياعشيرتي راه😳🔥🔥.
الاء:شن عشيرتي شن الكلام الشوارعي هادا😂😂
رحاب:كلام شوارعي😳؟وضحكة انثوية جداً😳😳؟الاء شكلك مرضتي بالرسمي😰
الاء:لا ممرضتش اني و عيت💕فقت من غيبوبة مليانة وهم🍃☁️
رحاب:الاء شنفيك💔🔥؟؟
الاء:مفيا شي الا العافية هي معليش اطلعو و خلوني بروحي
رحاب:نطلعو شنو و بروحك شنو فهميني خيرك😳
امل:خلاص عاد ماه قالتلك خلوني بروحي هيا يارحاب و انتي لصقتي فيها😂😂
(طلعو ال 2 و خلو الاء بروحها زي ماقالت طلعت تيليفونها و اتصلت بمحمد و بعد قريب 20 مكالمة رد عليها🍃🌸)..
محمد:نعم
الاء:اني اسفة💔😔 .. نعرف اني جرحتك بكلامي و نعرف اني غلطت ف حقك هلبا و اتصلت بيك بنعتذر منك بعد ما كسرتك مش طالبة منك شي غير انك تسامحني💖
(هني محمد جاتة جلطة😂😂 سكت مدةةةة بعدين تكلم)
محمد:الاء انتي؟
الاء:اي الاء مستغرب صح😂
محمد:اي و هلبا
الاء:ها شنو منو سامحتني؟
محمد:ولا مرة زعلت منك اصلا💕💕
الاء:ااااه متعرفش قداش ما كلامك ريحني💕هي نستأذن توا🤭💕
محمد:اذنك معاك
بِقَلَـــــمْ سَجَـىٰ سَالِـمْ🍃🌸.
اسمعو وحقربس نعرف ان الحلقة قصيرة لكن اليوم مفضيتش بكل كتبتها توا معا الساعة .. "1:15"
لكن وعد حنعوضكم🍃☁️..