حوش حنينه🔥

الحلقه التانيه🔥

#حوش حنينه#
( خيال مزوج بلواقع)
الحلقه الثانيه2🔥
عند نادين بعد ما سكر عليها ابراهيم
نادين لوحت التيلفون على السرير: اتافه سكر عليا اوففف🔥
نجوى مقعمزة على سرير ترضع في ولدها: تو تو بشويه خيرك والعه شن صاير اكيدة طلعتي من دون علما
نادين قعمزت على السرير وقالت بغضب: تي ميفهمش حاولت معاه الف مرة بس هوا شيء شيء ميت في راسه حمار
نجوى: بشويه متقوليش عسبات طلعتي من دون علمه؟؟
نادين تهز في رجليها بتوتر : ايه وهوا على سبله يبيني نعفن فيها الحوش🔥
نجوى: ولله انتي خيرك ماشاورتيه قبل متطلعي
نادين: اتصلت بيه مردش شن منديرله بنجيب طيارة وننقزله متلاا
نجوى وقفت: ربي يهديك وخلاص اني نازله الحقيني خير متقلبها على راسك حنينه ( ونزلت)
نادين تقلد فيها : انزلي خير ما تقلبها على راسك نننننن عليك جو الدير فيه عقبه هل عزوز الشطان ( ونزلت) 
عند نهال :-🔥
ركبت تجري للشقتهم وخشت لي دارها وسكرتها وقعدتت تبكي لان كانت تحب نسر ولد عمتها بس نسر ميحبهاش وهي تعرف هشي بس الله غالب القلب ومايهوا بس هيا متحبش عبدالرحمن لكن مبتش تكسر كلمت حنينه لان عارفه مصيرها كيف🔥
نادين كيف طالعه من دار سمعتها...
نادين كيف طالعه من دار سمعتها...
نادين: ستر لله باقي وخلاص ونزلت
اما نهال قعدتت تبكي وبعدين فكرت تتصل بي نسر وتشوف رده فعله
.
.
.
ترن ترن ترن
عبد المالك بي استفزاز: رد رد على الكبيده رد😪
نسر ضحك: كبيده عيونك ابصر مني ( وناضت من جنبهم طلع الجنان ❤
نسر: الو
نهال بصوت حزين : نسر
نسر معرفهاش: من معاي تفضلي
نهال رشفت خشمها: انا نهال يانسر معقوله معرفتنيش
نسر تعصب: كم مره منقولك انا منحبكش منــحبكش افهميها طلعيني من راسك يابنت
نهال قعدت تبكي : بس انا نحبك راعي شعوري شويه😭
نسر: افهمي انتي توا لي عبدالرحمن وانا منقدرش نخون ولد خالي عسباك افهمي ومعاش تتصلي بيا فاهمه (وسكر عليها ودارلها حضر) وطلع سبسي وقعد يدخن
اما عند نهال كملتها بكي وخلاص حتى العشي نادوها مبتش تنزلي وماخطرها تشبح حد
اما لوطا وتحديداا في الصاله:-🔥
حنينه تاكل: خيرها العفو منزلتش نهال
ناجيه بتوتو: باكش تحشمت ركبت
حنينه بعدم تصديق: اممم وحده منكم ترفعلها عشاها فوق
ندى: هاتي حنينه توا نرفعلها انا
حنينه بي جمود:  قعمزي انتي حامل صعب عليك ركوب  توا اتنوض امل ولا  نسرين  ترفعه
ساجده ناضت: اهو انا كملت توا نرفعهولها
نسرين بشويه قالت: اديري فيا خير ولله مخاطري نركب
ساجدة شبحتلها على جنب وركبت
وهيا راكبه تلاقت مع نضال
نضال: اا اهلين ساجدة شجو
ساجدة: تمام شن جوك انت
نضال: اهو ماشيه لمن العشي هادا؟؟
ساجده بخجل: لي نهال
نضال بي استغراب: خيرها منزلتش هيا
ساجده ركبت وفتحت الباب: ايه منزلتش
نضال : غريبه مش من عادتها
ساجده : الله العليم وخشت وسكرت الباب
نضال: غريـــبه  "وخش للمربوعه"
ساجده دقدق على باب دار نهال
ساجده: نهال نهال افتحي الباب
نهال تمسح في دموعها: شويه بس وفتحت الباب
ساجده : العفو خيرهم عيونك منفخات شن في
نهال حضنتها وقعدتت تبكي
ساجدة انصدمت: بشويه خيرك نهوله شن في خوفتيني
نهال وهي تبكي م: منحباش منحباش افهمو عليا افهمو
ساجده وقعمزت على السرير وهيا فحضنها : خلاص حبيبتي هدي روحك هادا كله على خاطر الجربوع نسر مسحبتكش ضعيفه هكي
نهال وهيا تبكي : نحبه نحبه شن ندير فعمري
ساجده تمسحلها فدموعها: خلاص عاد مش قبل تقولي اني ميهزني شيء شن صار توا وبه وانتي كان متحبيشي ليش وافقتي كان قلتي له وسكرتي الموضوع
نهال بصوت خاتقاته العبرة: منقدرش منقــدرش افهمي بعدين حنينه تغضب عليا وانا عارفتها
ساجد : الله غالب معندك مديري ارضي بنصيبك وخلاص شن انتي اول وحده حتى خواتك وبنات عمك تجوزو من الاقارب
نهال وهي حاضنتها: بس انا غير هما تجوزو على حب بس انا منحبــاس افهمي
ساجده بغضب: امسحي دموعك خير منشلفطك كف تو ولله كان تسمعك حنينه ااا لما تغضب عليك
نهال تمسح في دموعها : وهادا الي خايفه منا اصلا
ساجده وقفت: معناها امسحي دموعك وتعشي وانزلي باش ميشكوش فيك تمام وانا نراجيك وحاولي انك تنسيه لي انه ميستاهلش دموعك فهمتي تلقيني لوطه
نهال: اوكي شويه ونازله
ساجده: تمام( ونزلت )
________
في مربوعه:-💎
اويس نخص ابراهيم
اويس: مش قلت بتقولي خيرك😒
ابراهيم شبحله بربع عين: فوتني
اويس نخصه: غير قولي
ابراهيم ولع الدخان: تعرف كلما تانيه ودين محمد الا لما  نطفي دخان فلسانك
اويس: هم هم خلاص سكتت😶
ابراهيم شبحله بربع عين : حتى الخوف باهي
اويس:🙂
خش نضال: ساعيكم
الشباب: وعليكم السلام
عبد الرحمن: غير قولها كويس
نضال قعمز بحداه: انت اسكت يابو نسيب خيرلك
عبد الرحمن: وصلاتك الدوة امالا😕
نضال بفخر:امالا شني يحبيبي
عبدالرحمن: مفيش مبروك ؟
نضال شبحله بربع عين: انشالله خير وعلاش المبروك 😕
اوس بي تفاها: ماه عطيه فيها كلمه😂
نضال: اممم حسبتها عشرة برا روح لما تتجوزها توا نقولك مبروك 😁
عبدالرحمن: خزي يتافه
نضال: الموهيم منقولكم
الشباب: نعم
نضال: توا مننتصل بي من يترااا قولو من😁
الشباب:من😕
نضال: بي دعاء وامل الشياطين 👹
ابراهيم: شبحله وعلاش على شن ناوي
نضال: توا تعرف واتصل بيها
ترن ترن ترن ترن
دعاء ردت: الو يا عشيري
نضال فتح السبيكر:  الو يابروتي شجو
الشباب ودانهم كلهم على التليفون
دعاء: ميا ميا شن تبي ياطيري
عبد الموهمين خبط ايدا على جبهته: ضاعت الانوته يااختي ضاعت😭
الشباب:😂😂😂😂
نضال: وين امل
دعاء: وخيرها 😕
نضال: غير ناداها بس وامشي انتي وياها في دار فاضيه
دعاء : شن قالولك من حضرو جنون متلا ولا خاطرك يمتك اتوحد فدار
الشباب:😂😂😂😂😂
اصيل: تم القصف بي نجاح 😂
نضال: غار اسمعي الكلام يافرخه وانتي مافالحه غار تقصفي وبس
دعاء بفخر: امالا شني
نضال: غار هيا ونوضي معاك المطرشه هديكا
امل: مطرشقه فعينك
نضال: منين جيتي و انتي رايحه زي الجن
دعاء: هيا لخص شن تبي رصيدي بيتم على دوا الفاضيه
نضال: باهي وانتي ماهمك غير فرصيد ...الموهيم نبيك انتي وياها تمشو وحده لي ريناد وحده لدلال وتقرصوهم قرصه قرصه الشياطين
دعاء: وعلاش انشالله خير
نضال: غار هيا تحصلو احلا هديه مني
امل: وشن يضمنلا !؟
نضال: ها حلفت انا تحصلو رصيد خمسه خمسه مني انا
دعاء : اممم كانه هكي ميا ميا وشن تبي تاني
نضال: لالا توا تمشو تقرصوهم والخط مفتوح نبو نسمعو
امل: ميا ميا اعتبرة تم
نضال: هي توكلو😂
طلعو دعاء وامل ومشو الصاله ولقو فيها ريناد دلال يهدرزو ضحكو ضحكة خبتيه ومشولهم  وشباب ميتين من الضحك خشو الصاله مشت امل لي دلال و دعاء لي ريناد
دعاء قعمزت بجنب ريناد
دعاء: رينــاد
ريناد شبحتلها على جنب : نعم
دعاء : شن تستعملي لي شعرك باش مولي هكي زي اليفا
الشباب انقلقو من الضحك 😂
عبد المهيمن يخبط على الولطا : ووووهههه عليا متتت 😂
نضال:😂😂ههههه قويه
ريناد شبحتلها بتفنيصه: شن قصدك ياقرده اه قولي
دعاء شقلبت عيونها: مقلت شيء انا قلت شن تستعملي بس وضحكت ضحه شريره😈
امل فنصت في دعاء بيمعنى هيا
دعاء:1
امل:2
دعاء:3
وكل وحده قرصت التانيه قرصه الشياطين
ريناد تصرخ: وهههههه عليا يا عن**** ياكبه تعالي جاي وههه وطلعت تجري وراها
الشباب ميتين من الضحك😂😂
دلال: توا انربيك ياعن شكلك اه يدي يا حيوانه وطلعت شياط وراهم
اما دعاء و امل هربو فوق في حوش امل 😂
نضال : ها يقردات 😂
دعاء وهيا داهشه :عاجبك توا يوجه السليطه
امل: وههه قريب رحنا فيها بريش
الشباب:😂😂😂😂😂
نضال: تي ولله احلا كرت خمسه يوصلكم تو
دعاء : هي ابعته خير ما نمشي نطلقهم عليك ونقوللهم نضال بعتني وخليهم يهجمو عليك في وسط للمربوعه
نضال بخوف: غار استهدي بلله يابنت توا نبعتهولك وانتي مصدقتي
دعاء : هي باي رصيدي يصفر ومتنساشي باي ( وسكرت)
نضال سكر: كلا هما خاطيرات الفرخات  اهما😂
عبدالرحمن: لاكن حصلنا جو😂
نضال: الفضل يرجع ليا ياحبيبي .وناض. 
ابراهيم شبحله: وين
نضال: تي شن وين نمشي نجيبلهم رصيد خير مايجو ياكلوني بقشوري وبلا ملح زياده😂وطلع ...
اوس نخص مهاب
مهاب شبحله: خير امك😒
اوس: علاش سموك مهاب ؟؟
مهاب شبحله بربع عين: علاش😕
اوس: لانك انت.....
مهاب: ياعن*****
يّتُبّـــعَ........
زعما شن قال لي مهاب باش خلاه يفصل؟؟ توا نعرفو في الحلقه الجايه❤🔥