حوش حنينه🔥

الحلقه.7.

#حوش حنينه#
( خيال مزوج بلواقع)
روايه بلهجه ليبية
الحلقه السابعه 7🌩
منار خشت لي حوش حنينه
منار : حنينه حنينه وينك
منار في سرها :وين مشت عزوز الشطان فيها العصر " "وقالت بصوت عالي" حنــينه
منار وهيا كيف بتخش للكوجينه تسمع في صوت حنينه في الغرفه وهيا اتقول
حنينه بنضرة شر : هههه لا اكيده ايه رح انجوزهم وحاتحضر العرس لا اكيد
منار تسمع وهيا مستغربه لين طاحت في ودانها كلمه
حنينه: ايه اكيد رح نختار الليله منار و معز ....
منارة طاحت على الفراش بصدمه وقالت: مسحيل😧
حنينه كملت مكلمتها الي نهايتها كانت عبار عن
ايه واليوم حنقي عرسان الجدد انشالله... ايه ايه هي سلام
منار كانت مقعمزة وعيونها معبيانت دموع وطلعت تجري قبل ما تلمحها حناها
__________

منار وهيا كيف راكبه خبطتت في معز وهوا كيف نازل من حوش عمه وائل
معز وهوا حاط يده على راسه: شن مشبحيش انتي ولا كيف
منار شبحتله بنضرة حقد. وركبت بدون ماترد عليه
معز وهو فوقه علامات الاستفهام : خيرها هادي ...ربي يهدي وهيا قريب ودرتلي جبهتي الزح... وطلع ركب في سياره وانتلف قصدي انطلق🙃🙂

نسرين وهيا تاكل في الفراوله : خير ياطير علاش جايينه خواتك اليوم  شن معندهمش وين يكسدو جو يشحتو في الجو هنايا
ناجيه حدفت عليها الكاشيك: غمي فمك واحترمي نفسك خير ما ناديلك بوك تو👌 ... وبعدين انتي شن دخلك فيهم خواتي و الحوش حوشي  وانا حرة
نسرين حدفت  النايلو الشكلاطه وبدتت تاكل: اصلا هادا مفالحه فيه انتي خواتي وخواتي نمشي نكسد عند سلسبيل و سوسن خير من وجوهكم
ناجيه: اشي اشي يا مطيوحه السعد ...امشي حتى للمريخ يا عنز المهم درقي وجهك من عليا وفوتي خواتي
نسرين تفلت على الوطه وطلعت من الكوجينه: خخخخ تفو على الهل العيشه الوباش هادي تي ولله ماني قايمه فيها عود اليوم تمام وماني مسلمه عليهم خواتها المخلوعات تفو
مهاب وهوا نازل من الدروج: بشوي بشوي على السانك ياماما راك تشرقي
نسرين قامت السبيدرو وحدفاته بيه: غم فمك .ومدخلكش بيا مش كان حنينه قالت نسرين لي مهاب يعني خلاص بدير روحك حاكم فيا لااااه مزال مولداتاش امه يلي يحكم فيا
مهاب وهوا شاد رجله: غار من هو الي حكم فيك انتي بس
نسرين نفخت قصتها: اصلا عارفه روحي شني ومحد يقدر يتحكم فيا
مهاب بنضرات خبت: وكان تزوجتك... و نتحكم  فيك ليننن نملل
نسرين: ولله ومن قال من وافق عليك اصلا انا
مهاب وهوا نازل: الايامات بيناتنا يابيبي
نسرين وهيا تلعلل: لا بيبي لارضيع ماناقصني الا انت هو عقاب باكوات تفو عليكم
سلسبيل فتحتت الباب وهيا شاده طاسه المياء: بشوي بشوي خودي اميا وانتي صوتك واصلا لا للحمام
نسرين خدتت الطاسه وبدتت تشرب : هادا مهاب الكلب حرقلي دمي ولد ستين كلب
سلسبيل بنضرات خبت: هادي من اولها هكي امالا كان تزوجتو شن بديريله
نسرين دفتها وخشت : من ديرله سم فيران عقبه هل الباكو
سلسبيل ضحكت : ربي يعاونك كان ما ما تجيبلي واحد نفسه
نسرين قعمزت على الصالون: متخافيش مضمونه
سوسن قعمزت على الصالون وتلعب بتيلفونها: ساعيكم
نسرين : غار قوليها زين انتي
سوسن بي ضحكة: ريلكس ياحبي ريلكس😌😋
نسرين : لا فري لاكس
سلسبيل:👏👏😂😂😂
سوسن ضحكت: مسمعتش بيها هيا بكل😂
نسرين وهيا تشرب في المياء: لما تعاشري واحد نفس مهاب ولد ستين كلب توا يخليك تقولي اكبر من الكلام هوا
سلسبيل:😂😂😂ههههه قويه
سوسن ناضت وجابت السفرة من المطبخ وجت
سوسن خشت بي سفرة البشار
سوسن خدت الصونيه وقعمزت: هي تفضولو متحشموش الحوش حوشكم
نسرين ضربتها بخفه: مصحك حتى كان قلتيلي مناكل مناكل غصبا عن جدك 😋
سلسبيل: جدي ميت يا حيوانه 😂😂😂🔥
شويه وبدو يهدرزو من موضوع لا موضوع...
٠٠٠٠٠٠٠٠٠٠
في دار مضلمة وستراتها مسكرات
ومفيش غار صوت التلفزيون
..
امل وهيا تنفخ في قصتها بيملل وحاطه رجليها على
الحيط وتتتفرج على سبونج بوب
ودعاء مقعمزه بجنبها وحاطه المصاصه في فمها ورجل على الوطا و رجل فوق الصالون منتبها مع التلفزيون بملل
ومن الجيها السرير رنا  وهيا تفسفس بملل
ومن الجيها تانيه شموع و سلسبيل وهما يلعبو بي البليستيشن ومنسجمات ..
وقاطع الهدوء ولجو الحلو
قفعت الباب الي سببها نمارق ..
نمارق بصوت عالي
: مننننن امبكري وانا اندور عليكم وييينكم
امل جت واقفه : وههههه يا عن شكلك خلعتيني ..
دعاء شبحتلها بربع عين وقالت: خير عمك جايه تقفعي اه شن صار في الدنيا كان فتحتي الباب بادب
نمارق قرفعت الباب  وفتحتت الضي
وتربعت فوق الطاوله وقالت عندي خطه جهنمـيه.🔥😈